سكرة الحب لذتها ثمالتها=والعتب شرهته من مدّت الساقي

والورق هاجسه نفسي وحرفتها=يجرحه طايش احساسي بالاوراقي

لو دروبي تبعّدها مسافتها=ياقف الدرب دوني ما انثنى ساقي

نظرةٍ ما تشوف هناك نظرتها=ترجع لوكرها في وسط الاحداقي

يا زمانٍ يعاندني بشوفتها=ظاهره ضاحك وجرحه بالاعماقي

سيدة قلبي وعبدة مخدتها=من ترفها جلال ظروفها دقاقي

كاعبه لاعبه والقلب سبحتها=بين شمس الاصيل ونور الاشراقي

راهية لاهية والطيش ساحتها=عاقله ثاقله وتعرف الاذواقي

ما احدٍ قال الوّتها ولوّتها=لو تعاون معه قانص وحدّاقي

المشاعر قبل لا اجيبها جتها=بين نبض الحروف ونار الاشواقي

والنهايه تساوت مع بدايتها=كنةٍ تحترق في داخل اعماقي