|
الحظ لا من طاح صعبه يقومي
السلام عليكم ورحمة الله وبركاته
اقدم لكم قصيده من قصائدي للتواصل تحت عنوان (يابحر) يقول يابحر لاتشكي همومك عليه=خلني عليك اشكي وافضفض همومي لونك انسانٍ بك الروح حيه=تصبح من صدوف الزمان معدومي لكنك انته شي مافيه زيه=يالله عسى تبقى وعمرك يدومي جيتك وانا راع السلوم الوفيه=الي يوضي لصلاه ويصومي ابغى تقهويني من الشاذليه=لوني ادري منت فاهم علومي الكون كله ضاق والضيق فيه=معاد ياسعني وياسع هدومي اظلم سماي وطاحت المعنويه=ودموع عيني مغرقات(ن)كمومي مكانه الا الهم مخلوق ليه=وامن الفرح وامن الشروق محرومي ماحيلتي ياغير اغَلب يديه=الحظ لا من طاح صعبه يقومي استغفر الخلاص صبح وعشيه=من كسرة الخاطر وكثر الحلومي ويابحر لاتشره وتنقد عليه=لولا الحزن ماجيت افضفض همومي |
الله الله عليك صح الســانك
بجدروووعه لاهنت |
صح اللسانك ابداع فى معنى الكلمة اتمناء لك التوفيق
|
صح الله لسـانك اخوي ماقصرت
|
صح الله لسان ع القصيدة الطيبة..لاخلا ولاعدم..
|
ويـابــحــر*لاتــشـــره*وتــنــقــد*عــلــيــه لولا*الحزن*ماجيـت*افضفـض*همومـي
صح لسانك سنام قصيده بقمه الروعه* |
ابداع
رائع صح السانك |
| الساعة الآن +4: 05:15 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
