إلى خفيت مابي بيّنه للغشيم ادموع=إلى شاف وجناتي من العين مبلوله
يقول أنت وشبك ربما اجيب لك منفوع=وانا أقول مصيوب الهوى لا تجي حوله
أنا لو بعرف ان الهوى قاضي(ن) مشروع=شرحت المسائل له ووقفت لحلوله
قريب(ن) علي والسلم من دونهم مقطوع؟؟=قليل الجدى يصبر ؟ والأفكار مشغوله ؟؟
حكمت الهوى غير الهوى لاع قلبي لوع=على فرقته كنّ المعاليق مشيوله؟
ثقيل العقل زين المعاني جميل اطبوع=له أطباع من بين المخاليق مقبوله
معاه أتفقت إن الزعل بيننا ممنوع ؟؟=سوى من شرح مابه والأسباب معقوله؟؟
غريبة نسى اللي قد مضى عاد حنْ باسبوع=يراضيني أمس ويزعل اليوم وش هوله؟
على فكرته بيجيبني غصب ولا طوع ..!!=يبي يكتشف سدي ودعواه مجهوله ؟؟
أنا قفيت عنّه لا بتابع ولا متبوع=ولا يندرى بالوقت لا غاب وش طوله؟؟
جميع السوالف وقفت وانتها الموضوع..؟=ولا عاد به شي(ن) ليا جيت بأقوله

اقتباس من مشاركة سيوف بني عبس (المشاركة 2391758) تسلم الايادي ع نقل صح لسان بن فطيس