قبيلة بني رشيد

قبيلة بني رشيد (http://ban3abs.com/aa/index.php)
-   منتدى الشـــعــــر (http://ban3abs.com/aa/forumdisplay.php?f=57)
-   -   ض ــــــــميت صدر إللي أحــب وقلت يازين الدفا (http://ban3abs.com/aa/showthread.php?t=106392)

أحاسيس 12-06-2011 07:05 AM

ض ــــــــميت صدر إللي أحــب وقلت يازين الدفا
 
لا يالشتا.. ويش آخره هالحال ؟ الله مبردك
العام هذا كن بردك زاد ..ويقولوا ;دفـــا

مدري أنا اللي صح..ولاهم..لكــن أوعــدك
إني إذا حل المسـا .. بغفي وانا اللي ماغفا

منذ احتلال الحب لاحساسي وانا اللي عودك
أسهر ..ولي مصباح من عشتك ونوره ماطفا

هالحين ماعدني على خبرك ..هذاني برقدك
تصبح على خير ..وتفقدني .. وصوت لي: أفا

يمكن تصحيني ..ويمكن لآ..ويمكن أفقدك
أو يمكن اتشبث بذكرى جرح واصرخ لك: كفا

ماعاد لي رغبة أعيش امسك وافكر في غدك
رزنامة ايامك عذاب .. ومابهـــا ساعة صــفا

شفني أقاوم زمهريرك..وارتمي في موقدك
النار تحرق ..بس بعض احيان لسعتها شفا

بردان أنا .. والشعر ماعاده على حــطة يــدك
نفس القصايد والسبب فـ ((محمد)) اللي إختفا



ليته خذاني ..كان ماجيت ارتجف واستنجدك
والآ خذاك احسن.. ولا البرد بضلوعي إحتـفا

إشتقت له ..تكفى جبه ذا الليل وابشر بسعدك
يبقى على مر الحنــين اعـــز واغلى من لفــا

وان مــارجع وياك فــاعذرني.. تراني بنــقدك
واقلبك من فصل الرومنــسية إلي فصل الجفا

لا صار مالي حظ فيك ادفى ..يجوز استبعدك
عندي ثلاث فصول تغنيني ..وعنك الله عفا

إرحل ..ولا ترجع مثل ما اليوم جيت بمفردك
إن كان لك عوده ..تعال وجب لي (محمد )ووفا

وبيومها ..لويشتكون الناس وقالوا : مبردك
ضميت صدر اللي أحب .. وقلت : يازين الدفا




الساعة الآن +4: 12:17 AM.

Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
هذا المنتدى يعمل على نسخة في بي بلص