[IMG]http://www.*******s.org/up/images/11064321362895263231.png[/IMG]

محمد الوسمي
وقصيدة الدبلة
من اروع مااقراءت ووقفت عند هذه القصيدة مطوله
اعلم ان من كتب هذه القصيدة مترف بحق

اترككم معها:



عمري رساله قبل القـى لهـا ساعـي
غدرنـي الوقـت بظروفـه وقطعـهـا



خانتني الريح .. مدري الخاين شراعـي
من غير الآمـال ماتـت قبـل اجمعهـا


انام واحلم : متى تتعـدل اوضاعـي ..!
واذا صحيت .. آخـذ احلامـي اشيعهـا


اضحك مع الناس واخفي عنهم اوجاعـي
وان شافني واحد اضحك قـال : بايعهـا


من بعد ماراحت اغلى نبض فأضلاعـي
وا نا المواجع تصارعنـي واصارعهـا


كنت انتظرها وانا في نومتـي.. واعـي
اخاف لا أحلم بهـا واصحـي واضيعهـا


كانت معي تشطب الظلمي من شعاعـي
والفج ر يوقف على البـاب ويشجعهـا


كانت .. تجي مثل صوت الناي للراعـي
من كثر شوقـي ادورهـا وانـا معهـا


كنت اشتكيهـا لحـزن الليـل والداعـي
واوصـي البعـد لاجـاتـه يرجعـهـا


من كثر مااحس معهـا قمـة ابداعـي:
مااحس روعة قصيدي .. قبل اسمعّهـا


اقول : لاماتت ايامـي مـن الناعـي ؟
وتقـول : الايـام تنعيهـا مواجعـهـا


واقول : وجروحك اللي مالهـا داعـي ؟
وتقـول : خـل الجـروح الله يقلعـهـا


.زرعتهـا حـب ياخذنـي لمربـاعـي
ونبتت لغيـري وانـا للعمـر زارعهـا


خلتني آعيش بيـن الحـزن وضياعـي
مستقبلـي ضيّعـتـه .. الله يضيعـهـا


مااذكر بكيت .. البكا ماهو من اطباعـي
اليـن مامـرت الذكـرى بشارعـهـا


ولاكنت احسب السنين بـتلوي ذراعـي
الا بعد حطـت ( الدبلـه ) فـأصابعهـا


يالحزن.. رح يمّها دام انتـه الساعـي
و اخذ معـك كلمتيـن لـزوم تسمعهـا


ان كان ندمت بعد ماعرفـت اوضاعـي
فهمهـا بـأن النـدم ماعـاد ينفعـهـا


وان كانها في شهر .. قدرت على وداعي
انا اربع سنين .. مدري كيف اودعها .. ؟؟


//