اليا حداني زماني تفزع اشعاري
 

مدري بكا حلم.. مدري ليلة غبره
... ... ...نسيوني احباب والاضاعت اخباري
هي تنتدبر.. اواقفت مابها دبره؟
... ... ...ليت الليالي تقدر غربة الساري
مدري من اللي من الثاني نفذ صبره؟
... ... ...لا يازمن من هو البايع من الشاري؟
لا الوجه وجهك ولا النبرة هي النبرة
... ... ...مدري.. ولكن طراك يازمن طاري
ماني بجاهل على الشدات تختبره
... ... ...تشتد ياوقت واصراري هو اصراري
بالقلب ما تعرف العبرة من العبرة
... ... ...وبناظري غيمة ما تمطر اسراري
خليت الاحزان باقصى القلب منثبرة
... ... ...ياكثر كذبي على نفسي وانا داري
قم ياقصيد يعزي الا انتثر حبره
... ... ...اليا حداني زماني تفزع اشعاري
وان بار فيه رفيق كنت معتبره
... ... ...اغلى من الروح.. ما نزلت مقداري
والله لو رد هاك الحب من قبره
... ... ...مارد له لين تبرد غلتي ثاري
ماكل شق مداه السلك والابرة
... ... ...وماكل عين تجاهل جرحي العاري
اما يقولون طاح الضلع من كبره
... ... ...والا.. يقولون ماهو للوطا ضاري
كل تكلم وكل خابر خبره
... ... ...بكره يبين الصحيح ان سهل الباري
البارحة ضقت واثر البارحة غبره
... ... ...مدري بكما حلم والا ضاعت اخباري؟

للزعيم

اما يقولون طاح الضلع من كبره
... ... ...والا.. يقولون ماهو للوطا ضاري

صح السان شاعرها .. لاهنت ع النقل المميز ..

رااائع الزعيم صح السااانه

لاهنت محمد الرااشد على النقل الراائع

تحياتي لك

أما يقولون طاح الظلع من كبره /////// و لا يقولون ماهو للوطى ظاري

هذا البيت من الابيات الذي دائما ارددها

صح لسان الزعيم و لاهنت يابو ملهي

تقبل تحياتي