يا هاجسي سجل لنا قاف مخصوص=من شرد الأفكار هات الإصوصي
أطلق رسنها والاصيلات ماتعوص=تاصل ولا يحتاج لوصات موصي
لصارت الدرة بوسط البحر غوص=قصيدتي وصبها من الدلوصي
في الوالد إلي للجزيلات راصوص=رجل السلام إلي على الدين يوصي
هو سيفنا إلي لا سحبناه قاصوص=على الدهر والعدو يصبح وقوصي
حصان وابن حصان وافي من أشخوص=كامل بعد من حافظ للنصوصي
شمساً ليا بانت نجوم السماء تلوص=وتصير في بطن السماء كالفصوصي
غيثاً من المنشأ ولا هو بناشوص=أمطر وشوف الان صف النموصي
صقر الحرار وماكرة عسر وملوص=محدن قدر ياصله كل يحوصي
ياصل على الطولات ماهو بناموص=حاكم على الدستور ومهو قروصي
الفقر يشكي منه ويقول معفوص=وليا سئلته قال عبدالله اوصي
وطاني لشعبه وشعبه هنا أرقوص=حتن جسمي صار كله قصوصي
وابليس سكر دربه وصار مقنوص=وانها دروب الفسد ويا اللصوصي
سطر من الأمجاد مكان منقوص=وسجل له التاريخ لوحة وبوصي
تمت بذكره عد ما يرزق فصوص=على نبياً بالشفاعة خصوصي