قال منهو يابداء ياخذ سمانه = والقوافي يانتختبه مايخونه
في بحور الشعر ماخانه لسانه= وينتقد بيته قبل لاينقدونه
قد مايقدر عن الهفوات صانه = والشعر من واجبه لازم يصونه
للشعر ماعاد يرضا للا هانه= وينزعج ياشاف ناس يكسرونه
ماعرفو نقصه وزوده وكسرانه= وفوق هذا بالكلام يعوجونه
والشعر من كان معروفن كيانه= اله قدرن عند ناسن يعرفونه
الفطاحل رافعينه عن طمانه= من بغو تحريفته ما ياصلونه
لايخاف الشعر دام انا وزانه= عوج الالسن لاحشاء مايطمسونه
مانبدل خانته بيات خانه= ولانطيع اللي يبون يحدثونه
الشعر برقابنا مثل الامانه= لا وقفنا بجانبه مايشوهونه
لو بلاه الله بهم بتلا زمانه = مانخلي عوج الالسن يدمرونه
الحداثه بالخطا ماله مكانه= وبالصواب الله يحيي من يبونه
والشعر عند العرب مرفوع شانه= كل سكان الجزيره يرغبونه
ماعليه الخوف ممسوكن عنانه= فيه ناسن من وراه وناس دونه
عن مشوهت الشعر معهم حصانه= ومن تعرض لتراث ينكلونه
محتمينه ناس مافيهم جبانه= في نهار السلم ولا وقت كونه
ومقصدي معروف قبل اختم بيانه = واضحن معناي ياللي تسمعونه

والشعر عند العرب مرفوع شانه=كل سكـان الجزيـره يرغبونـه

لو بلاه الله بهم باخر زمانه = مانخلي عوج الالسن يدمرونه