قبيلة بني رشيد - يا غريب عاش في دمي ربى من عروقي زاد والخافق مراح

ساهر والنجم سامر في سماه
أشتكي له طول ليلي للصباح
والقمر لى طل يسري في عجل
مل من كثر المناجا والصياح
وأشتكي للفجر مع نسمة سحر
ذكرتني ياسمين منك فاح
واشتكي للشمس قالت ذاك أمس
وهددتني من أشعتها سلاح
والرعدلى لج طرف العين سج
نور برقه مع خشين الصوت لاح
وإن سحاب مر من فوقي عبر
لى سمع شكواي بلامزان ناح
والمطر لي هل مابعده أمل
قد شكيتك له بجوف الأرض ساح
وإن شكيتك للبحر مني زجر
قال انا غدار ما عندي سماح
والصحاري قلت عنك حر ناري
وكل دعص من حميم القيض فاح
الطبيعة كلها قالت تبيعه
من بدا بالهجر هجرانه مباح
قلت اناباقي لأمل نثرالقصايد
كود يقرأ بعضها سيد الملاح
يازهر يا ورد لونه يا شذاه
عنك عمر العود غطاه الوشاح
يا غريب عاش في دمي ربى
من عروقي زاد والخافق مراح
وش يفيدالقلب صابر ياعناه
ما لقي له لحظة فيها انشراح
بعدك لحالي ولا حي يسال
ولا سوالف لا ضحوك ولا مزاح
أرحم ألي شاب في عزالشباب
يا خدين الروح هذا السد باح