فقير ويعايد على فقراني = امحق فقر وامحق بعد عيديه

ماكل من يصخر بيوتٍ مقفّاه = ودي بمعرفته وممشى مماشيه
احدٍ ليا ناداني اسمع مناداه = واحدٍ يناديني لكن ما التفت فيه

القول عز وزايد الهرج نقصان = ومن لا يثمن منطق الهرج عابه

اليا هرجت اقطف من الهرج دره = ترى المسامع بالخلايق مقامـات

جعل قسمي عند ربي من خيار القسوم = واحدٍ يعط العطايا ولا يرتدها

يا ضميري لا يهمك من الدنيا هموم = الصعيبة حلها والبسيطة عدها

كان ودك نسرد المكنون سردْ = حآضر وتآمر .. على من طاوعك
لا تزل وتعتذر في بوك وردْ = أنت هنت الورد من شلته معك!!

الفقر ماعيّب على اذكار حاتم = والمال مانجّـى من الموت قارون

الفقر والدين ماهو عيب = قبلي شكى فلان وفلاني
وتذكروا كيف عاش الذيب = مايجمع المال سرحاني
نهار مفلس ويوم مصيب = ورزقه على عالي الشاني

كم ميت(ن) تبقاء على الارض ذكراه = وكم حي ميت مادرى عـن مماتـه

الطيب زرقة رمح مابه مراوات = والا الردى راعيه ميت وهو حي