ياصاحبي ما طفف الوزن والكيل===واللي سفهته ما سفهته غشامه
الصمت حكمه والحكي له مداخيل ===ولاكثر هرج الرجال قل احترامه
والعلم نور تضيح دربه قناديل=== وإلا الجهل هدم بيوت الكرامه
ولا يهولك من كثر الهرج تظليل=== وقت الملاقا ما تشيله عضامه
تبين المراجل يوم وقت المشاكيل=== لامن تخالط عجها والعسامه
لعين الشاجعه والكرم تسرج الخيل === وكلش يهون الاالبخل والرخامه
واللي ترك فرضه وقام التنافيل=== ناقص ولا يسوى مجادل خصامه
لي حكمتي والعلم احلله تحليل ==== عن التسرع والخطا والندامه
احفظ لساني وازن الهرج لا يميل=== اخاف من علمن يجيب الندامه
واليا سريت اسري على الجدي وسهيل=== الليل ضلمى والنجوم العلامه
واليا وردت اشرب قراح الشهاليل === عدن عميقن راوياتن حيامه
واليا نخيت انخى الرجال الحلاحيل=== رجال الوفا والطيب رمز الشهامه
واشوم عن مجلس هل القال والقيل=== وازم نفسي عن طمان وهدامه
واعشق مجالس عز مجلس رجاجيل=== علي الشرف والطيب تبنا خيامه
طبعي وانا ربعي هل الجيش والخيل=== شيوخن لهم بالعز قدر ومقامه

واعشق مجالس عز مجلس رجاجيـل==علي الشرف والطيب تبنـا خيامـه
طبعي وانا ربعي هل الجيش والخيـل=شيوخن لهم بالعـز قـدر ومقامـه

صح الله لسانك اخوي حمد



على القصيده الوافيه والنعم فيك وبكل عبسي


ننتظر جديدك

واشوم عن مجلس هل القـال والقيـل===وازم نفسي عـن طمـان وهدامـه

اقتباس من مشاركة سعد البويدي (المشاركة 108217) صح الله لسان اخوي حمد نتمني ان نشاهد جميع قصائدك ننتظر جديدك ولك تحياتي سعدالبويدي

صح بدنك

والله يعافيك

مرورك يسعدني

لك مني كل التقدير

صح لسانك وبيض الله وجهك ...
وحنا بانتظار الغزل ...
تقبل تحيات اخوك ممدوح العريض