السلام عليكم ورحمة الله وبركاته

صباح الخير أو مساء الخير

قصيده جديده اتمنى ان تنال اعجابكم

هيه ياطير ياللي بالسماء اليوم حايم=واهنيك ليا من ضقت دربك سماحي
كل ماضقت من دارك نطحت السمايم=وش يعوقك مدام أنك ترف الجناحي
ليت منهو سواتك ماثنته العزايم=ولا نواله مراح وطاح دون المراحي
مابتلش بالمطير ولانشب بالضلايم=بين أهل النفاق وبين أهل الصلاحي
عالمن في بعضها تستبيح النمايم=تطعن ظهور خلق الله بعلط الرماحي
مالها وجه بين ماخشت لوم لايم=ذاهبين العقول مهذية كل صاحي
في غيابي تلحقني كبار الشتايم=وفي حضوري تقول أهرج وذنبك مباحي
وانا سابح بغبات التجارب وعايم=وكتشفت أن صدي سلوتي ونشراحي
صدتي عن قليلين المروه غنايم=راس كل الغنايم بالغياب أرتياحي
تطوي أقدامي البيداء ولا ضل هايم=أترك الماء الهماج اليا لقيت القراحي
الذيابه ليا ضاقت تذب الخرايم=والكلاب الجريه جيدهن النباحي

وسلامتكم

اقتباس من مشاركة مبارك السوارج (المشاركة 1997547) صح السانك يـ مبدع اشهد بالله انك شاعر منت بهين تقبل مروري

اقتباس من مشاركة مرآهيش (المشاركة 1997586) الله أكبر يا منصور بن صبح والله ماكنك الا تكتب مابدواخلنا صح لسانك ملايين

انشهد صح الســـــــــــــانك مليون ولايكفون
قصيده قوووويه جت على جرح
خلتني ابكي معاني صادقه لواقع حقيقي
بيض الله وجهك على هالشامخه
ننتظرالجديد

اقتباس من مشاركة الضرغام (المشاركة 1998426) ابيات رائعه دائم الخيال واسع كبير قصيده لها اجواها صح السانك

اقتباس من مشاركة سمري (المشاركة 1998455) الله يعطيك العافية

اقتباس من مشاركة عيد الداموك (المشاركة 2001273) منصور بن صبح صح اللسانك الله يكفينا شر اهل النفاق والنمايم وهذا بيت كذلك عن اهل النمايم اهل النمايم دايمٍ تدرج الحوم ** مثل الطيور الي تحوم بسماها

اقتباس من مشاركة ساااره (المشاركة 2004104) صح اللسانك وبيض الله وجهك

اقتباس من مشاركة دمعه (المشاركة 2007612) الذيابـه ليـا ضاقـت تـذب الخرايـم والكـلاب الجريـه جيدهـن النباحـي انشهد صح الســـــــــــــانك مليون ولايكفون قصيده قوووويه جت على جرح خلتني ابكي معاني صادقه لواقع حقيقي بيض الله وجهك على هالشامخه ننتظرالجديد

اقتباس من مشاركة احمد سبيتان (المشاركة 2007684) صح لسانك شاعر مبدع فالك التوفيق