|
ماذا ينقص الشاب السعودي
بسم الله الرحمن الرحيم السلام عليكم ورحمه الله وبركاته اليوم حبيت تشاركوني موضوعي بارئكم وخاصة الكويتيين لا اقصد العنصرية بس ابي أسباب مقنعه لرفض: لماذا ترفض اغلب الأسر الكويتية تزويج الشاب السعودي حتى لو كان شاب قريب لأسرة برغم من موافقتهم على تزوجهم من الشباب قطرين والأمارتين ....الخ؟؟ س :ماذا ينقص الشاب السعودي ؟؟ **لا احد يفهم الموضوع غلط أرجوكم |
بسم الله الرحمن الرحيم مشكور حيـــــــــــاتي سيوف على الموضوع الرائــــــــــع جدا وصدق جــــــــــاء على الجرح أولا:ما عندهم تحمل للمسؤولية يعني الواحد يتزوج وأول زواجهم مايشوف غيرها بس تعالي لهم بعدد كم شهر شوفي حياتهم كيف تصير ___صدق يطلع وجهه الحقيقي ثانيا:عيـــــــــــونهم زايغه لما يشوفو بنت كنهم أول مرة يشوفون حريم ثالثا :أغلبهم عاطلين عن العمل وأذا اتوضف جلس يتشرط بالوظيفة رابعا:الاهالي أدري بما بنفعهم وهذا خوف من حدوث المشاكل بين الزوجين وتضييع لحقوقهم ولاختلاف لمن له الاحقية بالحضانة لقدر الله وحدث طلاق ولكــــــــــــــي جزيل الشكر مني صديقتك سهم المحبة فــــــــــــــــــــــــــــــديتك |
شكر لج سهم المحبه اوانا احترام ريج بس مو الكل
بس لاتنسين خوف من حدوث مشاكل بين الزوجين وتضيع الحقوق بالاحوال شخصيه واختلاف بحاكم الحضانه لقدالله وحدث طلاق |
سيوف بنى عبس الموضوع انا اول مره اسمع ان الاسر الكويتيه ترفض تزويج السعودي عموما بعض النقاط من وجهه نظري فحص الزواج بالسعوديه ياخذ وقت وبهدله وبالكويت توهم طبقوا الفحص والا اول بدون فحص السعوديه بلد كبير مترامي الاطراف واهله متعودين يعيشون في قري صغيره وهذي القري لايوجد فيها اسواق ولاحياه مدنيه يعنى ماكو مستشفيات او تمثيل حكومي للوزارات واقرب مراجعه لاهل القري يمكن تتعدي 50 كيلو وتعال حلنى اذا قالك راجع الرياض وانت 500 كيلو عن الرياض مدخول الفرد السعودي يعتبر قليل بالنسبه لدول الخليج يمكن هذي بعض الاسباب والله اعلم وهذا مايمنع ان يكون الشاب السعودي كفو بالعكس الشباب السعودي فيه رجال صالحين وعيال قبايل وقربهم يشرف الاسره اللى تزوجهم اختى سهم المحبه العيون الزايقه بكل مكان ويمكن عندنا بالكويت العيون زايقه اكثر والعاطلين عن العمل موبيدهم هذا العطل واذا انتى الله رزقج بوظيفه احمدي ربك عليها ولاتقعدين تعايرين العاطلين وكلامج لما تقولين اذا عطوه وظيفه يتشرط طبعا يتشرط لان الوظيفه تكون مراسل يعنى مطراش يودي ملف ويجيب ملف او فراش وهذي الوظايف ماهى لعيال الحموله ياليت الاعضاء اللى يبون يتناقشون اذا عندكم نقاش علمي ياليت تفيدونا والا لاتقعدون اتفلسفون دمتم بود ؟ |
اولا: الكمال لله عز وجل والنقص للجميع
ثانيا:بالنسبة لرفض الاسر الكويتة على حد قولك فهي تعود الى ثقافات المجتمع..علما انني اعرف اكثر من شخص سعودي متزوج من كويتية والعكس .. |
السلام عليكم
اهلا سيوف واهلا بطرحك ذكرتي ان بعض الاسر ترفض الشاب السعودي زوج لبناتهم ..طبعا لاننكر ان لازال هناك من يزوج السعودي ..اما قريب او غيره ..وهي زيجه والتوفيق من الله سبحانه. لكن رفض بعض الاسر لاختلافات كثيره اقلها ان الفتاة ترفض تغيير محيطها او الاقتران بغير ابن بلدها وهذا ايضا في المملكه لان قريبه لي سعوديه رفضت كويتي ابن خالتها لانها لاتريد ان تبتعد عن اهلها وتفضل ابن بلدها .. وبعض الاسر الكويتيه ياعزيزتي ترى الاختلاف في البلد والمستقبل الوظيفي لابنتهم افضل في الكويت ولو كان الشاب السعودي مستقر بالكويت برغم ان اغلبهم لديهم ازمات ماديه فان مستقبل الابناء الغير كويتيين في الكويت تواجهم صعوبات كثيره .. شكرا سيوف ودمت بخير |
إقتباس:
خامساً: 100% ماعندك سالفه . وه بس فديت سيوف بنت عمو^_^. |
مع احترامي لـ كابته الموضوع , فكره الموضوع ليس لها فائده تٌذكر
وهل فعلا هناك [ مشكله ] من عدم تزويج الشاب السعودي لـ بنت الكويت ؟ إذا اخذنا بعين الاعتبار ان الزواج قسمه ونصيب ! ربما هذه حادثه فرديه حصلت لعائله ما ولايجب ان تعمم وتطرح كـ موضوع , لانك تشعرينا بأن السعودي رجل ناقص وغير مرغوب فيه وهذا غير صحيح بتاتا ولايحتاج بان ابين عكس ذلك فـ الواضح لايوضح ع العموم .. رزقنا الله واياك الزوج الصالح التقي النقي |
اعتقد صاحبة الموضوع لم توفق في مضمون موضوعها
اختي سيوف علما هناك العديد من الكويتيات متزوجات من سعوديين في الخفجي وحفر الباطن وايضا في القصيم وعدة مناطق متفرقه , وما تقولينه لاتعد عن بضع حالات في كل قبيله لاتزيد عن العشرة اصابع , للعلم هناك بعض لعوائل لاتريد ابنتها ان تبتعد عن محيطها الاجتماعي والبيئه , لكون الفتاة بنفسها ترفض الابتعاد عن مكان نشاتها مستقبلا , او ضغوط والدتها للعدول عن قرارها , ولو لاحظتي نسبة الزواج للفتيات من سعوديين لوجدتي الكثير منهن , المساله مساله نادرة الحدوث , وقد تكون ثقافة المجتمع مختلفه ومغايرة على حسب بعد اقاليم المناطق في السعوديه شكرا على الموضوع ولابأس فيه |
اختي
إذا اخذنا الموضوع على إطلاقة فهذا كلام غير صحيح المعروف ان الكويتيين والسعوديين اخوة ولكل قاعدة شواآذ فإذا كنتي سمعتي _ بأفراد _ رفضوا تزويج الشاب السعودي فلا نبني على ذلك القول ولا نعتبرة قاعدة عامة .. خصوصا ان جذور القبائل تمتد في السعودية والكويت وغيرها .. 2: الشاب السعودي لا يختلف عن الشاب الخليجي بشيء الأ بأمور لن نتطرق لها حتى لا يتجه الموضوع الى محور آخر .. وشكرا لك .. |
يمكن الكويتيه ماتبي رجال يكون اسم على مسمى ، وتبغى شخص تحركه بكيفها او العائله الكويتيه ككل تبي هالشي
والشاب السعودي معروف ب رجولته واخلاقه ونخوته وفزعته وكرمه وطيبه ف عشان كذا الكويتيه ماتبي سعودي !! عموما انا اعتقد ان السعودي الي يبي يتزوج بنت غير سعوديه (( يظلم نفسه )) اما البنت الكويتيه فاالله يوفقها مع القطري والاماراتي والعماني والبحريني وكل شاب خليجي وعربي وقبل هالشي الشاب المسلم اما السعودي فـ اعتقد ماراح يحصل افضل من البنت السعوديه ( جمال واخلاق وروح حلوه ) وبعيده كل البعد عن ثقالة الدم وعن ثقافة التطور الموجوده عند بعض بنات الدول الخليجيه المجاوره ( جد(ن) ) بالنسبه للدخل المادي ، انا موظف بالقطاع المصرفي واعرف ان دخل الاسر الكويتيه غير بعيد عن دخل العوائل السعوديه ( اذا اخذنا نسبة عدد سكان وقسمناها على متوسط الرواتب ) ، بعكس الشعب القطري او الاماراتي الي يحققون اعلى معدلات دخل ومتناسبه جدا مع الحاله المعيشيه عندهم ولو انها غاليه جدا |
السعوديه حريمهم مايسوقون
بس الجيران حريمهم يسوقون هذا بعين الختلاف |
لان السسسعوديه يحشرررها عند المواعين خخخخخخخخخخخخخخ
والكويتيه تحب الحريه و و و إلخ ^_^ 8 8 8 وجهة نظررر << اقول ليتك ساكت هووووووووع |
لان الشاب السعودي محافظ
|
شكرا لكم على وجهات النظر وبعض الحزازيات اللي من الخوان وعلى ماعتقد اني قلت لاحد يفهم الموضوع غلط بس كل يفسر على مشتهاه المختصر المفيد مو عشان ماقالوا المدخول المادي لفرد ولا الحريه ولا بعد المسفات وعلى الجنسيه انا بصراحه قبل لااطرح الموضوع سئلت جم وحده وكلهم ماكنت هذا العائق السبب بالمختصر المفيد ان بعضهم يقولون لقدر الله وتطلقت وعندها عيال راح يكونون عند الابو او مات اواواوالزبدة ان الاطفال ماراح يطلعون من ديرتهم الا بتصريح من ولي الامر وهذا سبب رفض البنات وانا مانكر ان فيه بنلت ماخذين سعودين وغيرهم والاغلب رافضين فكرة الزوج من الرجل الغير كويتي سوامارتي بحريني ....الخ
البعض يقول عشانه محافظ اصل كل رجال بمعنى الكلمه راح يكون محافظ وشكـــــــــــــــــــــــــــــــــــر لكم |
السلام عليكم
أختي يمكن يكون في أكثر من سبب و منهم قالوهم الاعضاء .. راتب الشاب السعودي نقدر نقول ضعيف بالنسبة للكويتي رفض البنات للأبتعاد عن اهلهم كونها بتعيش بعيد عن اهلها من اهم الاسباب نضرة اي بنت كويتيه لمستوى المعيشي اللي تشوفه بين اللي ماخذه كويتي و اللي ماخذه سعودي << أقدر اقول ان ان هاذي بعض الاسباب و مثل ما قال اخوي اثير الشوق لازالت الكويتيه تاخذ سعودي و لازال الكويتي ياخذ سعوديه .. شاكر لج على هالموضوع المتميز .. و المهم و اللي يستحق المناقشة .. ابدعتي بنت العم فهالطرح و يعطييج العآفيه .. |
| الساعة الآن +4: 05:15 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
