سلام الله سلامن ياصل الشاعر ويرمزله=مثل ماترمز الخيل الاصايل باول المضمار
تجهز للهجوس اللي تجي مني غصب جزله=تحيزم بالحروف وولع المعنى وشب النار

هلا يامرحبا ترحيب من مره يعنزله = اقوله في جديد الشاعر الي شد حيل وطار
عسي الهاجس علومه من طرفكم ماهي منعزله = انا ودي تصير الشاعر الي ماعليه غبار

يدوم ابك البقا والهجس ذالساعه على مهله=ومزاد السوق يفرق كل شين فيه بالاسعار
ترى موج البحر لاهاج مايعطي الفتى مهله=الينن الفتى يرسي على امواجه كما البحار

عيوني تلتفت في سوق ابو ريال وتعززله = ولا ني عارفن وش قصد سوق حجاب والتجار
علام الناس تشري بالثمينه حاجتن هزله = ولا دري كيف صار القرش في تالي الزمن دينار

عيونك تنظر لشين على جاله وتغمزله=ولاهمك من الاصناف ياللي تلفت الانظار
وسوق اريال ماينفع لزومن تشتري جمله=ولاتناطح بدينارك عزيزي عملت الدولار

عيوني تنظر لريمه وريمه رامت النزله = ابا اخذها يبدها مير عيت تقدر المظهار
انا تاجر ذهب ماشري هزيل منتفن غزله = مادام ان الديار مربعه وتعلها الامطار

مدامك تاجرن ياصاحبي اصرف لنا العمله=نبي منك الذهب صافي ولك منا حروف اشعار
على بيض الورق تبقى وريميتك تنظرله=تركدفي معانيها وردالعلم علمن سار

الاعشى راح مدري ليه روح روحتن عجله=عسى ماهنه خلاف بروحته في تكملت مشوار
نبي عذره على الساحه عسى عذره يجمل لَه=كذا يعني خروج بلا مبرركيف؟ ياستاار