هبت هبوب الشعر وهتزت معاليقي قصيد=واسرجت مهره ما عشقت غيري وانا خيالها
ضربتها فجوج الأدب ركاتها في كل بيد=ضربت حوافرها شواهد والعذوبها فالها
خاضت معاركها طرب من ذوقها لان العنيد=داست على سود النويا واعتلى منزالها
بعيونها ميلاد عز بصدرها مجدن تليد=بقفايها تمشي فخر لن الفخر منوالها
وهبه صخرها لي رب الكون رزاق العبيد=ياالله عسى الخير لا سجيتها مدهالها
الله من ليل العنا يا مهرتي يمطر جليد=والوقت صيف ولا حسبنا لليال وحالها
سود الليالي مدرسة شطار ودرس بليد=دروسها ما تختلف عند النساء و رجالها
ترعد وتبرق جرح بعيون البليد ولا تفيد=سالت حسبها صيف ما يحسب مدى غربالها
يجيبها عوجا رقبه ما تضرب الا جال حيد=عوجا يمشيها قهر والضيم سم عيالها
فرق التجارب بالعقل فرق القريب من البعيد=تثبت لك عقول الرجال النادره لا قالها
النادره حبكة فكر سبكة ذهب معنى فريد=تخضع سموع الذوق والأفكار تطرب بالها
هي شف قلب لحتمت ضخاتها عبر الوريد=يعيش فكري جوها وفنونها واثقالها
وتعيش نار الجرح مع صمتي على حلمن سعيد=الحلم ما غيرها تبقى معي وابقالها
عاهدتها من الليال السود لازم استفيد=من حلوها من مرها وافراحها واهوالها
وان الدروس الطيبه واعلومها اكبر رصيد=تعلم الشاطر خروجه لا نوى مدخالها
بإذن الله الرحمن جرح الليل يصبح يوم عيد=والطيبه تلفي وفاء وان ما لفت رحنالها

اقتباس من مشاركة ميلاس (المشاركة 1765070) صح لسآنك .. واعتلآ شآنك تسلم يمنآإك ع الطررح .. في إنتظآإر جديدك .

سود الليالـي مدرسـة شطـار ودرس بليـد
دروسها ما تختلف عنـد النسـاء و رجالهـا

اقتباس من مشاركة عظيم الشوق (المشاركة 1765179) صح للسانك مشكوووووور