رشيدي يبي الفزعه بإستفسار فهل من مجيب!!
 

السلام عليكم ورحمة الله وبركاته

يا بني عمي استفسار بسيط انا بروح السعوديه بروحي وابي اسكن بروحي لمدة ستة شهور بسألكم بخصوص اماكن الرشايده هناك عشان اكون قريب منها وشنو الاحسن لي في اي مكان بالمملكه لمدة ستة شهور فقط لا غير فهل من مجيب

الميزانيه ولله الحمد تكفيني والحال بأفضل حال ولله الحمد

فهل من رشيدي يقدر يفيدني سواء هنا او عبر التلفون

ان كان بالتلفون ارجو ارسال رسالة خاصه بالرقم والاسم وسوف اقوم بالاتصال

احتمال الوصول في نصف شهر 3 القادم

مع جزيل الشكر يا بني عمي والشكر موصول لجميع القبائل

رشيدي كويتي

وعليكم السلام ورحمه الله وبركاته

مرحبا فيك ملياار بالسعوديه

بالنسبه للرشايده بكل مكان بالسعوديه بتحصل رشايده ماعليك

بس اخوي انت ماحددت المنطقه الي بتسكن فيها ، ؟

هلابك يالبناخي ارحب
اخوي حدد مكان السكن بالسعوديه وبني رشيد بكل مكان

اي منطقه مأمونه بالنسبه لي بروحي وللعلم المملكه كلها مأمونه

ولا قصور بأمن المملكه ولا بأهلها لكن انا بروحي اهم شي ابي الكثافه السكانيه وماتحس بالغربه بروحك

ماعندي مشكله لو الحفر او القصيم او الرياض او الشرقيه او جده او مكه او خميس مشيط او حتى لو تبي عرعر

المهم منطقه مأهوله بالسكان والمجعمات التسويقيه وراحة البال

وشكرا لك لتفاعلك السريع

اهل المملكه ما يخيب فيكم الظن لا للبعيد ولا للقريب

عز الله المملكه بعزكم وعزكم الله بعز المملكه

شكرا

دامك تبي مولات وطلعات وروحات وجيات ووناسه
افضل لك تروح المنطقه الشرقيه وبالتحديد الخبر

مدينه حلوه وكل شي متوفر فيها وعلى بحر ، افضل مدينه اشوفها لك

واي استفسار الله يحييك

جزاك الله خير ياخوي حزام انا ما اقصد طلعات ووناسه انا اقصد يعني مأهوله بالسكان والمجمعات يعني منطقه ماتنام من المقاهي والمجمعات

ومليون نعم بالشرقيه والله اني ادزاد شرف ان رحت لهم هناك رجال ولا كل الرجال ولا قصوراً بأهل المملكه الباقي

كم تكلفة الايجارات لغرفه وصاله او ستديو او شقه بعرف الاسعار واحسب الميزانيه ان كان لك علم بأسعار الشرقيه

شكرا
واسف على ازعاجكم تقبلو تحياتي

ايه اخوي رشيدي كويتي
الشرقيه تصلح لك

بس ما ادري عن اسعار الايجارات بس فيه اعضاء كثير هنا من اهل الشرقيه يقدرون يفيدونك
وموفق خير ياررب

اعزك الله اخوي العزيز

ومشكور على الافاده الجزيله جعلها الله في ميزان حسناتك

وننتظر من الاخوان الافاده

شكرا

رشيدي كويتي الله
يعطيك العافيه
انا من رايي انك تسكن في الحليفه منطقه فيها كثافه سكانيه وممتازه بنسبه لك او المجصه

لاهنت يابو ناهي

لكن ماتعرف كم اسعار الشقق هناك تقريبا كم تتراوح انا بروحي

ان كان لك اعلم ارجو منك انك تفيدني

شكرا

الله يحيك بين اهلك بالسعودية

يارشيدي

كل شقه لها سعر

تحصل غرفه وصاله اليوم 100ريال وتتراوح الى 400 وأعلى


وبالنسبه لي انا اشوف انك تروح لحايل بعد حلوووه وفيها رشايده واجد وفيها مولات وفيها قووة فررر ^_^


واذا تبي تجلسس 6 شهور خذ لك شقه وأرتاح

الله يحييك اخوي مسعود

بالنسبه لاخوي مروان انا ابيها شقه لمدة ستة شهور يعني اذا يوميا ب 100 شهريا تطلع 3000 ريال

اسعار معقول

هل الاسعار هذي اسعار شقق حايل

شكرا

الله يحييك اخوي مسعود

بالنسبه لاخوي مروان هل الاسعار للي ذكرتها للشقق هي اسعار حايل

شكرا للكل

سوال لماذ زياره 6اشهر وبروحك اتجي هاذي يعني وحدك تبغا تعرف عل الرشايده والا تبغاء كثرة السكان مافهمت منك شي

بالنسبه لأخوي بن وضاح لك الشكر الموصول

انا ابي اعيش بالسعوديه فقط فتره ولكن لله االحمد والمنه ميزانيتي تكفيني وزياده

لكن حبيت استفسر عن اسعار الشقق والكثافه والسبب لحسب ميزانيتي لا اكثر لا اقل

شكرا

يارشيدي


اقول لك كل شقه تختلف عن الاخرى


ممكن تحصل بـ 100 ريال بحايل


بس لا تنسى ان اللي 100 ريال مش ولا بد



يعني اذا تبي حلوه وتمشي امورك من ناحية النظافه والترتيب تطلع عليك اليوميه تقريبا 200 ريال


ايه تحصل بحاايل 200 وب100 ريال بعد بس اختلاف النظافه والخدمات تفرق الاسعار



وعسى الله يوفقك


وارجع واقول تأخذ لك شقق باالاجار الشهري افضل لك

حياك الله ياطويل العمر

والرشايده بكل مكان في السعوديه..


لكن انت ماحددت وش غرضك لان السعوديه كبير ه وواسعه وكل بلد له شكل ومميزات..

يعني الرياض

فيه مولات كبيره وكثيره وكل حاره وكل شارع تلاقي مول او كوفي او سوق او مطعم ..

وفيه بشر اشكال والوان وناس متعلمين ومثقفين وبتشوف جميع الاطياف في الرياض ..

وفيها اكبر تجمع للرشايده..

عندك الشرقيه..

الشرقيه منطقه اعمال ومصانع

واغلب مدن الشرقيه مو جميله ماعدا بعض الاحياء الخارجيه البعيده عن وسط المدنيه

الشرقيه احسن مكان فيها الخبر..

والخبر مافيه الا مول واحد

لكن فيها كوفيهات وفيها مطاعم

ماشي حالها يعني..

وفيها ثاني اكبر تجمع للرشايده

الغربيه مافيها كثافه من الرشايده كثير

واحسن مكان فيها جده ..

وجده مثل الرياض من ناحية المولات والاسواق ولكن فيها حريه اكثر وفيها شاليهات والبحر ولا يصكون عليك الهيئه كثير


بعدين ياسيدي عندك القصيم

مدينة بريده بالقصيم مدينه صغيره ومتحضره لكن مافيها لامولات ولا اسوق ولا كوفيها

فيها مزارع وفيها بر..

وفيها تجمع لاباءس به للرشايده هناك

ويعيبها ان مافيها مطاعم ولا كوفيهات..

لكن تتميز انها قريبة من مضارب عبس..


ا

مدينه حايل


مدينه حايل مثل القصيم مافيها لا مولات ولا اسوق ولا كوفيهات

ويغلب على اهلها البدواه

واذا طفشت ماعندك الا البر


وتمتاز ان اهلها طيبين ولو انهم فيها عنصريه زايده..
وفيها تجمع للرشايده كبيير وقريبه من مضارب عب

اخر شي المدينه المنوره

المدينه فيها مول او مولين عاديين لكن مافيها كوفيهات
المطاعم فيها ماشي حالهم


وتمتاز انها تجمع كبير للرشايده وقريبه من مضارب عبس


..

وانا انصحك بما انك تريد مدينه فيها مولات ومقاهي ومطاعم جميله جدا وفيها تجمع للرشايده كبير...


اول شي عندك الرياض..

ثاني شي الخبر..

المدنيه المنوره تمشي الحال ولو انها مو مثل الرياض او الخبر ولا فيه مقارنهم معاهم

غير هالمدينتين ما انصحك تسكن فيهم


االا اذا تستغني عن المطاعم والكوفيهات

..

بالنسبه للاجار في الشقق المفروشه.

تختلف حسب الحي الي بتسكن فيه وحسب النضافه والفخامه..


يعني عندك شقه صغيره غرفه وصالون ومطبخ وحمام

تبداء من الفين ريال وطالع في الشهر طبعا


وحياك الله مره ثانيه

..

اي نعم اخوي مروان انا ابيها بالايجار الشهري وليس اليومي

ان كان لك علم فأخبرني جزاك الله خير

والشكر موصل لك

تسلم على الشرح المميز اخوي هشام وكثر الله خيرك

يعني بالرياض مثلا احصل شقه مأثثه بمكان حلو وقريبه من المولات والمقاهي والشيشه

بحدود 2000 ريال مثلا

ارجو منك افادتي

والشكر موصل لك

اي نعم بتلاقي با اقل ايضا..

وع فكره الرياض يعني مترابطه ببعض يعني الاحياء مو بعيده مثل ماتتصور..


كل حي بجنب الحيي الثاني مو مثل الكويت..

..

ماعليها بتعبك معاي اخو هشام لكن تحملنا

تنصحني وين اسكن بالرياض اي حي زين ومريح وقريب من الخدمات

وشكرا

شوف ياعزيزي ..

انا قريت ردودك وتقريبا عرفت وش تبي بالضبط ..
عندك الرياض هي انسب مكان لك لأنها مدينه ماتنام
وفيها كل الي تبيه مجمعات مولات اسواق مقاهي شيشه كوفيهات
مطاعم على مستوى وفيها شقق مفروشه على مستوى عالي وبأسعار متفاوته
يعني بتحصل بالمبلغ الي ذكرت واقل بعد
والله يحييك ببلدك الثاني

ولد بني عبس شكرا لتفاعلك معاي

وين تنصحني بالرياض اي مكان تحديدا اي حي تنصحوني فيه

شكرا

حي الروضه بشرق الرياض ..

أو الحمراء أو القدس

للمعلوميه كلها قريبه من بعض

والله شوف ياصديقي

كل حي له ممميزات وله عيوب

قلتلك

كل الاحياء فيها خدمات تقريبا

والاسواق والمولات قريبه من كل الاحياء

لانها بالسنتر والاحياء قريبه من السنتر

وابعد حي عشر دقايق وانت بوسط المدينه


اذ كنت تبغا حي هادي ونضيف وقريب من الخدمات اسكن اي حي شمال الرياض اي حي يالشمال حلوو


وفيه عندك احياء وسط المدينه

مثل السليمانه والعليا هاذي احياء وسط البلد وفيه احياء غيرها بعد بوسط البلد كثيره





اذا تحب احياء شعبيه

فيه الربوه والروضه وام الحمام


..

فيها شقق بالاسعار المذكوره

ولو تعرف اسعارهم تقريبا

ماعليها استحملونا شويه

والشكر موصول لكم

الشقق تكون بعماير خاصه

وهل من الممكن يسكن فيها عزوبي

والسعر المذكور هل هو لغرفه وصاله وحمام ومطبخ

شكرا

اخوي هشام انت ساكن بالرياض ؟

..

كلامك غير صحيح بالنسبه لأبعد حي عشر دقايق وانت بوسط المدينه

الرياض مدينه كبيره ومتراميه الاطراف يعني لو انت بالشرق وتبي الغرب يبي لك ساعه كامله على الاقل الم تكن اكثر

خصوصا بأوقات الذوره يعني شي مو طبيعي

والشي الثاني يعاب عليها زحمه الشوارع يعني الشوارع زحمه وخصوصا الصبح

يعني لو سكنت الرياض اخوي كويتي لازم تتعود على هالشي

اخوي هشام تقول الربوه حي شعبي !!!!

الاحياء الشعبيه تكون غالبا بوسط الرياض مثل منفوحه والديره والجراديه

اما الربوه والروضه أحياء راقيه وحديثه

اخوي ولد عبس انت الظاهر من اهل الرياض

فيدني جزاك الله خير بالاماكن والاسعار كان تعرف

او الاسعار التقريبيه واسامي الاماكن السكنيه لو تعرف

ماعليها تحملنا

الشكر موصول لكم

بالنسبه للشقق ياصديقي حمام وصالون ومطبخ وحمام

هاذا افضل شي لك اذا كنت بلحالك


بالنسبه للربوه ياصديقي هو والروضه نعم حي شعبي..

..اما بالاحياء الي ذكرت هاذي اصلا مايسكن فيها احد الا مضطر يسكن فيها

لانها خرابات مو احياء

وان ااقصد احياء شعبيه يعني ناس شعبيين

يعني عامة الشعب


..

يارشيدي الزحمه الله يعينك عليها بس لها اوقات محدده مو كل وقت..



واالاحياء الي قلتلك عليها كلها قريبه من وسط المدينه..

يعني احياء شمال االرياض كلها امتداد شارع العليا والملك فهد

او امتداد خريض


..

مع اني لست من سكان الرياض ..

لكن معرفتي بالرياض جيده

الشقق المفروشه بكل مكان بالرياض عوائل كانت او عزوبيه

وسعر 2000 يشمل غرفه وصاله وحمام ومطبخ قد يزيد قليلا او ينقص

تحصل اكثر وتحصل اقل على حسب جوده الشقق وحداثتها

تكون الشقق بعماير على شارع عام مليئ بالخدمات من مطاعم و وكوفيهات

ومقاهي الشيشه المشهوره بشرق الرياض على طريق الدمام قريبه من حي الروضه

عند الفحص الدوري مايقارب 20 الى 50 مقهى شيشه تختلف عن بعضها

واي استفسار انا حاضر ؟

اخوي حاول تتأكد قبل لا تتكلم
كلامك موب صحيح ابدا

انت تقول مو من سكان الرياض كيف يكون كلامي غير صحيح وانت الصحيح..

الروضه والربوه زحمه وبزارينهم بالشوارع وتفحيط وناس بس تحوم وسرقات وووو

واحياء شرق الرياض كلها ع هالمنوال لانه اغلب من يسكنها ناس غير متعلمين وع قد حالهم..

ويكفي انها بحوار حي النسيم والسلي والاحياء المليئه بالمشاكل..

..
..

واذا كنت مو سكان الرياض يعني ماافهم

انت الظاهر عاكس الدنيا وانا اخوك ..

...........

اسأل اي واحد من سكان الرياض ويعلمك بالعلم الصحيح

وخلك عنك كلمه يقولون

العفو ياولد عبس..

الي تبيه يصير طال عمرك

بتصير الربوه والروضه احسن من النخيل والربيع والعقيق والسليمانيه والملز واحسن من حطين واحسن من الازدها والمروج وكل الاحياء الي غير الربوه والروضه


...

ياناس انا قلت انها افضل من هالاحياء ؟

مشكلتك انك تفهم الموضوع غلط

..

انا قلت احياء ممتازه وراقيه ومليئه بالخدمات وقريبه من مقاهي الشيشه

فهمت ولا باقي ؟

لا ياصديقي غير راقيه صحح معلوماتك

يمكن قريبه من مقاهي الشيشه

لكن احياء شمال الرياض عندهامقاهي قريبه ايضا
\

..

خلاص غير راقيه وشعبيه وسكانها غير متعلمين واغبياء

بس اطلع من الموضوع

ولا تتكلم عن شي ماتعرف عنه شي

نصيحه