يكفيك ؟؟ وانا بياض الوجه يكفينـي
 

http://t2.gstatic.com/images?q=tbn:P...1139488770.jpg
الشاعر الكبير / سلطان الهاجرى
اثرك جالك بطين ونبت لـك صـره
يوم إني ازهم عليـك ولاتحاكينـي
ورثت ورث العجوز جيـت مجتـره
وصنفت نفسك من أصحاب الملاييني
بالله ابنشدك كم مـره وكـم مـره
يجفونك اقرب بني عمـك وتاتينـي
تشكي من الفقر وتعاني من الحـره
واقوم واقسم معاشي بينك وبينـي
واليوم تركب على المرسدس وتفره
كنـك حفيـد الأأمـه والسلاطينـي
لوك بـدال المريكـي عالـم الـذره
يمديك أكلت الزوالـي والبطاطينـي
يعطيك من خيره ويكفيك من شـره
عقب التكاسي وعقب الفقر والديني
ان كان نفسك من المليـون منغـره
تراك خسـران فالدنيـا وفالدينـي
الله هو اللي يسـر العبـد ويضـره
والا انته اربع حروف ٍ بين قوسيني
تراك مازلت تتبعنـا علـى الجـره
من عاد حنا على ظهور البعارينـي
قوم ٍ يدينا تحـوش المـال وتثـره
على بيـوت الأرامـل والمساكينـي
لو نملك الكون من بحره ليـا بـره
مانمتلك بـه عمـارات ودكاكينـي
وان كان نفسك من المليون منغـره
يكفيك ؟؟ وانا بياض الوجه يكفينـي

سلمت يابو سعود

صح لساااااااااااانك يا ابوسعد

ابو خال
جزوف
نوماس
لاهنتم على الاطلاع والمتابعه والتواجد الرائع

مشكور يابوسعود على النقل

اختياااااااار من شخص رائع

راق لي ما كتبت

اابيااااااااااااات رااائعه

صح السان شاعرها

وصح ذوقك واختياارك الراائع

لاهنت ابو سعود على النقل الجميل

تحياتي لك

يازين هالقصيده

صح الله لسسانه


ولاهنت يالاجهر

نقلك للقصيده في قمة الروعه بما تحمله الكلمات من معاني كثيره جعلتني اقف بالاطلاع عليها
أخوي تسلم عالنقل الرائع
تحياتي

سبحان الله جبتها على الجرح

فلاح
المشعل
عدنان اشكر مروركم
تحياتي لكم

لاهنت اخوي على النقل

صح لسان الشاعر ، وسلمت .