اقرب يا صقر بني عبس
 

يا مرحبا يا اهل الوفا والمواقيف =الي يعزون الرجال الوفيه
متي تجي عندي وتشرب من الكيف=تاكل من التمره بيدك البريه
سامحنا علي التاخير

صح لسانك يا ولد العود

السموحه حصل خطا مطبعي من الناقل

صح لسانك يابن عيد

نعم نعم
فيك البقا وانته معزب وانا ضيف = يمكن اشوي تصير قايد سريه
اليا وصل منكم خبر جيت للسيف = ياهل الديار اللي هواها عذيه

صح لسـآنكم مقدمن


متآبع

ما ودي انزل عند قاف الملاقيف=الله رفعني عن دروب الخطيه
قرب وشف فعلي وبتشوف ماشيف=وتبا تواجهلك علومن خفيه

نعم نعم
انا ادري انك شاعر وجاك حرّيف= العب معه ببيوت زينه قويه
ان كان عند علم مافيه تزييف = عطنا العلوم الطيبه والطريه

ياطيب قلبك يا حسين التواصيف=تجرا عليه وانت ضمن الرعيه
شاعر ماخذت الشور بيد المعاريف=لي فالوغى ماقف وعيني جريه

نعم نعم
اثرك يامحمد بعيد المحاذيف = تلعب على المسحوب والسامريه
شاعر ما فيك قصور لكن صواديف = انا منوي وانت عندي بنيه

ياصاحبي منك مايحتاج تعريف=انته من الحسنات تاخذك سيه
لي مره وانته مره لا جيت بجنيف=هاذي هديه كان تبغي هديه

نعم نعم
انته اليا هبت عليك العواصيف= راحت علومك بين روحه وجيه
اجيك منّا وجيت مناك ياحيف= هذي دروب الناس بالجاهليه

انته رجل ما جا معك شاعر ضعيف=يعرف خفايا والمسافه مديه
لكن درجها مادامك علي طريف=والنار حيه وانت فيها ضحيه

تصبح على خير يامحمد انا وراي دوام

وانت من اهله

صح السنتكم جميعا ً شعار وافين

ابدعتوا وامتعتوا

بحضورك شرفتنا وحيااك الله

الله الله
تسلمون على هذا الطاروق