|
حتى لا يُساء الظن في خاتم سليمان.... موضوع يخص الأداره بالمقام الاول؟؟؟؟
السلام عليكم ورحمة الله وبركاته ....
اخواني اداره ومشرفين واعضاء وزوار ارحب بكم اجمل ترحيب واسعد الله اوقاتكم بالخير والافراح .. موضوعي يبرر موقفي إزاء ما كثر اللغط فيه, وانا هنا اتحدثّ واخص الاداره بالحديث رجاء ً على من يعرف خاتم سليمان ووجهة نظره سواء ً في الاحزاب او غيرها ان لا يكتب مواضيع تناقض وجهة نظري .... وانا هنا رسالتي انني امثل قبيله وليس حزب واعلم ان المنتدى يرتاده ابناء قبائل وبهم مثقفون وشعار ويهمني الرقي بعبس العريقه ووجهة نظري بالاحزاب معروفه لدى الجميع كما انني لم اشاهد هذه الاحزاب في منتديات القبائل الاخرى ( هذيل , عتيبه , مطير , حرب وجميع القبائل ) وبالذات في هذا المستوى المطروح....... واشدد على من ارد ان يوضح شي فانا شاعر لست بالمتكبر ولا المغرور من ارد ان يوضح لي او يرشدني يكتب ذلك شعراً ومن لم يكن شاعر يرسل رساله خاصه... والسبب في ذلك لقطع دابر المشاركات التي قد تسئ لسمعة هذا الصرح الشامخ واتمنى ان يعذرني الجميع فيما لو تهجم علي احد بشعر ودافعت عن نفسي لان عدم رد الشاعر في مثل هالمواقف يعتبر ضعف...حيث سبق ان تهجم علي شاعر وبداؤ بالتصفيق له وانذرته ولكن تمادى ومن اول رد لي بدأوا يحملونني المسؤليه ويتهمونني بالظلم والعدوانيه ...... واخيراً تقبلوا تحياتي ... اخوكم / خاتم سليمان |
كلام كثير مافهمنا منه شئ ومع ذلك تشكر عليه
|
ابوسليمان عطنا طاروق الله يرحم والديك خليك وسيع صدر تحياتي
|
صح لسانك كلام مفهوم وواضح هذا الكلام وما عليك من ربع ان لم تكن معي فانت ضدي الاهم منتدى عبس
|
انت وش انت مسوي
|
العميل السري تعال نبي ناخذ طاروق على هالصبح
|
عزالله انك وافي يا ابو سليمان وانت شاعر بما تعني الكلمه وكل كلامك منطقي وصحيح ولاكن اللذين يعجزون عن الرد بالشعر يردون بوسائل اخرى ونطلب لهم الهدايه بارك الله فيك |
والله مادري عنك يابو الخواتم كلامك واجد والصواب الله الي يعلمه لكن اسمع وان عمك هههههههه
اليا انتها مشكل طلع مشكلٍ ثان = وكل المشاكل من وكالة يقولون حول مكان افلان خاتم سليمان= في كل يومن فاتحن للعرب شؤن وقام يعرض تمثيل لفلان وفلان = ونكر جميع احزابنا يالله العون ماحد نشدكم عن مطيرن وعتبان= لكن اضنك في هذولاك مفتون حناسلايل عبس من وقت الاكوان= ما نقتدي بالناس فينا يتقدون اركد وحزبي ماتغيره الازمان = لو من سببنا من بلدنا تشدون حنا تعرفنا يوم روغات الاذهان= بيومن به الشجعان دوم ايتناخون بني رشيد الهم على المجد عنوان= يوم القبايل بين طاعن ومطعون واليوم في نعمه ولافيه عدوان= بظل الملوك اللي عس مايزولون في نجد ولا لاتنصيت هدلان = دار الصباح اللي عساهم يدومون والختامه ياصلك موجز بالالحان = واحذرك بمواجهي لاتمادون ههههههههه |
إقتباس:
مرررحبا يالزميل ونورت الموضوع وابشر باللي تامر عليه اللعب معاك مكسب وفتل ونقض ورحم الله والديك.... |
إقتباس:
مرحبا ياابوموسى نورت المتصفح ,,, وصح بدنك ولا ازيد على كلامك الا بمثله ,,,,, لاهنت |
إقتباس:
بيض الله وجهك صح لسانك |
إقتباس:
مررحبا ياابن عووون نورتنا ... وصح لسانك وشهاده اعتز فيها وبيض الله وجهك ,,,,,,,,,ولاهنت |
إقتباس:
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,, بسم الله أسمي على كل شيطان=حتى يضيق إبليس وإبليس ملعون ما ماتت الحكمه بعد موت لقمان=ولا أورّد الحكمه على راس مجنون ثقيل وأثقل من حجا ضلع حوران=وحامي كأني من حما النّار مسنون أشكي لأبن مربح عسى الشعر ماهان=يوم الفقارى من زكاته يزكّون أصبحت ياأبن مربح اليوم شحّان=وأزريت أطفي كل جوال مشحون كم شاعر ٍ بين العرب مات عطشان=موت الحياما والشواعير يردون امطير واعتيبه قبايل لها شان=وباق القبايل بالدّيْر مايهونون وحنّا الطغاه اليا طغى كل فسقان=يبطي عظم واهل الفسق عظم يبطون وحنّا نجوم العز من بين الأكوان=فينا مضاعيف الرّجال ايتدلوّن وسّامة الكفّه على فخذ ريمان=اليا حصل بالكون طاحن ومطحون وأنا مجمّل عبس في كل ميدان=يوم إن غير دون من دون في دون بالشعر وإلا بالمراجل والأحسان=يأصحابنا تدرون وإلا ماتدرون ماسرّت الأحزاب في شعب لبنان=راحوا مع الأحزاب طاعن ومطعون وحتى ولو يظهر من النّار دخّان=أفخر بعبس العز والعز مايهون وياالله تعزّ الروس وتعزّ الأمتان=يا ناصر ٍ موسى على شعب فرعون |
بيض الله وجهك ياخاتم سليمان
الحقيقه تعجبنى وجهت نظرك وانا بصفك ولااراء مسميات الاحزاب القبله كلها حزب واحد وابناء القبيله كلهم صف واحد وهذا الصحيح وتقبلوا مرورى |
إقتباس:
ووجهك ابيض ياابن جوهر ويعطيك العافيه ومرورك شرفني ولاهنت يالربع في خطأ مطبعي في احد الابيات وتعديل البيت يكون : وأنا مجمّل عبس في كل ميدان=يوم إنّ غيري دون من دون في دون |
بسم الله أسمي على كل شيطان=حتى يضيق إبليس وإبليس ملعون ما ماتت الحكمه بعد موت لقمان=ولا أورّد الحكمه على راس مجنون ثقيل وأثقل من حجا ضلع حوران=وحامي كأني من حما النّار مسنون أشكي لإبن مربح عسى الشعر ماهان=يوم الفقارى من زكاته يزكّون أصبحت ياأبن مربح اليوم شحّان=وأزريت أطفّي كل جوّال مشحون كم شاعر ٍ بين العرب مات عطشان=موت الحياما والشواعير يردون امطير واعتيبه قبايل لها شان=وباق القبايل بالدّيْر مايهونون وحنّا الطغاه اليا طغى كل فسقان=يبطي عظم واهل الفسق عظم يبطون وحنّا نجوم العز من بين الأكوان=فينا مضاعيف الرّجال ايتدلّون وسّامة الكفه على فخذ ريمان=اليا حصل بالكون طاحن ومطحون وأنا مجمّل عبس في كل ميدان=يوم إنّ غيري دون من دون في دون بالشعر وإلا بالمراجل والأحسان=ياأصحابنا تدّرون والاّ ماتدّرون ما سرّت الأحزاب في شعب لبنان=راحوا مع الأحزاب طاعن ومطعون حتى ولو يظهر من النّار دخّان=أفخر بعبس العز والعز مايهون ويالله تعزّ الروس وتعزّ الأمتان=يا ناصر ٍ موسى على شعب فرعون |
إقتباس:
و أبياتك تكفي من جد لا تعليق ! و ما ننحرم من تواجدك بإذن الله ^_^ |
إقتباس:
|
صح السان الجميع عااااااااااااشو الشعاااااااااااااااار
|
إقتباس:
الله الله الله مشأالله عليك يابوسليمان صراحه ياخوفي تكون أنت الشاعرعيدبن مربح ههههههههههههه بيض الله وجهك مردجزل من شاعرجزل والله اني صادق لله درك يابو الشعركله وش ذا لابداع تبارك الله \\\ الله يكفيك من شر العيون لاتنضلك ياشاعرنا \\\\\ ما ماتت الحكمه بعد موت لقمان=ولا أورّد الحكمه على راس مجنون وسّامة الكفـه علـى فخـذ ريمـان اليا حصل بالكون طاحن ومطحـون وأنا مجمّل عبس في كل ميدان=يوم إنّ غيري دون من دون في دون لك مني كل الشكروالتقدير ولايهون ابوتركي قابس النيران كفوا الجميع ابوتركي \\ وخاتم سليمان ابداع في ابداع هذ الشعر والباقي يفتح الله ههههههههههه ولايهونون الشعارالباقين ههههههههههههههههه |
إقتباس:
اختي حنان ,,,, صح ابدانك وذوقك ويعطيك العافيه ع المرور |
إقتباس:
الزميل / الاسد ,,,,, يعطيك العافيه على الاطراء, وانت ما اخاف فالمنتدى الا منك في المحاروات الشرسه لأك تمتلك أنياب شعريه فتّاكه قادره على إنهاء الخصم في ظرف ثوان ٍ معدوده . ولاهو قصور في أخوانا اللي انا ذكرتهم في تعليقاتي السابقه.. منهم جحدر وابو موسى وشاعر الوطن وابن حيان وشعار كُثر يشرّفون المنتدى في اطروحاتهم وإبداعهم ... والأبداع انا مستوحيه من بيئتي بيئة عبس فهي بيئه خصبه للجزاله وعمق المعنى و قوة المفرده وعراقتها ..... ولاهنت على المرور ........... |
ماماتت الحكمة بعد موت لقمان =ولا اورد الحكمة على راس مجنون
يالله حكمة بيت يساوي قصائد الله اكبر عليك الظاهر انك ابو غريب |
إقتباس:
مرحبا يالمحترم والله يحيك ,,,,,,, وصح بدنك ويعطيك العافيه على المرور والبيت وراعي البيت يفدونك ,,, وأبو غريب عزيز وغالي على الجميع ,,,,, لاهنت |
اشكر الجميع كما اشكر ابو الخواتم على الرد الطيب اما حزب العمده وحزب النصر وحزب الشباب لايمكن ان يزولون حتى يرث الله الارض ومن فيها ومن يتخوف من كلمة حزب عليه الحياديه عن المواضيع اللي تخص هذه الاحزاب الشريفه الذي من ذا اربع سنوات ونارهم حيه يجون المتطفلين وينكرون احزاب اعترفة فيها اغلب المواقع العبسيه نقول لاهؤ لاء لا والف لا
مع تحيات ريئس الاحزاب العبسيه على الشبكه العنكبوتيه العمده الصج وليس المزور ههههههههههههه |
الله يوفقك يالامير
وخل عندك هالحكمه هديه مني . ماضر السـحاب نبح ال..... |
إقتباس:
السلام عليكم ورحمة الله وبركاته بعد طول الغياب وقلة المشاركه من قبلي خلال الفترة الماضيه أعود من جديد من خلال ردي على رد أخينا خاتم سليمان الذي قال فأبدع فهذا الخطر الداهم القادم الذي لاقبل لأحد به سواء حزب أو غيره . لاعزاء لخصومه فهو يتسم في حكمة بالغه وفي تمكن عجيب فشتان بين البدع والرد اقول هذا القول وولله لاأعرف هذا الشخص ولا لأي فخذ ينتمي ولكن الإبداع والجزاله هي من تفرض نفسها . خطر في بالي بيت مساعد الرشيدي الياصطفق موج الطواريق يرسي يخت الزعيم ويفرقون الشواعير |
الاحزاب انا من من وجهت نظري تحرك الموقع وتحييه
والي بينهم كله علوم طيبه ولا فيه اي مشاحنات والحقيقه الاحزاب باقيه باقيه لو قلتو ولا ماقلتو ههههههههههههه |
إقتباس:
كلامك عين العقل وهذا هدفنا جميعا والذي يريد تشكيل أحزاب يفتح له منتدى خاص به وليس شبكة قبيلة مع احترامي للجميع |
إقتباس:
وعليكم السلام ورحمة الله وبركاته ,,,, اخوي / الأديب مرحبا مرحبا والله يحييك في منتداك وبيتك ,,, وانا أتشرّف بأني أجذب كل واحد عبسي فيه حميّه ومرجله على ربعه ,,, وأشكرك على هذا الأطراء الطيّب الصادق وأبشر ماتشوف منّا إألا اللي مثل هاذي وأطيب بشئ يشرّف المنتدى وينقل صوره حسنه وطيبه ويظهر الصوره الحقيقه لشعراء عبس الذين لم يتجهوا للاعلام لإكتفائهم بما يبدعون , فهم ليسوا فوارغ يبحثون عن الشهره بل هم مبدعين واثقين من ابداعهم وجزالتهم ..... |
إقتباس:
حيّا الله سمي الذيب والذيب سميّه ,,,,,,,,,,, وجهة نظر وإختلافنا عندها .... والأختلاف لا يُفسد للود قضيه ,, وعلى طاري الأحترام تأكد ان أي رجل بمعنى الكلمه هو محترم نفسه قبل لا يحترم أي احد اخر .. تقبل تحياتي ,,,, خاتم سليمان |
| الساعة الآن +4: 09:18 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
