ابن الخميلي دوّر المبدا وانا ماني بخيل=سلام ولا مرحبا فالثانيه والاوله
الي ثبت في طرقته مايشرب الا سلسبيل=والي قدم رجله تزل يذوق طعم الحنظله

ماقول فيك اقصور لكن لا تحط ولا تشيل=مشيت بالدرب امتحادي والجمال امعقله
المشكله بشعيل مدري كيف ابا برّك شعيل=اليا برك والله لياشتال الحمول امدبله

سلّم على اخوك الخميني وانشده وين الخليل=واليا صدق وياك يمكن انك تعرف المسأله
حطيتها فوق الشليل وعودت تحت الشليل=وش عاد اسوي فيك غير اقرا عليك البسمله

وش صار بالجيران يوم النار شبت بالفتيل=موقفك مدري عنك يرضي الجار ولا يزعله؟
الصوف ما نبت بسنامك وانت بالدار المحيل=كلن من العربان يعرف يالخميلي منزله