السلام عليكم ورحمة الله وبركاته

يا ذيب جر العوا لا يهمك الشاوي = أخذ السمينه ولا تعبر شواويها
ما أحدً براحمك لا من طحت متساوي = القوم ما ترحم اللي مرثعً فيها
في ليلةً لا هي بترحم ولا تاوي = شبيت نار الهجوس وقمت أصاليها
أخايل النجمة اللي نورها ضاوي = وعيوني النوم عيا لا يصافيها
فوحت هيل القصيد وعوده الجاوي = سالي عن الناس ما كني بأراضيها
ولمحت طيف الهنوف ولأني بغاوي = فزيت أغني لها مدري أغنيها
حوريتن لو رأها الشيخ طنطاوي = يمكن فتاويه تبلش مع فتاويها
في وصفها لخبط الشاعر مع الراوي = وأهل الحكاوي تخالف مع حكاويها
فكرت في خطفها لكن ماني قاوي = أخاف تزعل وأنا مقدر أراضيها
بعيونها الليل مدري ويش هو ناوي = سبحانه اللي بهالخلقه مسويها
الخصر ضميان لكن ردفها راوي = والليل الأظلم ليا نامت يغطيها
ويا ذيب جر العوا لا يهمك الشاوي = أخذ السمينه ولا تعبر شواويها

اقتباس من مشاركة اسير الصمت (المشاركة 1166070) صح لسانك وعلا شانك انا اشهد انك شاعر بنتظار جديدك

اقتباس من مشاركة فيصل الجولان (المشاركة 1167047) الخصر ضميان لكـن ردفهـا راوي والليل الأظلـم ليـا نامـت يغطيهـا صح لســانك ياعيسى ابن راكب.. قصيدة تناثرت حروفها كالدرر.. ليطيـيب لنـا معـانقـة حـرفكـ .. ولنرتوي من عـذوبته.. نـزف لقلم شاعر يستحـق المتـابعه .. فهنيئا لنا بشاعر تفوح السطور بشذاه.. سنتعطش دوما لابداعك.. كتعطش الصحراء للمطر.. فكن بالقرب دوما

اقتباس من مشاركة خالدالعازمي (المشاركة 1168962) صح لسانك لاهنت تحيتي لك

اقتباس من مشاركة القرناس (المشاركة 1170062) صح لسانك ولهنة الله لايحرمن من جديدك يراعي الخفجي