تدرين ليه المطر يشتاق لك يالرياض=من بين كل الفيافي والقرى والمدن
يبغى يفضفض لصدرك عن حنين الفياض=عن لهفة الشوق عن لحظه حنين وشجن
يبغى يبلل شعرك ويفترضك افتراض=ولا يجدل مساك وياخذك بالحضن
هذا المطر كل ماسيل حنيفه وفاض=قال لسحابه تدلل ياسحاب وتمن
ياشيخة الرمث حتى بارقه يوم ناض=ناض ولبس لك من الفرحه معم وردن
من يامن المزن لاعدا وقلتي تغاض=لا يحسب أنه ثراك ويحسب أنك مزن
الله وأكبر ليا صرتي حديث الرياض=كم مال غصنك وكم مره تلعثم غصن
يالي سمارك ثرى ليلة كساك البياض=ماكن ربي خلق بالكون غيرك وطن
فز لمهرك اربعين ومنكبين عراض=كلن يقول ابشري شلفى وسيف ورسن
شمتي لعبدالعزيز وماعليك اعتراض=نودك عذيه وريضانك مرابط حصن
يازعلتي تجافى من زعلك الحياض=وليا رضيتي تجاوزتي حدود الزمن

اقتباس من مشاركة فهد القصبي (المشاركة 1145376) ما شاء الله عليك.. الظاهر أنك تقرا وأنا أكتب.. الله لا يهينك على المرور.. شكرا..

اقتباس من مشاركة ولد الشرقية (المشاركة 1145386) صح لسااان سيف الشعر وتسلم اخي فهد على طرحك لهذه القصيده الجميله.

اقتباس من مشاركة ابو بيان (المشاركة 1146910) بيض الله وجهك ومشكور على نقل قصائد الشاعر الكبير مساعد الرشيدي واطلب من الادارين ان يكون فهد القصبي المشرف على منتديات الشاعر مساعد الرشيدي وتقبل تحياتي اخوك ابو بيان

اقتباس من مشاركة عبدالعـزيز (المشاركة 1146916) صح لسان الزعيم وشكرا لك على الطرح اخي فهد

اقتباس من مشاركة عبدالله عوجان (المشاركة 1150093) فهد القصبي شكرا رغم انها لا تكفي بيض الله وجهك على مااتحفتنا به من قصائد لذلك الشاعر العملاق زعيم الشعر ((مساعد الرشيدي)) طلب اتمنى ان يجد الاهتمام من قِبَل فهد القصبي بعثر اوراق الدفاع برمش عينه =وانفرد بالقلب هاك الانفراده ~~~~~~~~~~~~~~~~~~~~~~~~~~~~~~~~~ طلب آخر لاتزيد الحسايف ياخلف جدي=خالق الخلق ماينسى مخاليقه ~~~~~~~~~~~~~~~~~~~~~~~~~~~~~~~~ اتمنى ان تنزل القصيدتين كاملتين ان هن لديك ولك مني كل الشكر والتقدير والاحترام لاهنت وبيض الله وجهك احد متابعينك طال عمرك

اقتباس من مشاركة المـمـيز (المشاركة 1150098) مشكور اخوي فهد........وصح اللسان الشاعر ومو غريب عليه........