منتديات القبيله جالها الموج المسمى = منهو اللي ينطح الموج المسمى ياقبيله
حافظ القرءان وباقراء عليكم جزءعمى = لين اخليكم كما الضبان في راس النثيله

منتديات القبيله عن جميع الناس عما=في ذرا اللي يشعلون النار في خشم الفتيله

قاريء القرآن ليته قبل يقرأ الجزء سمّى= مير هذي نزغة الشيطان تومي في شليله

انت ياشاعر علم لاشفتني تنفضك حما = شايلن في خاطرك ضيقه وانا راعي طويله
ودنا نمسك قرون العنز مير العنز جما = تتبع البدوان والبدوان مقفيتن محيله

انت موج وربما ماتفيد فيه وقد ولما=بارق ٍ شق السماء والريح قفا بالمخيله

سامحك رب الخلايق دام وبل الغيث سما=الكلام الزين سيما للوقار وللفضيله

تالي الايام من شم العطر بالخشم شما = سد خشمه لعنبوها من طبوع ومن وسيله
ان وصفت الملعبه بالعنزليش تشيل هما = وانت شاعر فيك عزم وفيك حيل وفيك حيله

لو تسد الخشم نوف ولوتسد الخشم شما=العطر يبقى عطر والسيل يدرج مع مسيله
ليش تستنكر سموحة من حبك حب جما=السموحة طيبه لوهي بكلامات ٍ قليله

لو تسد الخشم نوف ولوتسد الخشم شما=العطر يبقى عطر والسيل يدرج مع مسيله

ليش تستنكر سموحة من حبك حب جما=السموحة طيبه لوهي بكلامات ٍ قليله

كم لي انفخ بذنها مير اذنها صمعا وصما = واهني من باعها باربع صحون من البليله
خلها وحده بوحده لو نبشنا الجرح دما = والجروح اللي تسيل ادميها تبقى عليله

ماتجي بنت الرجال أليا ولاها الرجل غما=مير دقق بالنظر وشلون خيال الكحيله

والله اني كل يوم اصبر على المكوى المحمى=والمقدر كان ماجالك لزوم انك تجيله

ليش تتكبر يالعمدة على شاعر علم

الشاعر الكبير اشتري اللعب معه وجابلي الله هالموج
اشهد انه هو الشاعر العلم

وانت ماتعطيني وجه

عمها اللي بسم موج البحر ياشاعر تسما = والنظر سته على سته طبيعي مايبيله
من نثر حبه على الشارع يلم الحب لما = مير لايبطي يلم الحب تطاه التريله

من هو اللي للسؤال المنحرف قام ايتحما=رجل شال اسمه ورجل اسمه مع العالم يشيله

الخطاب مقدمه واللي يلي للنص ،،وأما=بعد ..كل واحد ياوسيع المعرفه يأكل حصيله

من هو اللي للسؤال المنحرف قام ايتحما=رجل شال اسمه ورجل اسمه مع العالم يشيله

الخطاب مقدمه واللي يلي للنص ،،وأما= كل واحد ياوسيع المعرفه يأكل حصيله