|
****حجاوي جدتي **** حصري هنا
بسم الله الرحمن الرحيم السلام عليكم ورحمة الله وبركاته اليوم جا على بالي موضوع....موضوع ’’’’حجاوي جدتي’’’’ الكل يتذكر يوم حنا صغااار كنا نتجمع حول جدتنا وتقعد تحجي علينا كل يوم حجاه الحجاة لمن لا يعرفها هي حكايه ما قبل النوم للاطفااال ...>>حتى الشباب وكبار السن كانو يستمتعون بها يجتمع الاطفال حول الجده وتحكي لهم قصص ’’حجاوي’’ شيقه وجميله ومرعبه في كثير من الأحيااان ولكنها لا تخلو من الحكمه والمواعظ والدروس في كثير من الاحيان الاخرى ندخل في صلب الموضوع الموضوع عباره عن أن يدخل كل عضو هنا ويشاركنا بحجاه من حجاوي جدته ويسردها لنا زي ما تحكيها جدته بالضبط بالمفردات القديمه ...الشرط الوحيد هو أن تكون هذه الحجاة من تراثنا وباللهجه العاميه وليس اللغه العربيه يا الله نبغى حجاوي حلوه ومن جداتنا ...عشااان نستعيد الماضي الجميل ونكون مرتبطين فيه اكثر أبغى تفاااعل واللي عنده لا يبخل علينا أُختكم رتااال الداموكـ |
يامال الجنة الباردة ياجدتي اللي ماتت ماحكتلي حكاية لاني كنت صغيررر بس امي قامت بالدورر وكتشفت بعدين كل حكايتها كذب من تاليفهاا ....الا قصة طيور وسمه وفهيد اللي كانت مؤلمه وبكتني كثيررررا هههههههههههه
يعطيك العافية |
إقتباس:
طبعاً كل الحجاوي القديمه خرافيه بس جميله وشيقه أنا الفكرة ما جتني إلا الآن وإلا كان كتبت على الأقل حجاه ...بس استني لما تصحى جدتي بكره وأحكي لكم حجاه من حجاويها.... |
هههههههههههههههههههههههههههههههههههههه
رتال الله يحفظلك جدتك وكاكا الله يرحم جدتك ذكرتينا يارتال باأيام منسيه هههههههه |
العرعري ..طيب شاركنا وقول لنا من حجاوي زمااان حقة جداتنا
والله بجد الموضوع حلو <<تمدح موضوعها |
جعلها للجنه ان شاء الله اذا ما خانتني الذاكره لي عوده
مشكووووووووووووره رتال الداموكـ |
إقتباس:
|
رتاااااااااااال ربي يعافيك يا غاليهـ
جد روووووووووووووووووووعهــــ وانا كنت متعلقه في جدي قبل وفـــاته وكنت كل اسبوع انام عنده ويحكيني وحتى جدتي كانت تحكيني بس حكاوي جدي احلى برجع لكم ياغاليهـ واكتب لكم وحده من هالقصص |
موضوع حلوووووووووووووو
بس والله ناسيهن كلهـــــــــــن الي اذكـــــــر سالفة ابا الحصين والسمنــــــ دوبي اذكرهـــــــــــا اخافــــ احرفـــــ بالسالفهــــ ثم تزعل جدتـــــــــــي |
إقتباس:
|
إقتباس:
|
رتال الداموك موضوعك ممتاز ويعيدنا لذكريات الماضي
وايليك هذه الحجاه من حجاوي الاولين ههههه يقولون الله يكفينا شر مايقولون انه في يوم من الايام جلس اباالحصين على جادة القوافل (طريق) ومرت به عجوز راكبه حمار وتنطحها ابالحصين يصيح وخاف احمارها ولف عن الحصني بسرعه وطاحت العجوز ونكسرت حنوكها وماتت ويقوم عليها الحصني الماكر ويربط راسها ويجعلها مبتسمها ويوقف احمارها على الجاده وفي اثنا وقوفها يجي صاحب قافله ويصيح عليها يامره بعدي حمارك عن الطريق يامره بعدي حمارك عن الطريق والعجوز تبسم واقفه ويعصب عليها صاحب القافله وينزل ويعطيها كف الاراسها متشتت ويعترضه اباالحصين يصيح واجدتي جدتاه قال ابك اسكت واعطيك اللي تبي قال الحصني والله ماسكت لين تملى طاقيتي هذا ذهب قال ابشر بس تسكت قال الحصني ايه اسكت ويروح يجيب الذهب الرجال والحصني خبيث يقوم ويحفر تحت الطاقيه حفره عميقه ويحط طاقيته فوقها وشاق الطاقيه ويجي الرجال المسكين يحط بطاقيه ولاتمتلي وعلى هذا الحال لين نمام الي يسولف علي وهو يحط بطاقيت ابالحصين ماملاها وسلامتكم قصه ملخبطه مدري ناقصه هههههههههههه |
إقتباس:
نطمع بالمزيد ...وأنا بكره بنزل حجاه من حجاوي جدتي بإذن الله |
ياكثر مانتظرنا حجاوي جدتك يارتال الداموك
ماصارت جده يلا ننتظر عذب |
رجعت لكم وبقول لكم حجاوي جدي الله يرحمه
كان جدي خيالي في حجاويه وكانت كل حجاويه بطلتها انا احيان اكون بنت سنعه وعاقله >>اذا كان راضي علي واحيان اكون بنت ما اسمع الكلام واتكفخ >>اذا كنت مزعلته بشيء فكنت استانس مرررره مرررره لا صرت البنت السنعه وياكثر ما ازعل وابوز لا صرت البنت اللي ما تسمع الكلام واحيان ازعل وابكي لين يغير القصه وهو الله يرحمه ياخذني على قد عقلي لازعلت قال يؤ صح انا نسيت القصه اصلا هي مو كذا ويرجع يعيدها ويغيرها وارجع انبسط بالاعاده \\\\\\ واكثر شيء اتذكره من القصص القديمه قصة الخوات اللي طلعن مع بعض وراحن يحطبن والله ناسيتها بس بسئل امي عنها وارجع اكتبها هون بالتفصيل |
إقتباس:
|
إقتباس:
|
’’’’’البنت والسِعّر """
السلام عليكم ورحمة الله وبركاته حجاة ’’’’البنت والسعر’’’ يقولون يكفينا شر ما يقولون ...هاكـ البنت اللي راحت تحطب مع خوياتها ويوم قعدن يجمعن الحطب ..!! لقت البنت عضيم أبيض مرنقط ’’المرنقط يعني فيه نقط سود ’’ المهم البنت إنبسطت على العضيم وقالت أباخذه معي لأخوي الصغير يلعب فيه ...أخذت العضيم وحطته مع حزمة الحطب وربطته ويوم ربطته ورفعت الحطب ..إنقطع الحبل وطاح الحطب والعضيم كله وقامت وجمعته مره ثانيه وربطته ويوم شالته طاااح مره ثانيه وهذي هي كل ما ربطته وشالته إنقطع الحبل وطاااح الحطب والعضيم إلين أمساها الليل وتاخر الوقت عليهن ...قالن لها البنات يا بنت حنا نبي نروح وأنتي لا خلصتي إلحقينا قالت خلاص أنا ألحقكن إبتلشت في الحطب كل ما أربطه إنقطع مدري وش بلااااه ...المهم راحو البنات وبقت البنت بلحالها تجمع الحطب ويوم جمعته وجت بتلقط العضيم.....!!!! ...!! ..!! ؟ ؟ فجأه إلا العضيم يتحول إلى رجل غريب الملامح والشكل ...!!! طبعاً هو سِعّر وليس رجل ...!!..؟؟ السِعّر...>> هو اللذي يتحول الى عدة أشكال كيفما يشاء ممكن يتحول إلى رجل ممكن يتحول الى حيوان او حتى جماد ..هو قد يكون أقرب للجن بشكل أوضح المهم البنت تروعت وقامت تصيح ...وقام السِعّر وأخذها معاااه لديره غريبه لا يسكنها أحد شكلها غريب كلها قصور كبيره مغلقه ...حطها في أحد هذه القصور وقالها هذا بيتكـ الجديد ,,وإنتي من اليوم زوجتي ..المهم البنت لاحيل لها ولاقوه تزوجته وجابت منه ولد وبنت ..والاهل طبعاً في الديره قد فقدوا الامل في رجوعها ...أو إنهم راح يلقونها ...!! المهم مرت السنوات وهي مع السِعّر كان طيب معاها ويعاملها معامله كويسه بس كان غريب الاطوااار ..>>طبعاً سِعّر كان يجيب لها كل يوم صيد وكانت تطبخه وتاكله ..لكن ما كان ياكل معها وكانت مستغربه ...ماقد أكل معها ..لكنها ما كانت تجرأ على إنها تسأله تخاااف منه >>لا عصب يغدي شكله يخوف فوق ما شكله أصلاً يخوف يتبع...... |
حكايةـــ جددتي
كان في ايام الزمان كنت احب جددتي قولوا ليش ليش لانها تحجي لي قصة الذيب يوم انه يغزي عليهم وهم كانوووا نايمين بالخلاء (( بالبررر)) وانا خايف يوم سمعت الذيب ياربي طبعا هالكلام في الليل وهي قاعده تحجي ماصحيت اللا بكره الصبح وعلى طول يم جددتي جده جده تعالي وش صار على الذيب قالت ياوليدي الذيب ما يجي اللا بالليل --------الى اخره وجيتكم منها وهي تحجي على العمووم رائع ما ابدعتي فيه رتال الدامووك ذكرتيني بايام الطفوله |
إقتباس:
الله يكفينا شر السعر ههههههههههههههه وربي اني فااااااااااااااااااااااااااطس من الضحكككككككككككككككككككك الله يرجك انتي وجدتك الله يرحمها يامال الشام قصدي الجنه ننتظر نهاااااااااااااااية السعـــــــــــــــــــــــــــر |
إقتباس:
شكراً على المرور ...لكني ما أستغني عن مشاركتكم ...أبغى مشاركااات بالحجاوي |
إقتباس:
وتقبلي خالص الود والتقدير |
عذب المشاعر
أبو عبدالرحمن شكراً على المرور ...وباقي الحجاه جااايه إن شاء الله |
إقتباس:
والله اني اذكرهــــــــا هالحجـــــــاه وايامهـــــــــا قلبــــــي يرتجف ومصدقــــــ السالفــــــــــــه شكرا رتال |
رتووووووووووووووله ربي يعافيك عالقصه
جد شيء شيء الا ما اجيك وتحجيني |
ولد حائل ...طيوبه شكراً للمرور
|
البنت والسِعّر
تكملة الحجاة.... المهم البنت كانت مستغربه من زوجها..’’السعر’’ عمره ما أكل معاها ولا عمرها شافته يآكل وكل ما إسألته قال لها أكلت وأنا بالقنص ...!! المهم البنت شاكه في وضع زوجها غريب الاطوار وقالت لازم أكتشف وش سره ...في يوم من الايام راح زوجها للقنص كالعادة وكان بالغالب يغيب يومين أو أكثر ممكن توصل لإسبوع ...المهم إنه كان يحذرها دائما إنها ماتحاول تطلع برا القصر ولا تحاول تتعبث في حاجه مو لها ...!! المهم يوم راح هالمره للقنص نسى مفاتيح القصر عندها وهو بالعاده يأخذها معاه دائماً ...المهم البنت أخذت المفاتيح وقررت تفتح الغرف المقفله من سنين اللي ما يدخلها إلا هو بس ...لانه كان محرم عليها دخول أي غرفه بالقصر إلا غرفتها وغرفة عيالها ...المهم اخذت المفاتيح وراحت تفتح الغرف ...ويوم فتحت الغرفه الاولى إنصدمت وشافت اللي يروع القلب ...!!!! ؟؟؟؟؟؟؟؟؟؟؟؟؟؟؟ شافت روس بشر معلقه ...!!! والدما تقطر منها وقامت وصاحت وقفلت الباب ...وحاولت إنها ترجع لغرفتها ..بس قالت لازم أشوف وش في باقي الغرف وفتحت الغرفه الثانيه ولقت سطول كلها دماء وريحة الدم تفوح منها وشكل الغرفه مقزز للابدان ..!!!المهم حست إنه بينغمي عليها لكنها قررت تناظر باقي الغرف ..وكل ما فتحت غرفه لقت جثث بشر مقطعه وحيوانات .... المهم إنصدمت وإكتشفت إنها متزوجه سِعّر...!! وإكتشفت سر عدم أكله معاها الاكل المطبوخ ....!!! قااالت لازم آخذ حذري منه ...صارت أكثر حذر رغم إنه ماكان يؤذيها وكان طيب معاها بس من يوم عرفت سره صارت تخاااف منه المهم وهي جالسه في يوم من الايام مع عيالها برا القصر شوي وإلا تشوف هاك الغليم ’’الغليم الولد اللي ماهو كبير بالسن ولا صغير مراهق تقريباً’’ سراح بغنمه من بعيد ..خافت عليه من زوجها لا يشوفه ويكون فريسة القادمه ..!!!! المهم عدت على راس الضليع وقامت تقصد ...>> يعني تغني نوعاً ما بصوت عالي وتقول يا رويع الغنم لا رعاكـ النصيب إحتزم وإنهزم كااان تحرز تغير وهذي هي ثلاث أيااام كل ما شافته سرااحٍ بغنمه عدت الضليع وقامت تقصد يارويع الغنم لا رعاكـ النصيب إحتزم وإنهزم كااان تحرز تغير .....يتبع |
الأخت رتال... أعانك الله على تكملة حجات جدتك .. اللي صارت مثل حجية الذبانه وناقه الشريف .. من يعرفها يذكرها لنا..
علماً إنني فاطس من الضحك بسبب هذا الموضوع إبتداءً (من طيور وسمه ) ( وقصة أبا الحصين).. وكلها كوارث الله يخارجنا منها .. أعيد وأكرر شكري وتقديري على ذكر هذه التسليه القديمه جداً وفقكم الله,,, |
إقتباس:
شكراً لك على متابعتكـ ... ودووم هالضحكه يارب والحجاة ماعاد باقي عليها كثير وتخلص ..!!! بس ترى ما نستغني عن حجاويك إذا عندك لاتحرمنا منها شكراً لك على المرور الجميل |
الأسف الشديد ماعندي جدات ماتن وامي وابي صغار ولكن امي تحجينا وانام بدري من أول ماتبدي ومشكورة اختي رتال
|
إبو ريتاج الله يعافيك على الحضور الجميل ....
|
حجاة البنت والسِعّر ....الجزء الاخير ..
تكملة الحجاة... المهم البنت هذي هي ثلاث أيام كل ماشافت الراعي قااامت تقصد وتردد البيت السابق...المهم الولد إستغرب منها وراااح وقال لأمه عن سالفتها وإنه يشك إن هالصوت يعرفه وإن ماخاب ظنه صوت إخته اللي لها سنين غايبه ... المهم أُمه قااالت له روح وشف وش قصتها وإسألها ليه تقصد كل ما شافته ...المهم وفي صباح اليوم الثاني راح يمها الولد ..>>>بالصدفه كاان زوجها راايح للقنص..!! المهم شافته وعرفها وعرفته وعلمته بالسالفه كلها وتعرفت عليه وقامت تبكي<<من الفرح طبعاً يوم شافت إخوها المهم أُخوها قال لها شوفي لازم نسوي خطه نتخلص منه وآخذك معي للديره ... المهم جلسوا يفكروون وقال لها أُخوها شوفي ترى السِعّر له موته خاااصه <<طبعاً سِعّر المهم قال شوفي إليا جا الليله أنا أبندس <<يعني أختبأ وانتي حاولي تعرفين كيف طريقة موته ...!! قالت كيف أعرف هذا ممكن يشك فيني أو يذبحني ...! قال لازم تعرفين عشان نتخلص منه ...المهم هذا هم يفكرون ويفكرون إلين جا المساء وجاء زوجها وإندس أُخوها المهم جلس زوجها وجلست عند راسه وقعدت تفليه<<ههههه محد يفلي أحد ألحين المهم هو ما ينام إلا لما تجلس تفلي راسه وتسولف عليه إلين ينام ....المهم مع السوالف إسألته أقول لو تهاوشت مع أحد من يغلب <<مدخل بااايخ للسؤال بس ماتدري وش تقول المهم قال بالله هذا سؤال طبعاً أنا بس إنتي وش لك بالسؤال هذا .!!...؟؟ قالت أبد بس أسولف ..<<أمحق سواالف المهم قالت طيب بس الشجاع له نقطة ضعف داايماً...!!!انت وش نقطة ضعفك المهم جاوبها وقال والله مدري وش عندك بس ابا أعلمك ..<<مطمن إنها مستحيل تضره لأنها بلحالها وما حولها احد المهم قااال أنا اموت من الضربه الاولى والضربه الثانيه تحييني <<<صدق سِعّر المهم كل هذا وإخوها يسمع كل هالحكي ..ولما نام زوجها وهو بالعاده ينام يومين أو اكثر <<نومة السعر المهم ضربه أخوها ضربه وحدة قويه ...وقعد يصيح السعر ’’’ردني الله لا يردكـ’’’ قال أًخوها تخسى لا والله ما أردكـ المهم مات السعر بقت الاخت وأُخوها وعيالها ...قالها طيب هلحين عيالك سعارى وإلا لا <<<خخخخخخخخ قالت إسالهم ..<<حلوه إسالهم هذي ههههه قال للولد أنت مع أُبوك وإلا مع امك ..!!!..؟؟ قال مع أبوي قام الخال وضربه ضربه وحده ومات الولد والبنت مع أمها ...المهم يوم إرجعوا للديره إستانسو أهلها فيها وجلست معاهم هي وبنت ....ومرت السنين ؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟ ؟؟؟؟ ؟؟ ؟ وكبرت البنت وهي عايشه مع أُمها وجدانها ....بس كااانت غريبة الأطوااار كل ما جا الليل سرت ...؟؟؟ ولا يدرون على وين ,,,؟؟؟...!!! ؟؟؟؟؟ ؟؟؟ ؟؟ ؟ ؟ ؟ المهم قرر خالها إنه يراقبها ويشوف وش فيها .....وفي يوم من الايااام ويوم نامت الناس قامت البنت وسرت بلحالها كالعاده بالليل الأظلم ....وكان خالها يمشي وراها بدون لا تدري ....وهذا هو وراها وراها إلين عرف وين ترووح !!!!!!!!!!!!!!!!!!! !!!!!!!!!!!! !!!!!! !!!! كانت تروح يم المقابر .................!!! تدرون ليه كانت سعره زي أبوها تقوم لا نامو الناس وتروح المقابر وتنبش القبور وتطلع الميتين وتآكلهم وتآخذ الكفن وتبيعه ......!!! المهم طبعاً خالها إنصدم من سواتها هذي ...لكنه قرر إنها ما تعود للبيت ...تغافلها وهي جالسه تاكل الميت وضربها ضربه وحدة وماتت ورجع للبيت وعلم اهله بالقصه ....وإنها سعره زي إيوها عشان كذا ذبحها بكذ مات السعر وعيالها وإرتاااحو منه هو وعيالها وبس سلامتكم وهذي حجاة البنت والسعر |
ماصارت حجاااااااه
صارت مسلسل مكسيكي هههههههههههههههههههه رتال الدامووك يعلم الله اني اتذكرها مثل ا لحلم ربي يعطيك العااااافيه لك ارق تحيه عذب |
جعلها الجنه جدتكـ والله يخليلك الوالده ..بس ليه ما حكيت لنا حكاية طيور وسمه وفهيد...؟؟.
طبعاً كل الحجاوي القديمه خرافيه بس جميله وشيقه |
اول شي يعطيج العافيه رتولــــــــه ومشكوووره على الموضوع الرائع الي مو غريب عليج ثانيا والله يا رتولــــــــه انج من احب البنات لقلبي ولا فيهن اقصور خواتي بنات عبس بالعكس والله اني احبهن وبس انتي رتولـــــه والله انج دخلتي قلبي واحسن انج قريبه مني بس ما اقول انت فخر لكل بنت من بنات عبس و انشاء الله دوووووم الى الامام والله يوفقج ثالثا الله يطول بعمر جدتي و يا حلو حجاويها و قصة السعر سمعتها منها واشاء الله اجيب لكم احجاه من حجاويها |
عذب المشاعر ...المضيبري ..ألف شكر للمرور
|
إقتباس:
هلابكـ يا الغاليه شرفتي الموضوع والله يعافيكـ....وتسلمي على الكلام الطيب و الحلو منكـ وأنا بعد والله أحبك واحب كل خواتنا هنا ...انتظر مشاركتك معي بالموضوع ...لاهنتي يا الغلا على المرور اللي أسعدني |
".. رتال الداموك .."
الله ياانج قديمــــه تصدقين اتذكر زماان كانت جدتي الله يطول بعمرها تحجينا لكن لو تسألني الحين مااتذكر شي خخخخخخخخخخخخخخ لاهنت ع قصتك البنت والسعر >> استمتعت فيها خخخخخخخخخخخخخخ |
هههههههههههههههههههههههههههههه
الله يرحم جدتي هههههههههههههههههههههههههههههههههههه |
شكرآ لك والله يعطيك ااالف عافيه
تحياتي وتقديري لك |
| الساعة الآن +4: 08:33 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
