ذكرى قديمه شرعت كل الأبواب = باب القصيد وباب هم (ن) لجابه
واليوم شفها حالت أستاذ طلاب = سطر حروفه وأنهمك بالكتابه
الخوه اللي مابها خير تنعاب = ضحك (ن) على ادقون النشاما حرابه
خالطت بالدنيا عزيزين وأقراب = شفت المذله في عيون المهابه
واحد يصدرها على كيف ماطاب= بامره يسير السير طب وطبابه
مشغول قلبه بين طيب وكذاب =طبعه ردي متلبسه مع ثيابه
ولد الردي لوجاك في شكل خلاب =أبعد ولا يغريك حضرة جنابه
واحد يقول الحرب بندق ومشعاب = لا لازمت ماتشوف غير انسحابه
هرجه على مسكين واضعيف الأطناب = محد(ن) درى في صيحته والتهابه
الحر حر ودايم العرق غلاب = والذيب عاوي ياعريب الذيابه
راحت معزتنا لهايم ومغتاب = لين أصبحت بالليل هم وكابه
وأنا أحمدالله كل شي(ن)له أسباب = فعصورنا والا عصور الصحابه
ماعاد فيها ستر جلباب وحجاب = الفار ماعمره حكمله فغابه..

الحر حر ودايم العرق غلاب والذيب عاوي ياعريب الذيابه راحت معزتنا لهايم ومغتاب لين أصبحت بالليل هم وكابه

قصيده رائعه
اخوي جميل وصح لسانك

أنا أحمدالله كل شي(ن)له أسباب
فعصورنا والا عصور الصحابه
ماعاد فيها ستر جلباب وحجاب
الفار ماعمره حكمله فغابه..