|
ديوان الشاعر/ منصور بن محمد العوضة الرشيدي
أحاسيسي تشجعني على فكرة قصيدة صيت = لياء من مات قايلها بتبقاء لزمن والجيل يرددها صغير السن بيتً يقتفيه البيت = وتبقى خالده حتى يحللها الفتى تحليل نصيحه للذي ماقالو العربان انه ميت = ينوم الليل ويصحى ويطلع النهار بعده ليل وانا عندي خبر وعندكم ماتنفع كلمة ليت = تمني والتمني من قديم الوقت حط وشيل أخذ كلمة عريب الجد مهما رحت ماهما جيت = ماتبقى غير كلمة ونعم لفلان وتوكيل تصوغ ألك المسامع ياجمل لو انكم حنيت = تبشر بلعلوم اللي وراها قايلآ ثم قيل خبيث الناس في عمياه ولالي غير ذا التنهيت = شهيقً ثم زفيرً والغضب يعالجه تهليل تراى مر اليالي مرها امرر من الحلتيت = ومن جرب مرارتها يشوف بلقايله اسهيل تسلح بالايمان اذا أجهمت وكل مأمسيت = ترى دنياك ماترحم يدور الحظ وبعده ويل حساناتً تسجل في يمينك كل ماصليت = ورجيماتً تسجل في يسارك يا قليل الحيل وانا عندي خبر وعندكم ماتنفع كلمة ليت = تمني والتمني من قديم الوقت حط وشيل نرجو التثبيت |
شكراً لك اخي الكريم وبارك الله فيك
|
سقوى سقاء الله لا مسكنا المقاهير = نبي شمال ودربنا خابرينه مع المنحل والضعن حزة عصير = وام الجرس قدام مثل السفينه والسكس ماحمل على ظهره أشعير = مفارقين القار وصوت المكينه ناوين خداً يجذب الصيد والطير= ولا داره القناص راع المدينه خداً قفر وغادينله نواوير = ماجاله الشاوي ولاجاب ظينه وبيت الشعر أمشيد بلمواصير = في وسط جواً غاشيته السكينه وفيه الدلال مبهره للمسايير= نسوقها لهل العقول الرزينه وربعي على اليمنى رجالاً مناعير = الكل منهم حافظاً راس دينه |
هاض الهجوس وزان له صخرة القاف = في راس ود الليل روح هواجيس قمت أتنشد واخذ اعلوم الاطراف = نفسي على المرباع جاها وساويس لعل يسقى لاغدى الصلب مرياف = ونشوف فيها مرتعً للمعابيس وانا مع المقهور في راس مشراف = مبعد همومً وسط صدري محابيس فلبرد مايدفيك لافراش ولالحاف = مايدفي الا بو عيونً نواعيس هافي حشاء ونابياتً الأرداف = قله يجي فل حظن ثم ألعن ابليس مثل المطر ألياء سقاء واديً جاف= تزهر أشناقه عقب ماهيب يبيس التثبيت مطلوب |
بلاه يهل الشقح ولا المغاتير = لو تنشدوني عن خفايا ظميري أحب صفراً كنهن الطوابير = بنات هرشً دارجً من أمطيري طوال الرقاب مسنداتً مشاكير = فنس الخشوم اللي وبرهن كثيري خلفاتهن ماتلتفت للمصاغير = ابل الطرب ومبعدات المسيري نرعابهن بأول حصيل المخاظير= لبكر الوسمي ماشلنا الشعيري |
هاذهي مساجله
بين شاعرنا منصور بن محمد آل عوضه وبين الخط المؤدي الى أبله قال الشاعر يالخط بـيـني وبيـنـك ود ومـواجـه = ويــامــا وطـيـتك بـعـد راظـي وزعلاني المعذره لاوطيتك معـطي الصاجه = ودي بـشوف الـصـفـر والـليل ممساني رد الخط قائلن يامـا وطـتنـي رجالن مالهم حاجه = تــسـج الأقــدام لـلـقــاصـي ولـدانـي انا متعود على المرجوج وارجاجه = بـس الـحـذر الـحذر لـتـسوق بـجـنـاني وقال الشاعر ودي بـفرقـا البلاد وشلة ازعـاجه = بــسج الأقــدام مـــادام الـلـه أحـيـاني وصد عن من قـفل بابه بـمزلاجه = دارآ بــــدارآ وخـــــلانـــــن بـــخــلانـي يتبع نرجو التثبيت |
إقتباس:
|
من قصائد الشاعر/ منصور بن محمد آل عوضه
اهدا الى معدي بن شريده آل عوضه الرشيدي عند ما فازة ابله بلمركز الاول في سباق الابل لعام 1424 نحمد الله يوم جت منا ومـــنـا =يشهد الجمهور واللجنه وكيله يتبعيوم قامن يمعدي وارثــعنـــا =اظهرن من بينهم دق وجليـــله مقود الذيدان ناجبهــا فحلنـا= مــاشريناه ولاجتنا بديلـــــــه قدمهن هطلان والذوداستجنا =روح مثل القطا صوب المسيله كم رجالن على الموتر تمنـــا =صاح للمقود ولا فى اليد حيله وكم صفرندرهمن لين اقعدنا= نازح الميدان ما فالميد ميلـــه ومن تــمنـانا ترانا في وطنا =لا يشق الثوب ويلحقه الفنيلـه |
إقتباس:
مشكور على المرور يالمسافر |
خذ دوك القاف مني يــافلاح =أشتريه امن الضماير مايباع اذن المذن وحياء للفلاح =وأتخيل صورة العفراء الرباع لي ثلاث أيام ماذقت المراح =أصخر القاف العوج ألين طاع فيه عنق من المها والشوق صاح =صيحة الابه على موتة شجاع وفيه عين لنظرتك الهم زاح=كنها الماءبين طعسينن وقاع منخلع كتفه وفكري مستراح = والحشاء ملهوف كنه في مجاع لاكشفة أستارته شمس الصباح = ينتثر ليلً على المتنين باع في محبتهم تقلدنا الوشاح = ليت حبيله على الموجز يذاع |
وش بقالى منك ياخلٍ جفول = غير ذكرك وزولك فالظلام والله انك لوتقول ولوتقول= كيف تنام الليل وخلك ماينام غرتك ضحكت حجاجي فذهول= والله ان الهم خيمله خيام السعاده قدمي وشالته السيول = وصارت الخطوه رديه فزحام ياقلم انته على أحساسي تمول =قم عبر عن اللي هايمٍ فالغرام يوم صار العشق في قلبي يجول= وين ذاك الخل بوعيونً سهام صافي الخد مثل برقٍ عجول= عين حرًمكرمً ضيفه طعام ياظلام الليل لا تصبح خجول= بحتزمبك يوم ضاع الحزام |
ماني من اللى ردي النفس =اللى على الشين ينساقي يلعنك يارجلً مايحتس = سبب على كبدي أحراقي من صد عني قلتله طس= حظك نزل وحظي الراقي لاتحسبً وجهي تعبس = وجهي عفر وزاد ببراقي شيخ المفارق انا وبس = روحي لحين ياقف الساقي ولياء وقف بقوللهـ ,حس= تو التعب وأكمل الباقي خطوه رديه وخطوه أخس = والثالثه صابها أشراقي ما قلتلك يالمحاول قس =طول المسافه على أفراقي انت انا بحالك أدرس = كثير خط وتشهدلك أوراقي درب الفرح قدمك أميبس =ولاتامن البحر بغراقي |
كل عرقٍ بصدري ينتخي للقصيد= والقصيده تبسم لي وتظهر نابها مانبي ابتسامه دامها ماتفيد = كل بنتً تجامل يلدغك دابها ياقصيده وليك بالمعاني جديد = ولاتهمه رجالأً تفتل أشنابها والله اني عزيز نفس وراسي عنيد= من رجالٍ تفدي الموت لحبابها مير تركد حبيبي واعرف اللي تريد =كان عينك لغيري ما نبي اهدابها كل حباً بقلبي مدخله الوريد =والخيانه تشيل بيوت بطنباها لا تحاول تجامل يالغزال الفريد= الليالي تكشف اصاحب لصحابها |
يافهد لوك تشوف الوجه دايم يبتسملك =وسط صدري واهمٌ ظلم على قلبي ظلامه المحبه ساكنه وسط الضماير قايللك = من زمانٌ راح واليومه لاتلحقني ملامه شف جسمي ناحلٍ والرجل للغالي تدلك = ماني من اللي يبالغ في شعوره وكلامه قلت للى عارفً حبى ترانى صافيلك = شف وش خلا هواكم فى عيونى علامه لو تروح أشهور وسنينً طويله مانملك= أنت مثل القلب لمنه وقف مامن سلامه |
قصايد جزلهـ
صح اللسان منصور بن محمد ../ وفي انتظار المزيد من قصائده ../ |
لاضاق صدري مشيت لنسع الغرب = لاجيتها يامعدي ينشرح بالي هواي صفرآ تتل البوش وطرب = لاسمعة الصوت شاشت كن بها جفالي صفرآ سنادً ولدها غصب ينظرب = مزيونة الذود ماتستاهل أعقالي من دونها يامعدي نركز الحرب =مانرغب البيع لو زادو المالي البوش جاهز على الهجات ومدرب = يالله ان تجيب البخت مع زينة الفالي يومن بعض العرب معروف ومجرب = حنا عرفنا القلوب اللي بها صالي بتشوفهن قدم عينك طفحً هرب= ون يسر الله ماتلقالهن تالي |
لا وهني من خذا قلبك ووقفابه = ياللي عليك المشاعر تدرج درجي كسرت مزلاج قلبي ونفتح بابه = والحال كنه جهاز مضيع البرجي ياعين حراً ماجاءلسوق جلابه = ولاحط وسط البيوت مقابل السرجي ويامهرتن في نهار السبق طلابه = صفق لها موكب السلطان مرتجي ياليتني بين جفن الرمش وأهدابه = والله لحكم بلد وسجبك سجي |
مساء الخير يأغلاء من سكن بين الضلوع العوج =مساء الخير ياثغراً تبسم قلة من قده مساء الخير ياطرقاء مساء الخير يالعمهوج= مساء الخير ياغالً غلاكم ماوصل حده أرحبك تراحيب الكريم اللي بعد مرجوج= يرجنه صواديف الدهر والبعد مارده هلا يامرحبا ترحيبً أفواج تسبق فوج = تراحيب الغلاء لأهل الغلا فلين والشده على طيفك لياء مرأبمناني ياحمار الروج=انا مود ان الصبح يطلع تنته المده |
يافلان وشبك على الغالي تحسونه = تكفون تكفون لا أتحسون مضنوني يافلان لا تنزلون الدمع بعيونه = والله على الحرام ان كنه أعيوني الجادل اللي نهين اللي يهينونه = نعم نحبه لوالناس يدروني له منزلً بالظماير ما تشوفونه = متربعً في بطين القلب مزيوني ماطعة هرج الملقف لو يسبونه = وهو بعد مايطيع اللي يسبوني |
صرت اناوالهم والجرح أصدقاء = من زمانً راح والحاضر بعد ليش انا حضى رمانى بالشقاء = يوم بعض الناس حضه مستعد آه من همً على قلبى بقاء = له سنينً بارقه خاو رعد وآه من جرحً عميقً ماشفاء = نازفً دمه وصوابه صعد وآه يالضامى علامه مارتواء= والنهر قدام عينه والحاسد قعد يارفيق الروح حبك مابراء = قايللك يانظرعينى وعد ماتشوف اللي على خدى سراء = تايهن بخطاى عن درب السعد ولاقبلنا حب غيرك بالملاء= وحب غيرك ماضين ماهويعد |
ياعادل أسمع كلمتى يوم أوصيك= حيثك على قلبى عزيزً وغالي الياكشفت أن القريب معاديك = أعرف ترى موتتك عنده حلالي ولا بعيد الناس ماشاف خافيك = يفرح بزلتكم على كل حالي أما قريب الدم يدري بماضيك= اليا تـعـادا لك يـشـد الـحـبـالـي واليا صفالك لاتفكر يخليك =يميللك واليا تـمـايـلـت مـالـي أحرص عللى دايم الدوم يشفيك= والعن ثوى معاديه قدم الرجالي لاترحمه والي تقفاه قافيك= والعمر ياعادل مصيره زوالي حتى بعد غيره مايزعلك يرضيك = مايشذب العرقوب لجا مجالي الى يزود عقدته لشرابيك = أنثر فى وجهه صبته لدلاالي وخل الوصيه مثل ظللك يباريك = من عقب ماتمت على أول وتالي |
صح السان الشاعر منصور ال عوضه
مشكور اخوي فلاح الفلاح على النقل |
إقتباس:
صح بدنك تقبل ودي وتقديري |
إقتباس:
صح بدنك والخير واجد ومشكور على المرور |
صــح اللسان شاعرها وناقلها يعطيه العافيه وربعي على اليمنى رجالاً مناعير==== الكـل منهـم حافظـاً راس دينـه |
إقتباس:
صح بدنك الله يعافيك مشكور على المرور |
إقتباس:
مشكور يافهد على المرور وتقبل ودي وتقديري |
مشكورين على المرور جميعاً منورين الصفحه
لكم ودي وتقديري |
شكراً لك اخي الكريم وبارك الله فيك
|
إقتباس:
لك ودي وتقديري |
إقتباس:
لك ودي وتقديري |
يعطيك العافيه اخووووووووووووووووووووو فلاح
|
إقتباس:
لكي ودي وتقديري |
إقتباس:
مقود الذيدان ناجبهــا فحلنـا= مــاشريناه ولاجتنا بديلـــــــه قدمهن هطلان والذوداستجنا =روح مثل القطا صوب المسيله كم رجالن على الموتر تمنـــا =صاح للمقود ولا فى اليد حيله وكم صفرندرهمن لين اقعدنا= نازح الميدان ما فالميد ميلـــه ومن تــمنـانا ترانا في وطنا =لا يشق الثوب ويلحقه الفنيلـه |
بيض الله وجهك يافلاح على نقل قصائد الشاعر الكبير/ منصور بن محمد
والف شكر لك ياطويل العمر تقبل تحياتي دمت بود ........ |
إقتباس:
لك خالص ودي وتقديري |
إقتباس:
لك ودي وتقديري |
يامال العافيه اخوي الله يعطيك الف الف عافيه
|
بيض الله وجهك يافلاح وكفو أبو محمد شاعر من الطراز الاول
ولك تحياتي |
مشكور على النقل الراقي اللة لايحرمنا من ديوان الشاعر منصور محمد ومنك يفلاح دائما مبدع ولك التحية
|
| الساعة الآن +4: 03:07 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
