تعالوا عزبة البر كاملة << كل شي (( أغراض البر))
 

مكونات عزبة البــــــر

لتحقيق جميع الرغبات من عزاب أو عوائل سواء كانت فترة الكشته طويله أم قصيرة ........

أو إذا أردت التأكد من وجود جميع مكونات العزبه ماعليك إلا أن تطبعها
وتتأكد منها قبل الرحيل.

**** أدوات عزبة البر****

1- عزبة الطبخ

2- مــــاء + مياه صحية + حافظة ثلج ( ثلاجة )

3- جهاز كنود أو أيكوم + إريل * وركب قاعدة إذا مار كبت + فيوز احتياطي لسلكه

4- جهاز قارمن أو ماجلان + بطارية + فيوز احتياطي لسلكه + بوصلة + خرائط + إحداثيات

5- فــراش + فرشه " بساط " زوليه

6- شنطة تـشمل ( بعض الملابس الداخلية * شراب * شماغ *
مداسيس * جزمة وانتم بكرامه * بجامه * بشت* فروه *
سديريه *طربوش * وشف اللي يجوزلك خذه )

7- ماطور هواء + عيار هواء + رقع تيوبلس وعدة الرقعة + بلف هواء +
مفتاح عجل + سيور إحتياطيه

8- عدة فك وربط واير سحب

9- كشاف + بطارية + لمبة وسنارته + شمعة لمبة إحتياطيه

10- فاس وكريك ( شيول ) ودسوس للحطب

11- الطير وعدته من حمام أو سمان ودس وسبوق
وشبكه إن كانك راعي طيور.... الله يعين المولع بالطير.

12- حطب + فحم + كبريت + ولاع فحم وخياش للحطب
والله يخلي خياش الشعير بالبر.

13- خيمة + أطناب.... أو رواقات أو شراع أزرق + حبل
أو سبته للفرش فوق الشبك.

14- ساعة خراشة إذا كنت خايف على جوالك من
المطر المفاجئ لصلاة الفجـر.

15- دورق ( جيك حمام ) أعزكم الله ........ لي ( هوز ) لسحب البانزين.

16- كاميرة تصوير أو كاميرة فيديو + أفلام + شاحن كاميرة +
شاحن جوال للضرورة.

17- أشرطة أناشيد لأنه يعتبر من الرفقة الطيبة
مع الزقرت الطيبين .

18- أدوات طبية ( لصيق جروح * مقص صغير * شاش *
قطن * مضاد سم * فيفادول + بنادول + مـــــره +
مسمار قرنفل لتوقيف الدم + ملقاط شوك + إبره +
خيط + مشرط صغير )

--- ( عزبة الطبخ ) ---

قدر كاتم + صفيرته + قدر إضافي + مقلاة كبدة ( مقرصه ) +
بلامات أو تباسي + ملاس + قطاعة بصل (أنصحكم باليابانية ) +
ملاعق + سكاكين ( خضره *وذبح* مسن سكاكين ) + أباريق +
بريق تفويح + دله بغدادية+ شريعة دلة + ملقمة قهوة + دلة حليب
+ بيالات + فناجيل + كاسات ورق للحليب لأنه يصعب تنظيف
البيالات بعد الحليب وتستهلك ماء + صحون نواشف ( ورق أو غيرها )
+ مفك صلصه + نجــر + ملقاط + مركابة + دافور أو عين غاز + كبريت
+ ذراية + أصياخ شوي + قصدير+ أو صحون قصدير للتوفير +
طاسة موية (غضاره) + /////// مأكولات ///////// سكـــــــر
+ شاهي + قهوة ( مطحونة وغير مطحونة ) + هيل + مسمار +
زنجبيل + فلفل أسود + تمـــــر + قشطة المراعي +
حليب السعودية والا الرعيان مايقصرون + طحين بر + زبدة +
زيت + مــــــلح + بهارات + صلصه + دارسين + ليمون أسود +
ليمون أصفر + طماط + بصل + خيار + جزر + كراث + يوسف فندي
+ برتقال + تفاح + حبحر + ثوم قرع + كوسه + رز + مكرونة +
خبز + شابوره + قرص عقيلي + ثـــــــلج * مياه صحية * +
لحمه + كبدة + معلبات ( فول* قشطه * جبن سايل كرفت*
* بيض للشكشوكه ......
وأهم شي / اكياس زبالة وانتم بالكرامة * أكياس لحم
*سماط* صابون * ليفة سلك وسفنجة ** مناديل

إليكم للفائده

مكونات مكتمله

اشكرك جزيل الشكر

طيب العزبة جهزت بس الموتر وينه الجيب هههههههههه
موضوع رايع

مشكور اخوي عادل ولاهنت
والله دايم اذا رحت البر انسى اشياء كثيره
لكن بعد هالموضوع لايمكن ان انسى
تقبل تحياتي
اخوك فيصل الرشيدي

مكونات مكتمله

اشكرك جزيل الشكر

شكراً للأخوان على التواجد

بصراحة مكونات مكتمله لايستغنى عنها في الرحلات البريه
تقبل احترامي ومروري

شكرا لك على المووووضوووع المميز
تقبل

شكراً على التواجد

يعني قبل اكشت امر موضوعك وشف وش ناقصني ههههههههههه

مشكور وبيض الله وجهك

شكراً على التواجد

مكونات مكتمله

اشكرك جزيل الشكر

شكراً للأخوان على التواجد

كل هاذي عزبه يبيلك تريله اجل
على العموم مشكور موضوع مفيد

جزاكم الله خيرا

اهم شئ الاساسيات

ام البقيه ممكن تحصل البديل

وطلعة البر تختلف سواء كانت في الشتاء او الايام الخريفيه المعتدله لكن اغلبها تكون في الشتاء ..

مشكوووووووووووووووووور على مكونات بحر اقصد برر

شكراً لك اخي الكريم

مشيــــــــــــــــــنا

مشكوووووور والله يعطيك الف عافيه