|
الكبرلله
بسم الله الرحمن
الرحيم اخوانى اعضاء وشعار وزوار يشه على الله انى اذا دخلت المنتدى ولم اجدة الا فاضى اتضايق واحيطكم علما انى فى ديرة غربه واشهد الله انى احبكم ياعبس من اولكم الى اخركم واحب ان امازحكم واليكم هذة القصيدة فى العمدة وحزبه هههههههههههه وين انت يالعمدة قليل التوافيق...............يالشايب اللى بين شكه وريبه ياللى تعاندلك رجال مطاليق..................ادناهم اللى باللقا ينغزيبه والاانت شاعر ناشف الحلق والريق..........ضامى وبقعا كل ليله تصيبه وشف حزبك اللى مايصون المواثيق.........ولايكلادرمون الضيف هذى مصيبه وخل النوايامثل ريش الغرانيق...............واناصحيبن مايبور بصحيبه قلته واناشاعرماحب المطافيق.............والقاف اسوقه طيب والاغصيبه والعلم واضح مايبازودتحقيق.................عطنى اسم شاعر واخذلك ضريبه شاعرحزب النصر هههههههههه هههه |
إقتباس:
|
صح الله لسانك يايعقوب
وبانتظار رد العمدة وأنا أعتقد إنه يبا يخليها لك عيدية يعني أما عطاك مطلوبك ولا عطاك الرد الملجم |
اجل ماتبيلك طاروق يكفيك عن لعب سنة يالعمدة قبل السحور تراى جاهز شاعروادور اسم شاعر
|
إقتباس:
هذا كلامك ماش كله خثاريق ........ يعقوب يعني فيه شكن وريبه مالك ومال الحرمنه ساعة الضيق ...... علمك على ماقيل وده وجيبه وخلك على طرد الهوا والغرانيق ..... وخل البعيده وانتبه للقريبه وانتو رماحن خايبه بالمزاريق ....... راحت نهيبتكم بدينا نهيبه مع تحيات مندوب حزب العمده المؤقر : راعي الشلفا |
ياراع الشلفا
إقتباس:
شلفاك فى صدرك بغربن وتشريق.................وادموع عينك مثل رش السكيبه وشعرى عليكم مثل ابانات وطويق..............وارماحنابنحوركم مستصيبه وعزالله انك ماتسوق الطواريق.................وكل القصيد اللى تقولون خيبه |
إقتباس:
هههههههههههههههه العمده ليه مااااااااا تعطيه لقب شاعر انا من وجهة نظري المتواضعه أرى انه شاعر قادم بقوه خخخخخخ |
يعقوب ماشاالله عليك تستاهل وانا طلبت العمده قبلك وانشاالله انه يبايوزع الأرزاق بالعشر الاواخر ويعطيك طلبك وانا كذلك .السلطه بسم.) شاعر الشعار(
|
إقتباس:
بيبان فكرك للجزاله مغاليق ......... وهذي على شرواك ماهي غريبه وانته من اللي للهزيله عشاشيق .... حزبك مسوي للهزيله كتيبه خيبت ضنك بين كل المخاليق ....... شعرك ترى مافيه كلمه رهيبه |
إقتباس:
شعرى على اهل المعرفه كل ماسيق..............تباشروبه بالليال العصيبه اناوشعرى فوق رووس الشواهيق...................يشهدلى اللى ماهرج هرج غيبه |
يعقوب لاتحاول مع العمدة هذا وأنا في حزبه ماعطاني اسم شاعر لاكن ماعليه بتوسطلك عنده هههههههههههههههههههههههه |
يعقوب مالك الا تقول الله يخارجنا من العمده
|
ياللي تبي علم الرجال المطاليق = انته وحزبك دافعين الضريبه نبدي عليكم بالرماح المزاريق = ياسقم عين اللي رماحي تصيبه تقطع بصدرك جميع المعاليق = وتصلب براسك معاها صليبه لأنك تبلش في حلوق المخاليق = تبى الطويله وانت بأوطى شعيبه ياللي سوالفكم تلامع وتبريق = خلك على سكبتك يابن العريبه مالك ومال اهل العلا والشواهيق = ناظر عقيدك يوم قطع بجيبه ههههههههههههههههههههه يعقوب يعلم الله اني احبك ولكن انت حديتنا قلت مع حزبه وانا لو قايل العمده كان رديت هالمره الحزب كامل وانا ايضا اطالب العمده بتحديد اختبار للشعراء لتوزيع الألقاب بالحق فأقترح ان يتم اختبارهم بمحاوره شعريه |
إقتباس:
صح لسانك ياشاعر حزبناااااااااا الكبير صحيح لازم إختباره بمحاوره شعريه ثم إعطائه اللقب الذي يستحقه ،،،،،،،،،، |
إقتباس:
لا والله الا زان لعب الطواريق=وجينا نولعها عليكم لهيبه يا ناصر العمده نسيت المواثيق=هذي حقوق الناس ماهي طليبه ميزت ناس وهم منظر وتفليق=الله وكبر كيف صارت كتيبه حطوك عمده وانت ضحكه وتعليق=واخر زمانك صرت حاجه عجيبه جاك الكلام ويبقى لجنة وتحقيق=تحكم بعدل ن ماهي حظك نصيبه مرحبا يا شاعر حزب العمده مسيت بالخير تراك محشوم عن الي قلناه بس في ناس هههههههههه |
إقتباس:
حزب النصر فالبحر راحوا مغاريق@ويعقوب قايدهم يجيب النصيبه ياطير ياللي طارت أبك الزقازيق@مثلك مثل يعقوب راعي الكتيبة حنا على الاشهاد مااحن لواحيق@لاتعترض للقوم بيتك زريبة العمدة اللي قادنا حزة الضيق@وقت الطلب يالاجودي نعتزيبة منته بشاعر ياكبير الاشاديق@من شان نعطيك اللقب تدعيبة ههههههههههه يعقوب حنا ندور اللقب مثلك يمكن القصيدةهاذي تشفع عند العمدة ولا أنت أشهد بالله أنك شاعر وكفوووووووووووووووووووووووا |
إقتباس:
النصــر حزبه كلهم بالمطاريق *** نسوقــــــــهم سوق الجحش بالقريبه ما بــــــار ناصر لا ولابه تلافيق *** كلً بها الــــــدنيا نصيبه يصــيبه ناصر تــعلاء والمــراجل توافيق *** وأنتم نزلتوا تحت هاك النصيبه عمده ونفخر فيه ياهل البواريق *** اللي تجي وتروح دايم عطيبه العمده اللي يجيد كل الفواريق *** أنته وحزبك غصبً أمره تجيبه ههههه ياااااااويلك ياللي تعاااااااااديناااااااا وووووووويل ،،،،،،،،،،، |
صوموا تصحوا
|
مشكور
إقتباس:
بارك الله فيك |
شكرا ياحضرة العمدة
|
بيض الله وجيهكم
|
| الساعة الآن +4: 11:06 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
