سبتكت من جم المعاني نجيبه=مضمره من راهي الفكر تضمير
تعدي على صم القصيد وصعيبه=حمرا عمانيه ولعها المشاوير
لادرهمت من فوق روس الجذيبه=اربع ليال وخشمها عقب النير
سبوق ما رامت طعون الغليبه=هجانها لولاه قرم يبا يطير
محبوكة بالطيب ماهي غصيبه=مني هديه لنشاما المناعير
بني رشيد اهل الصدور الرحيبه=اهل المكارم والوجيه المسافير
قبله لمن هو بايرٍ به نصيبه=اهل الضيوف الواردين المصادير
الجود معهم لاقين له عصيبه= اخوان هم وياه ما فيه تزوير
مافيهم اللي مرةٍ غل جيبه=اقنوف طيب بالعلالي مزابير
كم وادي ممحل وسيل شعيبه=من نوهم عقب القحط به نواوير
واللي يجيهم شارقه او مغيبه=يلقى البيوت مفتحه للخطاطير
قوم لهم تاريخ وعزه وهيبه=مسطره في صفحة المجد تسطير
بني رشيد مروضين المصيبه=عسافة مهار المصايب مخابير
ان جا النهار اللي تعقد سبيبه=واضلم سماه وكل شيءٍ مقادير
جوا له عباريد تفك النشيبه=قفوش بندق للمنايا صقاقير
فكوا سبوق الموت وكلن يصيبه=من بارقٍ خيل ويمطر مسامير
يفرق شمول الصحيب وصحيبه=يخطف ارواح الرجال المغاوير
كم شيخ قومٍ صار تحت النصيبه=مايشبكون الا السمان المشاهير
يكفخ بهم جاسم وتسمع قنيبه=على خشوم مشولعات المواكير
يخيل جم العز ويعبأ قليبه=لو كان دونه كايدات المناقير
يمناه خطلا بالمضارب عطيبه=لا هد له عجه تروع الطوابير
ورث لشبله مبعدات القريبه=وضح المراجل زاميات مغاتير
دليم سقم الظيم ولاهي غريبه=ذيب الليال الجايره والمعاسير
كم خشم عزٍ بالنوايف رقيبه=يسبق عليه مطيرات المعاصير
يتلاه لابه عزمهم من يجيبه=ولكل صعبه تحتديهم دوابير
دخيلهم يبطي ويعجز طليبه=دون الدخيل تروح الانفس مخاسير
عيال عبس وحي عبس العريبه=يسمع بهم صم الاذان المساكير
هذا الوكاد بدون شكٍ وريبه=والعذر منكم كان بالقاف تقصير

جزاء الرشيدي شكرا لك على النقل

عبدالمطلب الحايطي

نقوله صح السانك ومشكور على القصيده ولا يستغرب الطيب من الرجل الطيب ولاهنت

جزاء الرشيدي شكرا لك على النقل

عبدالمطلب الحايطي

نقوله صح السانك ومشكور على القصيده ولا يستغرب الطيب من الرجل الطيب ولاهنت