قبيلة بني رشيد - بحر الخليج × زابن الدوسري

السلام عليكم ورحمة الله وبركاتة

هذه محاورة دارت بين شاعرنا (بحر الخليج = وسمي المهيمزي ) × شاعر رائع (زابن الدوسري)

إقتباس:

اقتباس من مشاركة وسمي المهيمزي (المشاركة 1387014)

بالديره اللي جوها يشفى به القلب العليل=الصيد واجد والمزون بجوها مثل الجبال
وانا من البارح افكر بالسمين وبالهزيل=مدري انا اذبح لي جمل والا اتعشى لي غزال

إقتباس:

اقتباس من مشاركة زابن الدوسري (المشاركة 1387031)

الديره امست امنه ماحافها القلب الذليل = والحمل ماله ياولد لامن ثقل غير الجمال
خل الهزيله وانتبه للآوله وانته دليل = وانته تدور لك عشى ماهو حرام ولاحلال

http://smiles.al-wed.com/smiles/13/107jkl.gif

إقتباس:

اقتباس من مشاركة وسمي المهيمزي (المشاركة 1387046)

انا ادري انه مايشيل اثقالها غير الثقيل=الله يبارك بالجمال اللي تروح بالثقال
مادام ليلي جاب زابن مانبي غيره بديل=والله ماتسري ذود قوم(ن) عقلوها بالعقال

إقتباس:

اقتباس من مشاركة زابن الدوسري (المشاركة 1387050)

الذيب يعرف بالعوى والخيل تعرف بالصهيل = اخذ الحذر لاذعذعت لك من جنوب ومن شمال
الله يبارك بالقنا والرمح والسيف الصقيل = القوم دون حقوقها وانته بوضع الاحتمال

http://smiles.al-wed.com/smiles/13/107jkl.gif

إقتباس:

اقتباس من مشاركة وسمي المهيمزي (المشاركة 1387111)

اليا عوى لك ذيب ردد ليل يامااطولك ليل=اما اكتفى براع الغنم والا سرى بأم الرخال
وحقوقنا من دونها الارواح والفعل النبيل=من عصرنا الاول وعصر اليوم مافيها جدال

إقتباس:

اقتباس من مشاركة زابن الدوسري (المشاركة 1387133)

ياذيب ياللي تنسدح لاشفت لك ظلّ ومقيل = خل العشى للي مع المسرى مهاذيبه طوال
اهل المغازي لاغزو يلحق بهم مومي شليل = ومالك مع اهل السوق ياوسمي جنيه ولاريال

http://smiles.al-wed.com/smiles/13/107jkl.gif

إقتباس:

اقتباس من مشاركة وسمي المهيمزي (المشاركة 1387178)

الذيب ذيب ولايتسمى فيك ياحام النزيل=مال التشابه بين ذاك وذاك يازابن مجال
ابيع واشري واتخير بالكثير وبالقليل=مااطاوع الدلال وسط السوق عندي راس مال

إقتباس:

اقتباس من مشاركة زابن الدوسري (المشاركة 1387211)

الذيب ماني جاهله لاكن ابو خرطوم فيل = لاكن لاتامن شرور الوقت وظروف الليال
ان كانها ثقلت حمولك وش تحط ووش تشيل = ياللي تدور لك جواب جاك مردود السؤال

http://smiles.al-wed.com/smiles/13/107jkl.gif

إقتباس:

اقتباس من مشاركة وسمي المهيمزي (المشاركة 1387302)

يانازل الوادي غشاك السيل واغرك المسيل=وانته تجر الصوت وتغني على صفر الدلال
وطبع الكريم يقال مايشره على كف البخيل=والله يغير ياعميل الخير من حال(ن) بحال

إقتباس:

اقتباس من مشاركة زابن الدوسري (المشاركة 1387316)

مادام جمعت الحطب والزند يقدح بالفيل = السيل ماشفناه والبراق يبرق بالخيال
وكف الشحيح اليا قصر ماهوب لكفوفي عميل = ملزوم يسمعني ليامن قلت له روح وتعال

http://smiles.al-wed.com/smiles/13/129376s2lp0fxlxl.gif

أتمنى من الله ان تنال اعجابكم

أعجبتني فـَ نقلتها كما هي ^_^

http://ro7elb7r.jeeran.com/ثَغْرٍ%20الوٍُرٍٍدِ.gif