تلاعب بقلبي لعبها بخصرها المسكـون=على أنغـام دبكـات وغنـاوي عراقيـه
وتغطرس علي وكنهـا هتلـر الملعـون=لياشاف جيشه وجتمـع حـزب نازيـه
لاترحم ولاتاوي وغصبن علـي تمـون=تطوس علـي بمـزح وأحيـان جديـه
سجين بغلاها بس من يعتـق المسجـون=ليـا صـار محكـوم بقضايـا سياسيـه
لها بالغلا منـي مـن الصفـر للمليـون=ولها احلام عمري لو هي احلام ورديـه
ولها دمع لاغابت تسابق عليـه عيـون=ولها نبـض قلـب زاد لاحـل طاريـه
عليها الدلع لايق وفيها الغنـج مركـون=وفيهـا الجمـال اللـي يهـز العزوبيـه
خذت مني التفكير كلـه وانـا مـن دون=خيلاتهـا ماقـلـت للفلسـفـه هـيـه
ياكذبة شهر آبريل مدري شهـر كانـون=ياكذبٍ مصـدق مثـل كـذب الحسينيـه
ياعالم بدون الوان وانتي وجـودك لـون=ياشيعية المضهر لـو ان منـت شيعيـه
ياثورة جنون الحب ياسلـوة المحـزون=ياغفوه على وجه الغـزل والرومنسيـه
ياصاروخ يافتنه ياهه يانجـم يـاmoon‏=ياطلقـه حـلا يامـوت ياجـرح ياكيـه
ياتاريخ رمسيس وحضارات خنع آمـون=يازبوبيـا تدمـر ياعلـيـا الهلالـيـه
يامجلس شيوعي راس مالـي يابنتاقـون=ياأحلـى تطـرف والديانـه مسيحـيـه
ياشعبـن يعيـش بلاسياسـه ولاقانـون=على مجتمع مبني على احـلام زنجيـه
كذا فلسفة فكري تجـي كـان ماتـدرون=مادامـي بنـادم ساكنـه فيـه جنـيـه
ابيع العمر واكثر من العمـر يالمزيـون=واضمـك بخفاقـي واحطـك بعينـيـه
انا لك مدينـه فاضلـه قالهـا فلاطـون=لاهـم الحيـاه ولا همـوم الشقـاويـه
انا اصير لك عود مولف ولـك مـوزون=تفنـن يامطـرب والخلايـا كمنجـيـه
تول المشاعر فدوتك وش بقـى بيكـون=يابتهوفـن الخاطـر وهـم الهـواويـه
والا ياوجودي وجد مـن حملـوه ديـون=وهو مالـه إلا عـود مرجـوج وبنيـه
توفوا ثلاثه معه وهو السبـب مضمـون=تجاوز خطاء والسرعه ايضـا" جنونيـه
ولا احد تنازل لا ولافيه احـد يرضـون=سوى في قصاص او سجن او يدفع الديه
على الصاحب اللي بالخفا بيح المكنـون=عليه اتوجـد كـل صبـح وعصيريـه
لعل البعـاد اضنـاه ويعـود للمحـزون=ويسمع نـداي ويجبـر الخاطـر شويـه
ترى كلها دنيا ماتسوى زعـل وطعـون=ابامـوت وانـت تمـوت لاذي ولاذيـه
تعال نتسلا وارهن العمر لـك عربـون=فــداك اليـالـي كلـهـا يالسنافـيـه
تعالي ابشعل شمعـة الحـب والغليـون=وابـاذوب اللـي فيـك مـاذاب بيديـه
تعالي ترى الصبر انتهى يارجاء المجنون=لو اني شمالـي بـس وش حيلتـه فيـه
تضيق الجهات الاربعه بالقـدم وتخـون=هقـاوي كبيـره بالصـدور الشمالـيـه
وابقول ضيقاتي فدى وانت خلـك عـون=مدامي زبنتك خـل فـي قلبـك حميـه
ماودي أقول ابيه عون وطلـع فرعـون=طلبتك ترى النيه علـى خبـرك النيـه
على العهد باقي ماتغيـر ولـو شـارون=على جمـس هيئـه يشتغـل بالعقاريـه
اخيراً تلاعب لعنبو مـن عليـه تمـون=وعليك الف لعنه كل صبـحٍ وعصريـه

اقتباس من مشاركة راشد رباح (المشاركة 464891) صح لسانك قصيده رائعه من شاعر رائع احترامى

اقتباس من مشاركة البحري (المشاركة 465239) قصيده جميله صح لسانك

اقتباس من مشاركة الـفتى الـرشيدي (المشاركة 465290) صح لسسسسسسسسسانك ولد خلف والله عجيبه القصيدة الله يعطيك العافيه معجبتني كثير والله

اقتباس من مشاركة فيصل الجلادي (المشاركة 465395) صح اللسان يا ولد خلف مبدع الي ماااااله نهااايه

اقتباس من مشاركة العبسي الغامض (المشاركة 465401) قصيده ابداعيه ورايعه وهي كما قلت فلسفه شاعر عظيم وتقبل مروري

اقتباس من مشاركة الفهد (المشاركة 465470) صح لسانك قصيده رائعه في مفردتها وقوة شاعرها

اقتباس من مشاركة فهد المويسه (المشاركة 465531) فلسفه رائعه يا بو خلف كما عهدك مبدع دائما صح لسانك وتقبل سلامي

اقتباس من مشاركة سعد الشقل (المشاركة 468225) صح اللسانكـ ياولد خلف ..// وليس غريب عليكـ الابداع هذا ../

اقتباس من مشاركة مرزوق العجوني (المشاركة 468718) صح لسااااانك ياولد خلف ولا هنت وتقبل مروري وتقديري