(( مستحيـل أرجــع ))
 

صبحكم الله بالخير يا الغالين

قصيده من القديم اتمنى تجد القبول


[poem="font="Arabic Transparent,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لابـغـيـت تـــروح روح ولاتـزايــد فـــي عـنــادك =حجّتـك هـذي قديمـة عــارفٍ وش هــو سنـدهـا

لاتـحـمّـلـنـي خــطـــاك ولاتـفـهّـمـنــي مــــــرادك = أنتهـت قـصّـة هـوانـا ونـطـوت صفـحـة عـددهـا

كـــل مافـيـنـي نــســى حــبــك ولايـبـغــي ودادك =حتـى ذكـر أسمـك يعـل الـروح ويسمّـم جسدهـا

وأنت لي ذا الحين تحسبني أحبـك فـي أعتقـادك= مادريـت أنـي داويـت جفـون عينـي مـن رمدهـا

تحـسـب أنــي لعـبـةٍ بيـديـك يـــوم الـقـلـب رادك=تامـر وتنهـى عـلـى كيـفـك وحـالـي فــي نكـدهـا

لاورب الـبـيـت لبـيـعـك وبـعـلـن عـن جـهــادك =والـبـيـوت الـلي بــنـت لأجــلك نـبي نـهـدم عمدها

والله أني لأكشـف أوراقـك وبيّـن وش حصـادك =وأثبـت أنـي رجـل وافـي كلمـتـى لا قـلـت قـدهـا

بجرحـك مليـون مـرّه لـيـن تبـلـش فــي رقــادك =وأنت رقدت مزون غدرك يزعجك عالي رعدها

مـنـت كـفـو أنــي أحـبـك والـغـلا مـاظـن فـــادك=أزرع أبذور الغلا لك ميـر غيـري هـو حصدهـا

روح لـلـي حـبّـتـه عـيـنـك وقـلـبـك فـيــه قـــادك= يمكـن عيـونـك لـيـا شفـتـه تـزايـد فــي سعـدهـا

وألا أنـا عزّمـت أهاجـر قلعـتـك ودفــن رمــادك = وأرحـل لدنيـا السعـادة وحتسـي صافـي شهـدهـا

بلغي صكـوك الغـلا بأسمـك وختمـك وأعتمـادك =أنـت ماضـي راح ولّـى عشرتـك قلـبـي جحـدهـا

مستحيـل أرجـع بعـد ماذقـت سمّـك وسـط زادك =وأن رجعك اليوم قـول أمـي تـرى مانـي ولدهـا

ولو تحب الكوع من شانـي وترهـن لـي فـؤادك =أنـت لــي مـثـل الجـنـازة حـوّلـت داخــل لحـدهـا

وسلامتكم
خالد بن سكران
[/poem]

صح لسانك اخوى خالد على القصيده الى فوق الرئعه وعسا الله يعوضك

صح لسانك اخوي خالد ولا هنت على الرائعه وتقبل مروري

خالد
صح الله لسانك
وبيض الله وجهك

صح لسانك اخوى خالد على القصيده

صح لسانك اخوى خالد

الغالي // عمر ابو خلف

صبحك الله بالخير ومرحبا بك مليون

وصح الله ابدنك ولاهنت على الحضور والمشاركه


تقبل تحياتى
اخوك خالد بن سكران

(والله أني لأكشـف أوراقـك وبيّـن وش حصـادك =وأثبـت أنـي رجـل وافـي كلمـتـى لا قـلـت قـدهـا)
اختيارك لكلمة قدها هنا اختيار غير موفق لانها ثقيلة النطق.

(مـنـت كـفـو أنــي أحـبـك والـغـلا مـاظـن فـــادك=أزرع أبذور الغلا لك ميـر غيـري هـو حصدهـا)
كلمة هو هنا حشوا لا فائدة منه.

(وألا أنـا عزّمـت أهاجـر قلعـتـك ودفــن رمــادك = وأرحـل لدنيـا السعـادة وحتسـي صافـي شهـدهـا)
أهاجر قلعتك هنا خطأ لغوي فاما ان تقول أهاجر عن قلعتك أو أهجر قلعتك.

(مستحيـل أرجـع بعـد ماذقـت سمّـك وسـط زادك =وأن <رجعك> اليوم قـول أمـي تـرى مانـي ولدهـا)
خطأ مطبعي على ما أعتقد والصحيح رجعت.

(ولو تحب الكوع من شانـي وترهـن لـي فـؤادك =أنـت لــي مـثـل الجـنـازة حـوّلـت داخــل لحـدهـا)
لو ما كتبت الا هذا البيت لكفاك,,,,أشكرك عليك.




ودمت بووووووود

اخوي خالد صح لسانك ابداع والله ابداع