|
أخواني أعضاء شبكة عبس أضع بين أيديكم
أخواني أعضاء شبكة عبس أضع بين أيديكم هذه المساجله التي دارت بيني وبين الشاعر المعروف نافع صالح عزام الرشيدي حيث أرسل علي قبل يومين قصيدة ورديت عليها بهذه القصيدة أرجو أن تحوز على رضا الجميع.
إليكم قصيدة نافع صالح ياراكب اللي جاهزن للمشاوير = يشتاق له من حس بالقلب ولوال لافتر ويله طير القاع تطير = تقول شيهانن على الجول منهال روح عساك مجار من كل شرير = عسا الولي ينجيك من كل محتال من دار اخو نوره تروح من عصير= وفي الفجر في دار ماضين الافعال اخوان مريم ناطحين الطوابير= ريف الضعيف اللي عليه الدهر مال نصه لقر م ٍ ما يهاب المخاسير = دايم وبيته للمسايير مدهال قرم ٍ يحط الهيل وسط المباهير = وله مع اهل العرف منهج ومنوال من روس قوم ٍ للمعادي عواثير = لاجا نهارن فيه للملح زلزال براك بالقوه رجال ٍ مشاهير = عز الصديق وللعداء سم قتال بلغ سلامي عد ماغرد الطير = وعداد مايمطر من المزن همال سلام ٍ احلى من حليب المصاغير= ولذ من شهد العسل عند عسال واليا وصلت مخدر اللبن تخدير= ارتاح وشرب لك من اللبن فنجال وقله يابو تركي نبا منك تفسير= جاوب على السؤال ياطيب الفال وين الرجال اهل الوجيه المسافير= اللي لهم بالمرجله دور فعال اللي مجالسهم وقارن وتفدير= ويلقا بهم عن لاهب الشمس مقيال اقفت بهم سود الليالي مدابير= ماكنهم ركبو على كل مشوال وين البداه اهل السلف والمظاهير= اللي مشاهد نشرهم يشرح البال اهل الرباع مكرمين الخطاطير= الضيف يالقا عندهم قدر وجلال معطانهم تذري عليه المعاصير= ماتقل صار الهم على العد منزال طلع بعدهم جيل ياخاتمة خير= جيلن يابو تركي به الفكر يهتال على القريب يصورالكذب تصوير= ينسا الفقير وينذكر راعي المال لاصار عنده مال لو هو معيثير = يذكر ويطلع له تواريخ ومثال واليا انفقر لوهو ولد سالم الزير= تهاونو بامره ولا يعد رجال وقتٍ حصل به تاللي الوقت تغيير = وقت ٍ به السرحان يخضع للا ثعال من عقب مايفرس باياديه ويغير = اليوم صار لراعي الضان مرسال والله وعلم من بعدها وش ايصير = دنيا تقلب ماعرفنا لها اشكال وسلم وقاك الله صدوف المقادير = عساه يختم لك على زين الاعمال وتمت بذكر مصخر الكون تصخير= الواحد اللي لصعيبات حلال نافع صالح عزام الرشيدي وهذا مردي على قصيدة نافع صالح حي الجواب وحي راع التعابير= اهلا هلابه عد موجات الارسال ماحن ونحاء بالقنوف المزابير = برق ٍ سمروسط المزن يشعل اشعال وعداد مافوق الوطا ساير ايسر = من خلقت الدنيا من اول الى التال ومايكسي ارض الله جمال النواوير= اليا شبكت في حاجرن تو ماسال اليا ومر جبار عظم المكاسير= وساق وتساقا لين عداء على الجال ومن بعد هذا ماتفيد المعاذير = مافيه تجنيبه وصده ومحوال طوفت الاولى منشغل ماهو تقصير= والثانيه جتني وانا رايق البال واخذت من صاف الذهب بالقناطير= اخذ جديده وترك الحثل وسمال صغت البيوت اللي تشوق الشواعير= اليا دخلت سوق الشعر سعرها غال فيها من العنبر مع المسك تذكير= وفيها من الريحان قيمه ومعدال كله لعينا من شكالي من الغير = مالو وشاف الدهر مع ميلهم مال ويقول عطني عن هذا الوقت تقرير= وعطيه نبذه وقصر اشرح لوطال اشوف ماشفته من السيف لنير = تخالطت زهر الثعالب ولا شبال شفت الحفاه يجمعون الدنانير = وقامت تطاول بالبنا راع الاموال ولامر سند لدفوش المحاقير = وهوه من اول مايطالع بما قال بانت يابو صالح جميع المحاذير = قرب كلام المصطفى مابه اجدال والخير زاد وبذر الخير تبذير = سور الولائم يانتهت كنه اجبال غير الغنم حطو حوار المغاتير= ماهو كرم هذ تباهي بالافعال اليوم يانافع زمان المزامير= وقت المغني والمزمر وطبال ولا قول خليت فيه بالمجمع خير=لاكنهم قله يعدون وقلال اما البداه اقفت ولا به مداوير = راع الغنم ماغير هندي وبنقال اثر بها وقت الحضارات تاثير = لاترتجيها تعود وانته ابها الحال وان قمت تسمع هرجت صوير وعوير= يشيب راسك وانت في سن الاطفال اقصر قدم رجلك لياشفت تقصير = عن كلمتن يركض بها كل دلال ولالك شغل باللي فعل عمر بعمير = ولاانته مكلف تنتقد كل ماقال وهذا الزمن مابه تقدم وتاخير = تاتيبه اجيالن وتفنا به اجيال والخاتمه يامن بيدك التدابير = ياواحد ن في كل الارزاق كفال تفكنا ياربنا من زمهرير = وتجعل لنا في جنة الخلد مدخال عفوك ليا ضاقت علينا المعابير = في ساعتن عبدك فلا غيرك ايسال وسلم رعاك اللي رعا صاحب البير = اللي حذ ف بالبير في جرهد اللال ناصر خنيفر |
صوت وصدى كفيت ووفيت يا بو تركي
ابداع رائع ورد وافي تحياتي لك وتقديري |
العمده
صح السانك وصح السان نافع صالح عزام الرشيدي عمالقة الشعر ومبدعيه لازلتم فلكم الشكر |
يالها من قصايد ومساجله عجيبه وليست غريبه من شعراء امثاااال الشاعر الكبير ابو تركي ناصرخنيفر البراك
بيض الله وجيهكم - نافع صالح عزام الرشيدي ناصرخنيفر افضل مساجله حتى الآن- لكم تحياتي وشكرأ لك استاذي العمده صاحب المفردات العذبه وصاحب المواقف النبيله |
مفلح اشكرك على المرور والتعلق الطيب
|
مسند العويمري مرورك شجعنا اكثر شكرا
|
إقتباس:
احتزم يالجحش الاخضر تراء يومك عبوس = ونفذ امر العمده اليوم سلم وستلم تحسبن النظم قلطات في راسك تهوس= النظم بيته يوثق ويسطي بالعظم التحاور بدعتن مثل ثوبن للعروس= ابيضن من مصر جانا وعم اهل الغنم النظم ساس الشعر من قبل حرب البسوس= وشاعر القلطه لو يقول مايصبح علم وانت لاتقعد تبلبل مثل صوت التيوس = التغطرس لايحولك مع ريع الندم صحبتي لك سكرت حان تقليع الضروس= وكان نايم صح نومك وقم هالحين قم انت وينك يوم الاحزاب عافس ومعفوس = جالسن تنظر بعينك ولا يسير القدم بيض الله وجه ابوذيل يوم الجو كوس= وقافن مع حزبنا باليمين وبالقلم وبيض الله وجه بتال شوق العيطموس = وبيض الله وجه معيوف قايدنا الشهم وبيض الله وجه حزبي عزيزين النفوس= العداء مابين قتلا وجريح ومن هزم وبلغ احزاب النصرالوعد بالدنا الطعوس= كان ييغون المانزل ترى حزبي ولم |
يامطولك من ليل عادة الصولات والجولات الجحش الغالي لاتنساء ان فيه استكشاف وليس قطع الصداقه صحيح تحياتي لمقامك العالي
سوف اتا بع غدا مايقال ويكتب من تعليق وملاحظات شكرا يابنا عمومتي على الاخلاق العاليه |
راشد رباح شكرا على المرور الله لايهينك
|
صوت وصدى رائعين ونادرا ما نقرأ مثلهما في هذا الوقت ولكن لا غرابه طالما ان توقيع العمده وكذلك نافع صالح تحت هذا الابداع تحياتي ياسعادة العمدة |
صح السانك ..
مساجلة رائعة |
إقتباس:
|
إقتباس:
قلتها وأعلنتها والعلم فوق الرجم ههههههههه استلم يالعمده استلم ههههههه محزمي كايد وغالي ماهوا خمسة فلوس = الحقيقه ماهو إبكل ميقاف احتزم يوم تعزم بالطلايع وحنا بالعروس = نشعم النيران وسهومنا ترد بلحم والتحاوروالتشاور مباح ولا تحوس = راجع التوحيد من شان تفهم وفتهم شاعر النظم احترم ماقفه ماني هلوس = ذمتي ماهي بذمّة قليلين الذمم ماينبنب تيس حتى يشوف ام الديوس = وأنت زارع لك لغم وإنفجر فيك اللغم عد هداج الروي مهو رس من الرسوس = عين تجري تروي الورد وإلماها طعم يوم الاحزاب-- اكثر الضرب في عجرى وموس = وانت وابو ذيل تكفون يامال الوهم والبطل بتال يقدم ولا ينكس نكوس = والمهمه مستواها على قد الهمم اما انا يالجحش. قررت القنكم دروس = وعرف ان الحزب ياقائد الحزب إنقسم بعد هاذي خلّها تصتفق رؤسٍ بروس = قلتها وأعلنتها والعلم فوق الرجم الجحش مايراس في ساعة الشده يروس = مير يوم انه تقيصر تحسبونه قزم خيّل البل خيّل البل وانا شوق العنوس = ويلكم بالويل مني عرب ولا عجم من منصّات الصواريخ والاطلاق قوس = والجبال إلها صواريخ اشدّ من النجم الطريق مطوّق بطوق والجؤ محروس = والعدؤ إمحاصرينه من خلاف وقدم غطرفي يأم العكاريش والرمش النعوس = وأبشري بالنصر والنصر من رب الامم ولبسي عقب السمايل جديدات اللبوس = وستريحي في ضلال العميد المحترم |
إقتباس:
صح السانك ياشاعر حزب العمده بعد اختبار الجحش على جميع انواع الشعر وقد اثبت جدارته قررنا مايلي يعتبر الجحش هو شاعر الحزب بالمحاوره والنظم ويمنح شهاده فخريه من قبلنا بذلك مبروك والف مبروك للجحش |
إقتباس:
الله الله الله الله الله الله بعد اكتشافي للعمده انه قادر يغيض ويعيض اعترف انه قائد ناجح ولايمكن اخرج من حزبه حتى نهائية حزب النصر تماما كما اشكر العمده على هذه المناصب المتتاليه للجحش وإنشاء الله سوف اكون قدها ويلك يالي تعادينا ياويلك ووووووووووووووووووويل ههههههههههههه |
الله الله صح لسانك يالعمده وصح لسان الشاعر نافع صالح
قصائد رائعه والاروع قصيدتك في الجحش هههههههههه |
صح لسانك وقصيده رائعه
|
عبد العزيز الخياري مشكور على المرور والكلام الجميل
|
عبس 404 اشكرك على المرور ياعبس
|
تسلم يابو تركي وصح السانك
|
إقتباس:
العمده صراحه لا يكفيك الكلام وقليله بحقك كلمت صح لسانك ودايم اقراء لك قصايد بالمنتديات وديوانك ترفع الراس فالله درك يابحر الشعر لك احترامي |
المحيط الهادي مشكور على المرور
|
الاجهر مشكور على المرور والكلام الطيب
|
خليف الوهيداني ماعليك زود انت من كبار شعار الموقع قرات لك قصائد عده تبيض الوجه مشكور اخي الكريم على المرور والكلام الطيب
|
اشكر الجميع كما ارجو المعذره لمن سقط اسمه سهواء ولم ارد عليه اشكركم يابنا عمومتي جميعا
|
| الساعة الآن +4: 09:34 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
