الأرض فيها من الوذى يارجاجيل = ياثقل من يدهل ثرى الأرض ثقلاه
الله يديم الستر ... ما من محاصيل = غير التعب يوم الجمايل مخلاه !
وضحت في طرق القصيد التفاصيل = لو أن أدرى شيء وأحيان ماأدراه
أطيب وأرفى جرح واحط وأشيل = وكسبي مثل ( كسب الرجال المسماه )
وش عاد طيبي فيه ما يحكمه كيل = يوم أن طيبه في تحكمه يمناه
أسوق له من طيب نفسي فناجيل = وهو يمد الداء ويحرّم دواه !!
كذا يسوقه عمد وأعذاره محيل = وأقسى من اعذاره كلامٍ على شفاه
لا غبت يطرق فالنميمه مواويل = كنه وكيل ) وتطعن الظهر شلفاه .
وأنا جرفتك يالردى جارف السيل = ولا عاد من بيني وبينك موالااااه !
ما شان ما تلقى علي المداخيل = كذا حياة الرجل وإلا بلياه
تشوم نفسي عن طفاس الأقاويل = أقرّب الوافين والخايب أنساه
أصل رحم واثني حبال المواصيل = للي تقودك للمواصل سجاياه .
وأفوز لا فاز الخوي والمقابيل = تكشف سراير شي حنا جهلناه
البارحه صدري تدكه غرابيل = وأقوم من حالي منامي لطرياه..
اللي له الميقاف مايحكمه كيل = وهو على الميقاف مايتعب خطاه ..
يشح طيبه من رداته مخيبيل = أله التعب يوم الجمايل مخلاه ..

صح لسانك
يالزبني
لاهنت
لك احترامي

اقتباس من مشاركة راشد رباح (المشاركة 198273) صح لسانك يابشير ولا هنت وتقبل مروري احترامى

اقتباس من مشاركة ناصر محياء (المشاركة 196888) الله يبيض وجهك على هذا البداع قصيده جميله

اقتباس من مشاركة بنت العبسي (المشاركة 196861) صح لسانك ياخوي بشير كلمات قوية ومعانيها اقوى سلمت يداك يالشاعر الرائع

اقتباس من مشاركة طيف المشاعر (المشاركة 186237) أسوق له من طيب نفسـي فناجيـل وهـو يمـد الـداء ويحـرّم دواه !! كذا يسوقه عمـد وأعـذاره محيـل وأقسى من اعذاره كلامٍ على شفـاه لا غبت يطـرق فالنميمـه مواويـل كنه وكيل ) وتطعن الظهـر شلفـاه . وأنا جرفتك يالردى جـارف السيـل ولا عاد من بيني وبينك مـوالااااه ! صح لسانك أخوي والله يعطيك العافيه

اقتباس من مشاركة احمدالمهيمززي (المشاركة 187148) صح لسانك يابشير قصيد اكثر من رائعه

اقتباس من مشاركة حجاج العريض (المشاركة 205701) صح لسانك بشير الزبني تقبل مروري مع التحيه