تعال ياأحمد واسمع وعلم حمود=تعال ألك عندي علوم ٍ رهيبه
ياجاهل ٍ فينا لنا مجد وجدود=جدودنا من ساس عبس العريبه
حنا بني غني ذرا كل مضهود=شوالعه أهل الفعول العطيبه
ألها تواريخ ولها أمجاد وشهود=وفعايل ٍ يوم الملاقى صعيبه
أنشد جبل كبشان عن أهل الذود=وأنشد وتلقى علومنا مع عتيبه
ورح للعواجي والحنيني يامقرود=وأنشد عن اللي يتعبون النجيبه
يومنها بالفعل والسيف مجرود=ومواجهه بين الطليب وطليبه
يعطونك الأخبار حاوي ومردود=عنا ليا هبت وشبت لهيبه
واليوم في نعمه وفي حكم ال سعود=وألا مثل شرواك ذاهب ذهيبه
أنا أدري إنك ملح من دون بارود=إن ثرت وألا طرت تخطي الضريبه
ونسبت نفسك لاهل الطيب والجود= ربع ٍ علينا مارضت بالغليبه
ونفوك مالك عندهم ساس ماكود=ثعلب زريبه عايش ٍ في زريبه
إلك نوايا باطله ولك مقصود=وكل ٍ على ماقيل ربه حسيبه
وماقل دل وكل شي ٍ له حدود=ولاهي على الجهال مثلك غريبه

أنشد جبل كبشـان عـن أهـل الـذود=وأنشـد وتلقـى علومنـا مـع عتيبـه
ورح للعواجـي والحنينـي يامقـرود=وأنشـد عـن اللـي يتعبـون النجيبـه
يومنهـا بالفعـل والسـيـف مـجـرود=ومواجـهـه بـيـن الطلـيـب وطليـبـه
يعطونـك الأخبـار حـاوي ومــردود=عـنـا لـيـا هـبــت وشـبــت لهـيـبـه