|
يا دار ياليـــتني ما جيـــــت لـــك زاير
يا دار ياليـــتني ما جيـــــت لـــك زاير****ما جيت يم السليـــل ودجــــــت بالعاير
يا دار ياليـــتني ما جيـــــت لـــك زاير****ما جيت يم السليـــل ودجــــــت بالعاير اقــول ابمــــرها وامشي على الطــــاير****طول وقـــــوفي بها وابطيـــت اراعيها يا دار ويـــــن البيــــــوت اللي لها رنه****واهل القيــم والشيــــم والفرض والسنه قــــــالت توفــــوا وراحوا يا ملا الجنه****وش ينبغى بالمنــازل عـــقــــب اهاليها قـــمــت اتلفت ولا ادري ويش صايبني****ما ادري وش اللي على الاطلال جايبني هلت دمـــوع الشـــقــــــــا الله لايعاقبني****العيـــــن تبـــكي وانا ادري وش مبكيها تبكي على ماضي الاجـــــداد ورسومه****وبيــــوت باقي اثـــــر وبيوت مهـدومه يا عيــــن على البكا ما نتيـــب ملزومه****ذي ســكــة ٍ كـــل خلق الله مشـوا فيها ولدت عيـــوني وشفـت الرجــم بالعالي****يبكي ودمعـه على الاوجــــــان همـالي يقـــول راحـوا وخــلوني هنـــا الحـالي****في غربــــة ٍ شـاب منها راس راعيها واضحت بساتيــــــنهم منهم خـلاويه****يلعي بها البــــــــوم لا هذي ولا ذيه واليـــــــوم مابــه كلاليــف وحـرفيه****الله يستــــــــر مـن الدنيـــــا وتاليها ما باقي الا القميـــــري يسجع لحونه****من سمع صوته تهيض خافي شجونه صحيح الايــــام ابـد ما هيب مامونه****ام البــــلاوي كــفــــــانا الله بلاويها اقفيـــــــت عنها ودمع العين منهلي****طاري طرى لي ذبحني جعله يولي اظني ما عاد امر الدار واحسن لي****ما يبكي العيـــن كود افراق غاليها راقت لي ونثرت دموعي من كلماتها وابيتها الحزينهه💔 لـ../فهـد المـفرج أن شـاء الله تعجبكـم ;) |
إقتباس:
صح لسانك |
يعطيك العافية اختي كبرباء على النقل ارجو كتابة منقول او اسم شاعرها فهد تقبل مروري
|
إقتباس:
صح السان شاعرها تعطرت صفحاتي بمرور شخصك الكريم يعطيك العافية |
إقتباس:
وتسلم ع التنبيه حصل خلل ف الجهاز وتم التعديل.. يعطيك العافيه |
قصيده تكلم عن واقع حقيقي صح السان شاعرها وشكرا على النقل وهاذي حال الدنيا تجمع وتفرق وتضحك وتبكي يالله حسن الخاتمه
|
صح السان شاعرها
سلمتي يالغلا |
إقتباس:
اللهم امين يعطيك العافية |
إقتباس:
ع المرور غلاتي |
الله عليج وعلى الاختيار الحلو ,,
صح ذوقج يارائعه .. يتصفح الموضوع حالياً : 7 (1 عضو و 6 ضيف) منورين _* |
إقتباس:
يعطيك العافية |
الله الله وين جبتي هذه القصيده اللي تذكرنا في منازل الاباء والاجداد والخلان والاصدقاء رحم الله الميت وطال الله عمر الاحيا
وصف القصيده كن عيني تشوفه= مريت بيت وراعي البيت راحي ومن ماتشوف العين جتني حفوفه= بس الجدار وباقي البيت ماحي وهلت دموعي مثل ماطر قنوفه= من مزنتتن ترزم بهاالبرق لاحي وقعت امسح دمعتي في كفوفه= ومن ماتشوف العين زادة جراحي لو ناصف الماضي تروع وصوفه=وين الجموع اللي بكل الضواحي اقفت بهم واللي بعدهم تلوفه= دنيا تعشاء بالمساء والصباحي |
أسعدني تواجدك
أخي ناصر القصيده حزينه لما فيها معاني صح لسانك ع الأبيات الراقيه يعطيك العافيه |
يعطيك العافية ع الإختيار قصيدة مؤثرة للشاعر العذب فهدالمفرج شاعر تمير
شكرا لطرحك |
أسعدني تواجدك
أخي الفاضل الأطلسي يعطيك العافية |
أسعدني تواجدك أخي
الكريم يعطيك العافية |
هذا حال الدنيا ..
عسى الله يرحمنا و يرحم اموات المسلمين .. صح لسان الشاعر وتسلم يدينك عالنقل |
أسعدني تواجدك
أخي عبد العزيز يعطيك العافية |
الله يرحمهم ويغفر لهم
صح لسانك |
اللهم امين
أسعدني مروورك |
| الساعة الآن +4: 05:33 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
