|
ابو صووط هنا في المقدمه السلام عليكم
السلام عليكم ورحمة الله وبركاته
كما يسرني ويسعدني الحضور تلبيتن لدعونكم الكريمه بصفتكم اخواني قبل ان تكونو زملا وهاذي شيم الرجال ولا يفسد الود قضيه اشكر ابو تركي ناصر خنيفر على جهوده المستمر بجمع الاصحاب والاحباب الى البيت الاصلي وهو شبكة بني عبس كما اشكره شكر خاص على الدعوه الصادقه ولاهي غريبه على ابو تركي الوقفات الطيبه وهتمامه المستمر والمثمر في ارضاء الجميع كما اشكر المعزب ابو صالح على وقفاته التي لاتنساء في جميع مايصب في مصلحت القبيله والشبكه والاعضاء على السوى وحل المشاكل العالقه كما اشكر ابو عيسى على كلامه الطيب وحسن استقباله وهذا يدل على تفمه ماكان يسعى اليه ابو صووط والاعضاء الكرام ان كل ماكان عليه الاختلاف كان في مصلحة الجميع وخدمت القبيله والموقع والاترقاء الى الافضل في اعضاء ذو كفاه عاليه وخبره مستمره لكي نرتقي جميعنا ونجعل من هذا القسم مناره لاتنسى ويحتذى بها نعم ياخواني وخواتي الكرام من اداره ومراقبن ومشرفين واعضاء وزوار شرف ها انا اليوم من احدى المتواجدين معكم واللي طلب منكم جميعا بلم الشمل واعطا كل من يستحق العطاء وبذل جهده في خدمة هاذي الشبكه والقبيله حتى لانكون قد ضلمنا احد او قصرنا في حق شخص سوى كان من افراد القبيله اومن خارجها وهذا كل ماكان عليه الاختلاف في السابق ولا اعتقد ان احد يرضى بالابتعاد او ابعاد اى شخص عن الشبكه شبكة الجميع وفي النهايه اشكركم جزيل الشكر على الدعوه الطيبه والقعدان والعشى السنع والله يحييكم بكره على العشاء على شرف ابو تركي وابو محمد سعد الرشيدي والمعزب ابو صالح وابو عيسى وجميع الاخوان المسولين وان شاءلله تكون بداية الخير والعوده للجميع |
عليكم السلام ورحمة الله وبركاته
وهلامليار ولا تكفي فيك ياشاعرنا القدير ابو صووط وعوداتك من أسعد اللحظات ومهما حصل من أختلاف يبقى هدفنا وبيتنا واحد نختلف ونجتمع عليه . أرحب فيك وأدعوا كل الزملاء الشعراء في العودة لمكانهم السابق للعودة للركض في مضمار الشعر من أجل محبي ومتابعي شعر الشبكة . وكما قلنا ونعيد ونكرر الشبكة للجميع وأبوابه مفتوحه لكم . مع الأشارة الى أن المشرفين السابقين بأمكانهم العودة للأشراف متى ماطلب العودة .. ودمتم كما تحبون |
هلا وغلا ابوصوط
اثلجت صدري بعودتك وفرحتي كأنها عيد بوجودك واتمنى جميع شعبنا يرجعون وسلم لي عليهم وخلهم يرجعون جماعه وجزاك الله خير تقبل مروري |
حياك الله يابوصوط في بيتك الثاني بين ربعك واخوانك
وانت واخويانا كلكم عزيزين وغالين والله ان لغيابكم وحشا على اعضاء هذه الشبكه وزوارها ولا ننسى جهودكم ودوركم البارز وقبل كل شي معرفت مثلكم وشرواكم هذا هو المكسب ولا يخلو بيت في هذه الدنيا من اختلاف الراي ولكن زي ماتفضلت خلافات لاتفسد للود قضيه نرحب فيك مره اخرى يابو صوط اشهد انك وافي واصيل ولاهي غريبه عليك كما اطلب منك تقبل دعوة المعزب المطروحه في هذا المنتدى الليله الساعه السابعه نبى نقهويك ونعشيك ونسولف عليك هههههه |
إقتباس:
لاهنت يابو جوري وبيض الله وجهك على المرورك وكلامك الطيب وهاذي الهقوه بكم كما تعودنا منكم العلم الغانم |
إقتباس:
البقاء مليار يامطنوخ عبس بيض الله وجهك على المرور والترحيب اللي يشرح الصدر لاهنت بارك الله فيك والربع ان شاءالله يرجعون وتزين الامور والاداره مايقصرون في مايرضيهم ان شاءالله والسلام يوصل |
إقتباس:
ابقاك الله يامعزبنا الفاضل وانت من وافين الاشبار مهما نقول عنك لانوفيك حقق لاهنت على الترحيب اللي يشرح الصدر |
وعليكم السلام ورحمة الله وبركاته
ياهلا والف هلا بالشاعر المبدع ونحن أخوه مهما اختلافنا في وجهات النظر تبقى القلوب صافيه والنوايا حسنه والدليل على ذلك عودتك بكل رحابة صدر فهلاً وسهلاً وسلمت ودمت بصحه وعافيه |
عليك السلام ورحمة الله وبركاته
حياك منور قسم المحاوره في منتدى عبس اخوك عضو من اعضا هذا المنتدى حياة اسهل |
وعليكم السلام ورحمة الله وبركاته
ياهﻻ وغﻻ ومرحبابك وحياك الله وعودا حميدا سيدي عقبال البقيه أن شاءالله |
ياهلا حياك الله يا ابو صووط
وهذه بادرة خير وعقبال ما نشوف جميع الاخوان وهم في احسن حال |
هلا يابو صوط حياك الله
مرحبا بالصاحب اللي ليا واعد صدق=عد ماتمشي على الارض بالدنيا خطاه للعلوم الطيبه طيب السيره سبق= حاذفن كل العوايق ومايحصل وراه عن تعند من تعند بشيماته فرق= هاكذا علم الوفاه ياصله رجلن بغاه مار انا ودي وياليت ابه واحد لحق= ماقصدي عنتر زمانه عسا يرجع عساه |
إقتباس:
اهلا وسهلا ومليون مرحبا بالشاعر القدير ابو سوط ... اسعد الاوقات واحبها عوده احبا واخوان لهم معزه كبيره بقلوبنا يعلم الله ... وصح اللسان العمده وتستاهل هالقصيده .. |
| الساعة الآن +4: 06:20 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
