سلام مني والسلام ايشاف ولا مايشاف=الي يخبرني يبلغ كل واحد مادرى =

انسج بيوت الشعر يا شاعر وسولف قاف قاف=حتى نوصلها مع الدرب السنع لام القرى=

انت عيونك ما تشوف وفكرتك فيها اختلاف=با الله قلي ويش عندك بعد ذقت الشقرى =

حنا رجال المرجله والطيب ما نبغى اعتراف=ابحث وتلقنا اومرى ونشد وتلقنا اومرى =

ما يجهل الا ناصر الي ضاع في وصط الطواف=الظاهر انه يوم يكتب مايعرف الي قرى =

الله يبارك فيك با الميقاف جعلك ما تخاف =لاصرت في سوق المعاني بين بيع ومشترى =

انتى علومك كلها بين الثقيله والخفاف =اكرب حزامك والتزم ومسك لسان العورى =

انا تجاريبي تكفيني ولا احب الضعاف =ولا انت مدري وش حصلك بعد ما بيتك سرى =

لاتنجرف ويصير في دربك مكان الانجراف =الله وكبر يا شعيب الحمرى والحمرى =

لاتحسبنك محترف من دونها صار اختطاف=يا هل ترا وين الطريق الزين يا للي ماترى=

سبحانه المعبود محيي الارض من بعد الجفاف =ولا انت قلي ويش عندك يا الثعيل الازهرى =

من شددك يم الجبل يوم السنين اللي عجاف =ولارد خصمك عنك غير السيف هذا الابترى =

جهلت كل اللي تبا خذها وكمل ثم واف =هلحين انا وياك با الميقاف ما حنا اخشرى =

يا للي فهمت السالفه وغضيت عن اليل الزفاف=من كبر جرحك ما تحب السالفه لك تذكرى=