ياسلام الله سلام ن مثل لون الجوري = وشرهة الشراي ماتطرق على البياعه

لازم تخضعون للفحص الشديد الدوري = لاجل نبعد كل واحد فيه عيب صناعه

مرحبا ترحيب يرضي لونك الفسفوري=ياصلك بحروف تفعيله بلا سماعه
عارفين لطرقتك ياراعي ن للوري=وقلبت للوري ا تجي دايم ن بشراعه

البقا باللي لفى معه القرار الفوري = مابقى الاينغزعيونك بروس اصباعه

وجهك البارد ماينفع جسمك الاسطوري = لونشب النار ساعه معت قبل الساعه

بالخطا ما ارضي خواطر منك يالمخطوري=ولو بروق الوسم هذي كلها قطاعه
الجبل لو ينطح وش باقي ن يالثوري=وان سلمت من المواجه باقي ن بك الراعه

حلنا للمجلس اللي طلعك دستوري = لاتحط اللي اتبعوك بفكرتك شماعه

كيف بالخيمه تنافس قصري الجمهوري = وانت بيرك من سطر راسك بليا قاعه

ياحمد ماعندك انت منزل معموري=والشجر مالك وماله ياورق نعناعه