قصيدة الشمري ورد الرشيدي
 

قصيدة الشاعر سعود خلف العلياني الشمري الموجهه لشاعر معلقة القبائل الشاعر المعروف يوسف بن فليح الشطنان الرشيدي والشاعران كانا معلمان في حبران من ديار شمر التابع لموقق حائل ولكن الشمري تم نقله الى ديرة سعيدان من ديار شمر التابعه لموقق حائل ايضا وقد وجه الشمري هذه القصيدة للشاعر يوسف بن فليح الرشيدي بعد ان تم نقله وهي على طرق الهجيني



( قصيدة الشمري)
[poem=font="Simplified Arabic,7,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سلام يا يوسف الشطنان=يا صاحبي يا كحيلاني
سلام من خاطرن ولهان=واظن ماجالكم جاني
وين انت يامبدع القيفان=دكتور في كل الاوزاني
ياذيب عبس ادحم الميدان=ماينقصك سيف وحصاني
اشوف لا حامت العقبان=بانت لنا قاصي وداني
هتلر فتح للبشر بيبان=بهذلبها الشعب الالماني
والضربة اللي على اليابان=تحركت منها الاذهاني
واكبر مصيبه على الانسان=لاصار ملحد و علماني
والسلعة اللي مع البدوان=اتقول يا وين عنواني
والبدو تنزل على الوديان=تدبير من رب الاكواني
والحوت يمشي مع الحيتان=ولاعذرب الصغر شيهاني
و مافيه زودن ولا نقصان=واليوم وقتي تحداني
وياراعي النقل يالعمران=حظي على وين وداني
العام في موقف الشوشان=واليوم ممشاي وحداني
مذكور بالخير يا حبران=عسى تساقيك الامزاني
اسلم وسلم على الاخوان=ومنهو سكن حول حبراني
وختامها المسك والريحان=يهدى لذربين الايماني

[/poem]



رد الشاعر يوسف فليح الرشيدي
[poem=font="Simplified Arabic,7,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
أبدا وبسم الله الرحمان=رب البشر عالي الشاني
من هاجسن يرجح الميزان=ومحاورن كل الادياني
يا مرحبا عد نجمن بان=ياصاحبي يالعلياني
ترحيبتن من وسيع بطان=يرضابها كل زعلاني
وطرق الهجيني يبا طربان=يسري على ليح ليحاني
وبرق الحيا منوة العطشان=وسهيل في منزله باني
ياوسمنا اللي على القعدان=مايجهلك مكرم العاني
والخيل ما تجهل الفرسان=افعالها بكل ميداني
والحر تكفخ به الجنحان=والبوم في منزلن داني
والطلقة اللي على النيشان=من بندقن رميها زاني
مافيه نارن بلا دخان=هذا مثل واسأل الجاني
ياصاحبي كان ياما كان=تصريح من ماض الازماني
مرسي مصر حزبه الاخوان=و بلير حزبه بريطاني
والمسلم اللي سكن لبنان=اصبح مع الوقت نصراني
وترى الخميني كبير الضان=اسقطك يا شاه الايراني
والحجة اللي بلا برهان=يا قربها لجر الالحاني
و يابو خلف مكرم الضيفان=اخاف تسلى وتنساني
لا صرت في ديرة سعيدان=سلم على طير حوراني
وصاحبك في ديرة الشجعان=في ديرة الذيب سرحاني
العام خوة مع اهل الشان=واليوم كلن تعداني
وخوتك يا ذيب يا بطران=خوتك تشرى بالاثماني
وخوة رشيدي لنا عنوان=ايقولها فلان وفلاني
لا هان راع الوفا لا هان=لا هان من قلب ولساني
واهل الوفا للخوي مزبان=مزبان من كل قوماني
ولا صرت يابو خلف طنيان=سطوتك بالسيف شاماني
وشمر وعبس الوفا جيران=من قبل توحيد الاوطاني
واختامها والكريم معان=نخزيك يا كل شيطاني
[/poem]
[/poem]
[/poem]
[/poem]

صح الله لسان الشاعرين وبيض الله وجيهم وهذا ماتطلبه حياة الانسان في هذا الزمان

جعل المحبه تجتمع بينها وبين كل مسلم

تحيتي لك اخو طلال

صح الله لسان الشاعرين
وبيض الله وجيهم

صح السان الشاعرين مساجلة قوية ورائعة ولو بعض بيوتها غامض
وخاصة بيوت شاعرنا المبدع يوسف فليح

ياوسمنا اللي على القعدان-------مايجهلك مكرم العاني
0
0
.الطلقة اللي على النيشان----من بندقن رميها زاني
.
.
0مرسي مصر حزبه الاخوان----وبلير حزبه بريطاني
0
0
0ترى الخميني كبير الضان---اسقطك يا شاه الايراني
.
.
المسلم اللي سكن لبنان----اصبح مع الوقت نصراني

ابيات قوية وجزله لها معاني كبيره من شاعرنا المبدع يوسف


و ايضا بيوت الشاعر سعود الشمري


هتلر فتح للبشر بيبان----بهذلبها الشعب الالماني
.
.
.اكبر مصيبه على الانسان----لا صار ملحد وعلماني
.
.
الضربة اللي على اليابان----تحركت منها الاذهاني

الله اعلم وش بين الخوي وخويه ههههههههههه

صح السانكم وبيض الله وجيهكم مساجله جدا رائعه والله يعينكم على الخطوط رايحين جايين ياالمعلمين ههههه

يقول الشمري
يا ذيب عبس ادحم الميدان

اشهد بالله انك جبتها يالشمري( ذيب عبس) صحيح شاعرنا المبدع يوسف فليح الرشيدي فخر لقبيلة بني رشيد ومشرف لها ويكفي معلقة القبائل اللي شرف بني رشيد فيها بين القبائل والى الامام يابو يعقوب


بيت جميل جدا من شاعرنا المبدع يوسف

شمر وعبس الوفا جيران-------من قبل توحيد الاوطاني

وفاء وخوه ترقع الراس ابدع الشمري والرشيدي

صح الشاعرين

مشكور على النقل

صح لسان الشاعران وتحيه خاصه لك اخي طلال شكرا إلي النقل

صح لسان الشاعرين وشكرلاخ طلال بن محمدبن ناهس على النقل

الله يحفظكم واتمنى التوفيق للجميع

صح الله لسان الشاعرين وبيض الله وجيهم

ليش حاطينها في منتدى اخبار القبيله؟؟؟؟

شيلوها لا هنتم ونعم بيوسف الشطناني.

صح السان الشاعرين صوت وصدى في قمة الروعه

الى الامام يابو يعقوب شاعرنا المبدع يوسف بن شطنان شاعر جزل ومبدع دائما لله درك يالذيب

تسلم ع النقل
وصح لسان الشاعريين