|
شقق للايجار بالغزاله ؟؟؟
السلام عليكم ورحمته وبركاته...
حبيت اسألكم عن قطاع الغزاله ..اذا عندكم معرفه بهالشئ.. ابغى ارقام شقق مفروشة ؟؟او سكن خاص للمعلمات؟؟وادا في سواقين يوصلو من الغزالة للقرى ؟؟ ولكم كل الشكر والتقدير... |
ان شاء الله يفيدونك اهل المنطقه
الله يعين |
ياهلآبتس سهام
الغزاله على فكره ترى مو كبيره بالمره وأعتقد شقق مفروشه مافيها >~ الا وحده أو وحدتين مفروشه ويمكن مستأجره >~~ ولكن بتحصلي شقق مو مفروشه ومنازل شعبية >~ هذا اللي اقدر أفيدك فيه >~~~ لآن ولد عمي فر اللين دآخ راسه بيستأجر وماحصل هناك سكن مناسب \\ وموفقه خير |
شكرا (سَنَدْ الدّامَوَكْــ .... مقبول القادم )
انا من فترة كمان بسأل بس مالقيت مع انو بيقولو الغزاله كبيرة وفيها سكن انا ابغى شقق مفروشه وياليت فيها حارس او سكن معلمات ياليت الي عندو معلومه يفيدني وجزاكم الله خير |
الغزاله مو كبيره مررره
ولا اظن بتحصلي بس بسأ ل وردلك |
تسلم أنكسارحلم جزاك الله الف خير .. انا في انتظار ردك
|
سهام شقق مفروشه >~ مارايح تحصلي بالغزاله
لان 80% من المعلمات اللي يدرسن في القرايا ساكنين بحائل وأكثرهم مستأجر بشقق مفروشه هناك لانها تبعد عن الغزاله 90 كيلو تقريبا >~~ وينقلوا مع مؤسسة البلوي لنقل المعلمات وبالتوفيق |
أختي سهام
اتوقع افضل حل هو مع الدوام وفي اليوم الأول تشوفني المعلمات وتتفقي معهن حول السكن / وأيضاً ممكن سؤال مديرة المدرسة ، وأيضاً حارس المدرسة ممكن يكون لديه علم . والله الموفق |
كل عام وانتم بخير ....
جزاكم الله خير ان شاء الله لما يبدا الدوام اسأل واشوف هناك كيف لان الين دحين ماعرفت القريه .... |
يا قلبي حاسه بمعاناتك >>> نفس الحالة بس بمنطقة ثانية ..
إن شاء الله يجي أحد يفيدك .. وربي يكتب لك التوفيق . |
/
والله حتى حنا نسأل عن شقق بالغزالة / الله يكون بالعون |
الله يعين
الين دحين بسأل وبدور بس مالقيت حاجه |
Roh
انتي في الغزاله طلع توجيهك ؟؟؟ ادا حابه ياعسل عندي قروب على الواتس اب فيه تقريبا 10 بنات الين دحين كلنا مع بعض في الغزاله اد حابه اضيفك ارسليلي رقمك على الخاص وان شاء الله نفيد ونستفيد..... |
كل عام والجميع بالف خير
بالنسبه للغزاله محافظة تتبع لها مدن وقرى كثيره وممكن توجيهك للقرى او المدن وكثير منها بعيد عن المحافظه اذا تحدد موقع التعيين أخبرينا لنفيدك بأقرب وافضل مكان للسكن وبالنسبه للسكن بالغزاله انا ابحث عن شقه لصديق بس اثناء الدوام الرسمي من 7/10 وافيدكم أن شاء الله اذا حصلت شقق وفقكم الله |
جزاك الله خير اخوي صقـــر الشرقيه وان شاء الله ربنا يسهلها ...
|
إقتباس:
/ تسلمين ندور لأختي توجيه بالغزاله بعد |
..،
أهلاً سـِهام حياكِ .. أنا معك كذلك .., بإنتظار أحــد يفيدنا من الأعضاء .,, أتمنى أن لاتبخلوا عليّنا فـَ فيكم جميعاً نتوسم الخير بإذن الله .., طِبتُم .. |
إقتباس:
.., وَ أنت بخير .., كلامك صحيح هناك الكثير من القرى تتبع للغزالة .., لكن يــّا حبــذا لو تفيدنا أخ صقر قبل الدوامات .., شكري وَ جُلّ إمتناني لكَ .., |
صـــــــــــح كلام عقيدالمدرهمات
|
السلام عليكم
متااخرين شكلنا معكم الموهيم اي معلومات عن الغزاله او قرى الغزاله حاضرين لكم لاني اعرف الغزاله من احسن المعرفه واعرف كل القرى التابعه لها لكم حبي |
في البداية أهلا وسهلا بك أخت سهام
أما بخصوص طرحك من جهة محافظة الغزالة أن محافظة الغزالة محافظة يقطنها 5000 ألاف شخص وهي تحت الأعمار في البنيان والطرق طبعا هي ألان في نهوض كبير وملحوظ من الناحية العمرانية لوجود انجازات وتطوير تقوم بها الجهة الإدارية ممثلة ببلدية المحافظة إما من ناحية السكن للمعلمات لا يوجد هناك سكن للمعلمات وبخصوص الشقق فهي نادرة ومزدحمة ويقطنها موظفو الشركات العاملة تحت إنشاء المحافظة كما يسكنها موظفو القطاعات الحكومية طبعا هم اغلبهم أجانب أما بخصوص المشاوير يوجد هناك بعض من يمتهنون هذة المهنة ولكن داخل المحافظة وبا النسبة للمحافظة ألان نادر ما يوجد سكن كما ليخفا علي الجميع محافظة الغزالة ألان تتطور خاصة بعد ظهور بعض المخططات ونهوض عمراني ملحوظ وتوجه رجال الإعمال إليها ومع افتتاح فرع جامعة في شهر شعبان القادم كما الكلية وغيرها من المشاريع كا التدريب المهني تحت الإنشاء ومبني البلدية الجديد والمميز من ناحية التصميم وزيادة الخدمات ونحن في تطور مستمر وقد قدرت للمحافظة ميزانية جيدة جدا كما أن محافظة الغزالة يوجد بها أسكان المـلك عبد الله التنموي وهي 280 وحدة سكنيه ويوجد بها معلمات قاموا في استئجار وحدات سكنية قريبة من المدارس المكلفون بها ولكن إذا ارتم أن أخدمكم فا أنا في الخدمة |
| الساعة الآن +4: 02:37 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
