ليَّه على الطيب حقوق ومشاريه =وألا الردي ما ني عليه أتشره
الطيَّب أعزه وأقدره وأغليه =أما الردي ماني بحبذ ممره
صديقي اللي لا تضايقت أناديه =يفزع لو إنه ساكنٍ وسط حره
يا بِعد رمعاته ومطيب هقاويه =يا كثر خيراته ويا قلْ شره
وأنا ليا منه زهمني أباجيه =أجيه لو بانت علي المضره
أما طلعت أطيب منه أو بجاريه= فالطيب لين العلم يا صل مقره
أبيع عمري بيع لرضاه وأشريه=ويبشر ليا جا ينتخي بالمسره
يا ذ الزمان اللي نشوف العجب فيه =كله عجب من حد بحره لبره
عزي لمن مثلي يلدْ النظر فيه =الله يا هرج الأوادم محره
لو ما يسوي شيء قالوا يسويه =شفناه شوف العين وألا بجره
والناس عيت كل شيء تخليه=النايم اللي في فراشه تجره
يقطع سنين الحب وسنين طاريه =مانا شنا ألا من وراه المضره
واليوم علمٍ مني وملحته فيه =سكرت باب الحب تسكير مره

اقتباس من مشاركة ابوعالي الرشيدي (المشاركة 99395) لاهنت على نقلك المميز ودايماً متميز بمواضيعك

اقتباس من مشاركة معتاد بن نميش (المشاركة 101319) صح لسانك ولسان الشاعر ويعطيك الف عافيه على النقل الجميل للقصيد الاجمل

اقتباس من مشاركة سعد البويدي (المشاركة 101293) اخوي سلطان العايضي صح اللسان شاعرسداح بن راشد السبيعي ولاهنت على هالقصيده الرائعه ولك تحياتي