|
وين شعار عبس الليل
سلام ردية وفا ياعبس بيضان الوجيه ... رديتن مني على بيض الوجيه اموجهه
لقيت مشروع الدواجن بس لسيد فقيه ... وفقيه مدري بالدواجن منهو الي فقهه |
وين الشعااااار
|
يامــــرحــبـــا لون هذا الشطر ماهو للجنيه = والله يــبــارك فـــي زعـــيم الــشعر لانه نبهه
ماهو مهم بضاعة المعتوه وافكار السفيه = ترى المهم البيت محفوظ ن من جنود ابرهه |
الله الله
دام البقا ون جاك راع البيت سلملي عليه ... ياصاحبن يبقى الرفاهه والزمن مارفهه لاتنكر المنتوج وانته كل يومن تشتريه ... والوقت هذا بلش العقال كثر امسفهه |
يازعيييم الشواعير جنيه الذهب يقصد (الرشيدي للدواجن الوطنيه ) ههه
لا تروح بعيد عاشوووووووووووووو ماني متابع عندي ضيوووف |
وين غديت يازعيم
الليل الليل |
يوم ارتكبت الغلطه اللي تزعل العقال ليه = امـــا فقدت الموهبه والا البيوت مشوهه
بضاعة ن مايشتريها راعي العقل النبيه = يالبايه اللي حظه بتالي زمانه بوهه ههههه |
ابوتوتو مادريت عن هالمعلومه الا منك هههههههههه
|
انته دخلك الشك وجنيه الذهب قصده نزيه ... وانا منزه عن كلامك والبيوت منزهه
هذا مرده واخسارة نص ساعه نحتريه ... لكن طبع البهبهاني مايكب البهبهه |
اقف احترام لشعر العذب والمتابعه من حيث المعنى بصدر البيت وبعجزه وجدت هنا المتابعه اللصيقه من الشاعرين والرد المحفوف من شطر الند لا انكر ان البعض قد يسوي بيته قبل ان يشوف رد خصمه بحجة انه يكون سريع من قبل المتفرجين وهذا خطاء واضح وأستنتجته من بعض المحاورات ولكن هذه المحاوره متناسقه ميه بالميه وفتل ونقض رائع جدآ وأشكر شاعريها جزيل الشكر والتقدير |
إقتباس:
والله اني عارف انك نزيه بس من كثر مقالب الشباب يحسبون الكل يسوي مقالب ههه عاشووووووووووو الان متابع |
حياك الله ياعنتر زمانه
ومشكووور على الاشاده |
الخير مقدم للعرب جالك مدامنك تبيه = حبيت انوه لوبيوت الشعر جتك منوهه
البيت هذا خارج الموضوع هات اللي يليه = لوالعرب جاتك تعزي ماتكب الكهكهه |
مرحبا بك يابوتوتو
والناس تلتمس من اي كلمه ههههههههه |
حياك الله ياعنتر زمانه نورت الصفحه طال عمرك
|
سررررى اللللللللليل
عاشووووووووووووووو |
الخير في وجهك لونك بالعرب مالك شبيه ... يالي تموه بالبيوت اخذ البيوت اموهه
يكفيك الاول لكن الثاني تراني محتسيه ... لكن ياليتك تخلي نوم عينك سهسهه |
ههههههههه ابوتوتو اخبارك خل الرجال يحكر بيته وعلمني بجديدك
|
لاقل عدك قلتلك دور لعد ن ترتويه = بين الجهات الاربعه تبى تحصلك جهه هههههههه
احسن من انك تارد البحر الحمر وتضيع فيه = انته تهقوى في لسانك والرجال مفوهه جنيه الذهب اشكرك من اعماق قلبي ههههههه على هالطاروق الممتع وتصبح بالف خير ابروح انام |
هداج تيما ماشكى قل الموارد من يجيه ... وانته مضيع بالجهات وضاربلك مهمهه
البحر فيه الحوت ولا الضلع ذيبه محتميه... وانته ليا منك سمعت اعواه قلت اهه اهه هههههههههه |
يالربع ماحد عين زعيم الشواعير
خرج ولم يعد من امس وبدون سلام ولاكلام ههههه |
محاوره رائعه
سلمتوا كلكم |
انا استاذنت منك يابو الشباب والاتحاد والنصر والاهلي
وطلعت الله يصلحك ياجنيه الذهب والطاروق معك كان ممتع بكل صراحه |
| الساعة الآن +4: 11:55 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
