انا ليا مني تركتك لعذال=ابيك يالعاذل تحس بشعوره
بيني وبينك قصة أكتاب لا زال=نص البشر يقرون روعة سطوره

نوحي على الدوح يالورقى وبكيني=حتى على أبكاي أدور لي طرف سبه
الي معنيتس يالورقى معنيني=حنا خشرى بالعنى والجرح وش طبه
لكن بعد يوم والاّ ثنين تنسيني=وأنا بصدري سنين النار مشتبه
لكن ِ رفقتس أبيها يوم تكفيني=مامنتس منقود أهل الدمع وأصبه
وأهل الشماته عساهم لشمتو فيني=تشتالهم ريح من هبه ليا الهبه
لو راعي الخرس لد ألهم طرف عيني=ما كان لامو صخيف القلب في حبه

قصيدي كنه الحسنا.. من الخفرات .. والرعبوب=طويلة عنق .. والاهداب سودٍ عكش .. وميّيته
ألبسها جلال العف .. وطرقّها بزين سلوب=وعرضّها .. على الحشمه .. وراق الطيب من صيته

يا اهل المحبه والمحبه من الله=من بينكم كم واحد ٍ ماحصلي

الجوهره يا صاحبي ماهي بتاع=الكل يوم الكل كل ٍ خسرها
ماني على ريع الندامه يا فزاع=مدور الورده وريحة زهرها
وماني على شوف الحبيبه بقطاع=ادور الزينه واجنب كدرها
والله يا لولا قولت الناس طماع=اني لجيب الغاليه واحصرها
لكن طبع الناس به عدة اطباع=والغل فج كبودها مع سحرها

انا على طرد البنيات تايب=والله رماني في عذاب ( البنيه ) هههه

وأليا كتبت البيت .. وافي ومليان=يدمغ عقول أهل العقول .. البليده