اقتباس من مشاركة االعويمري (المشاركة 2651691) ياريس ان طحت محدن قومك من زحمة الناس=وان جبتها قلت من طيب العلوم ومن رواها يابو اربعه روس بعد ايام ماعندك ولا راس=ولاعاد يمديك تجمعها وترفع مستواها

مايطيح غير الضعيف اللي بلا قوه ولا باس= ودنياك ياصاحبي لابد ماتطحن رحاها

وانت ابو راسين ياراع العلوم اخماس وسداس=تبطي على جمتك مارويت نفسك من ظماها

اقتباس من مشاركة الر ئيس (المشاركة 2651740) مايطيح غير الضعيف اللي بلا قوه ولا باس= ودنياك ياصاحبي لابد ماتطحن رحاها وانت ابو راسين ياراع العلوم اخماس وسداس=تبطي على جمتك مارويت نفسك من ظماها

اقتباس من مشاركة االعويمري (المشاركة 2651773) مال البنا لازمه لاصرت ماتبني علي ساس=ماشال هم العجوز ام العيال الا ظناها عزالله ان الوضع ياصاحبي حساس حساس=الاالحميه تسوق اهل الحميه في عصاها

مانختلف يالمهندس للبيوت اقياس وقياس=لكن حافظ على الخزنه ولاتكشف غطاها


منته مكلف بهم الناس وانت براسك عماس= دون البلاوي عساك تشيل حملتك بغثاها

اقتباس من مشاركة مصفي المرح (المشاركة 2651857) سلام عليكم اعذروني والله على طول فتحت موضوع .. مادريت أن فيه احد يلعب

اقتباس من مشاركة االعويمري (المشاركة 2651867) ترعد وتبرق علي حي النسيم وشارع انكاس=بكره تبي فوقهم دهم المزون تهل ماها امست غصونك خضر مير اصبحت جرد ويباس=كحلك لبعض العيون الصاحيه سبب عماها

اليا رعدت وبرقت خلك مع اللي راح عساس =يمكن يعجبك ربيع النفس ويذعذع هواها

تبا تطق الجرس لاكان تجهل طق الاجراس= عينك من الكحل ياراع العماء نلقاء دواها

اقتباس من مشاركة شاعر الصعاليك (المشاركة 2651895) سلام عليكم ياهل الطواريق وصحت ابدانكم جميعا

المحاورة الرئعه بس للاسف ماكنت موجود=اقل شي امسسسسسسسك الصف