|
شاعر الشمل يجري سلسلة من التحقيقات مع وضاح اليمن تابعونا
كما هو بالعنوان .........سوف يستمر التحقيق مع وضاح اسمع يا وضاح اليمن!!!!! أزهمو وضاح أبيه بسالفه سرية=صوتها فج الضلوع وسقوها بقراها طشت فراش العتب في معطف الشبرية=عين تشربها ضما وأخرى تشف رضاها خطها بأرض العرب باللهجة العبرية=وأعتبرها من تراث المنطقة وأقراها لو نشد وش في عقول العالم العصرية=عن سراحين السباع اللي جر عواها ماتجرا يختبر له قنبله ذريه=بين طوفان الملا اللي مايشاف أقصاها حجته بالمؤتمر td منتهى الحرية=يكشف ستار الأمور بزمها واعراها اللي عنده قدره ينسقها مشكور |
ابك انت وش تقول انت تكلم عربي لك حق ان وضاح عرف وش اللي قلت |
إقتباس:
حياك الله يالزعيم غريبة ما تدري وش اقول يجي وضاح وتشوف وش يقول |
ازهمو وضاح ابيه بسالفه سريه = صوتها فج الضلوع وسقوها بقْرِاها طشت افراش العتب في معطف الشبريه = عين تشربها ضما واخرى تشف ارضاها خطها بارض العرب باللهجه العبريه = واعتبرها من تراث المنطقه! واقراها لونشد وش في عقول العالم العصريه = عن سراحين السباع اللي تجر اعواها ما تجرا يختبر له قنبله ذريه = بين طوفان الملا اللي ما يشاف اقصاها حجته بالمؤتمر في منتهى الحريه = يكشف استار الامور بزمها واعراها هذا تنسيق بسيط وسامحني بس على شانها بالزيدي صح لسانك |
ماغريب الاالشيطان ياخوك والله لاتلومني نشوف رد وضاح |
إقتباس:
ما قصرت يابو توتو والله اني مالوم العمدة يوم يرتفع ضغطه من اسمك هههههههههه ترا الدعوى مزووح سامحني |
إقتباس:
لا محشوم يالزعيم بس ما انت رائق |
شاعر الشمل تكفى ابطلبك بطاروق والعب معي ابتعلم منك |
الضاهر اني ابضمك مع الشايب والزيدي ههههههههه
هذا ونا تعبان وانسق وبعدين وش دراك عن السالفه كذالك كاتب بعد داري الضاهر مايستخبا شي يهبوووووووو الله يسعدك مزاعلينك مقاطعه حتى مواضيع ماراح ندخله |
أزهمو وضاح أبيه بسالفه سرية=صوتها فج الضلوع وسقوها بقراها طشت فراش العتب في معطف الشبرية=عين تشربها ضما وأخرى تشف رضاها خطها بأرض العرب باللهجة العبرية=وأعتبرها من تراث المنطقة وأقراها لو نشد وش في عقول العالم العصرية=عن سراحين السباع اللي جر عواها ماتجرا يختبر له قنبله ذريه=بين طوفان الملا اللي مايشاف أقصاها حجته بالمؤتمر منتهى الحرية=يكشف ستار الأمور بزمها واعراها هذا التنسيق اللي الله قدرني عليه |
دندني بجــــنــيـه ما هي سـالفــة ربية ..................يا قريحـــة شاعــــــــرن للنايفة ضراها شاعر الشمل اجتذب لب العقـول الحية ..................مير ليته يوم نـــــــصّاها عرف منصـاها هيه يا متعب ركابــــــك مع فضـاء البرية .................طيع شـــــــوري لا تعذبها تهير أعضاها سالفة فيها من حروف المعـاني نيـــــة ................لا تشكويها على اللي ما عرف شكواها هتــلر النــــازي يسـمي دولــته نازيـــة ................لكن إنه عن جيـــــوش الروس ما ذراها شايبن ترقـــــــل حنوكه والاسـم عارية ................لو يــــــداويها يـــداويها الـــدوا من داها |
الله اكبر كيف صار العلم في جديه = اخبر أن السالفه ماهو بعيد اقصاها اخر الايام تلقى السالفة مقفيه = الرجال احيان تمشط للحضيض الحاها سالفة مرت وراحت مير جت عبريه = تقلب الميثاق وتسوق الخطاء لرضاها أثركم من جوعكم ماتكرهون النيه = والنجيضه كلكم ماتاكلون اشواها ماعرفنا جرت السارق من المريه = لين عاد الجرته ياطا على ماطاها بعد ماقرءي الكتاب وطاحت السريه = عودو ماعاد ابه بير ن خفي اغطاها والحقيقة مثل شمس الظهر برى الفيه = بحلق بعينك تشوف الشمس في مرساها |
صحت السنتكم شعار مابكم حيله وننتظر وضاح وعصابته الموقره ههههههههههه
|
ههههههههههههههههههههههههههه
كبير كبير ياشاعر الشمل صح لسانك مليار ولاتوفي بصراحه شاعر عالمي ومبدع بصراحه وضاح هو اللى جنى على نفسه يوم فجر القنبله وهو بصدد تفجير قنبله اخرى الله يستر لاتكون من الضحياء |
الله أكبر هذا العلم اللي نبيه
قصيدة شاعر الشمل القنبله ومجاراتها صحت السنتكم تستاهل ختم التميّز |
إقتباس:
الزيدي اعتذر واستلم الرد المتواضع من ريس الفريق لاتنادي جيت كلي كوفه وصدريه= والقديمي في يميني جاهزن لعداها العتب حرق علاك الطبخه البريه= اطبخت دلتك منا لان خلص ماها والوفا من جدي الاول ماهو عاريه= ناخذ الجزله وعكس الطيبه ننفاها يوم غنت في عصون السدره القمريه=صوتها محزن علانا مابغيت غناها وانت جيت ومرحبا نقول يالله حيه= في بلادن من دخلها وراح مايشناها وكان ماصدنا الهدف نرجوك وضح ليه=انت شاعر شمل تعرف بعدها ودناها والنهايه مرحباشرفتنا بالجيه=انت واللي ديرته يوم امحلت خلاها ههههههه |
إقتباس:
صح لسانك يابو تركي بس انت مدافع عن اليماني وإلا مع الشمل إلا علومك واخبارك مبطين عنك ومشتاقين لك طال عمرك يالأمير ترى الربيع وصل بإذن الله وايش رايك نعزمك بالصمان |
إقتباس:
|
ابداع غير مستغرب من شاعر الشمل والشاعر الكبير ابو تركي
اعتقد شاعر الشمل حاول يخفي المعنى في قصيدته ونجح في ذلك اعجبني كثيرا رد العمده واعتقد ان التحقيق سوف يستمر ختاماً اعجبني هذا البيت من قصيدة ابو تركي لسبب خاص والنهايه مرحبا شرفتنا بالجيه ......... انت واللي ديرته يوم امحلت خلاها |
صحت ألسنتكم شعار
شاعر الشمل & العمده & على هونك |
إقتباس:
بهاوي نجد الشاعر القدير , مرحبا في محلك الثاني هههههههه ومثل ماقال شيخنا هههههههه |
إقتباس:
مكسبي من جملة الموضوع هالرديه=لو على الدرب الطويل الرجل امد اخطاها انت يالقلزم ذكرت الوصفه السحريه=مار امر امن الشري عندي مذاق احلاها لانها عفرا خيال ومهرة ٍ عفويه=لاعبت نفح البراد وباعد امعشاها عانقت جول القطا بالنقره الوسميه=واقصرن عوص النجايب ملحقن مفلاها هب يالجرح الدفين اللي عليه الكيه=عالجوك البدو بحدث طبها وادواها لو صبرت اشوي جاك البرمكي و وخيه=واشرقت شمس الضحى للناس بمحياها تابعونا |
إقتباس:
|
يا سلاااااااااااااام
يا سلااااااااااااااام إيه هذا العلم وأنا القلزم هههههههه أقف هنا إجلالا واحتراماً لهذا اللابداع الذي لا يجاريه أي ابداع لم تكن نظرتي في غير محلها شاعر شمل وبجدارة وأن كان هناك أعظم من شاعر الشمل فهو أنت والعظيم الله سبحانه كما أتمنى من المراقب كاتب تنسيق قصيدتي لني عجزت عن تنسيقها |
صحت ألسنتكم شعار شاعرالشمل & العمده & على هونك &القلزم... |
صحت السنتكم
لكن علي هونك انت علامك زعلان والا يعني الزين عندكم والشين حواليكم والا شنو يشن الي يحرج علي نفسه هههههههههههه |
قصايد رائعه وشعراء اروع
|
السلام عليك ياشاعر شمل ومساك الله بالخير
ممكن نتعلم منك لو سمحت ياشاعر الشمل لو لحيتك محسونه = قلت الك بالله يابو سيف طولها ولو ان السرار ماهي معك مضمونه = ماجيت ادور علومك يامقللها |
إقتباس:
حي الله ابو تركي شرفت ارحب بهاوي نجد مراحب ياهوي نجد شرفت طيب طيب يالعمدة البقا بالشاعر اللي نفخر بطاريّــــه=شاعر ٍ لاشيّد ابيوت الشعر علاّها طالما ودك دعاك لدرب ابو حدريه=جاوب انصوص الكتاب اللي عليك اقراها نص واحد ماعدا (الاقامة الجبريه)=توّجه رجل ٍ ليا من جابها وداها واشرح الحرف الاخير من الحنش والحيه=واشطب اوسط حرف اول حرف من مبداها واقنع الجمهور باثنا العرضه النجديه=لايشيل العرضه ألا من عرف معناها وان بلشت اطلب تجيك الفرقه المريه=لاتثوّر بندقك ياشيخنا بخباها تابعوووووووووووووووووووووووووووووووووووووناااااااا اااااااااااااا |
صحت السنتكم جميع
وليلك لليل ومعازيبك عرادات ههههههههههه ومرحبا 1000000 بــ عنترررررررررررر زمانه |
إقتباس:
|
قصائد تستحق الاشاده والوقوف امامها
هنا وجدت شعر لا يستغرب على أصحابه وترليون مرحبا بالكايد عريب المضاريب |
والله اني يوم قريت القصايد تذكرت محمد ابن الذيب اللي يطري عليه يجيبه هههههههههه
|
| الساعة الآن +4: 11:52 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
