|
ظنون : و ( اشياء طاحـت ) !
. . أحيان صدري : من نظر عيني يضيق واحيان : لا والله .. من اللي اسمعه ! مدري أنا اللي ( غير ) واحساسي رقيق والا صدور الناس [ مافيـها سعه ] ..! لـ اشياءهم ! |
. . فقدتك : و آهـ ياشين الحنين .. ونظرة اللوّام متى ماجت على مشهى الزمان وطيّحت قدري كثر ما اتخيّلك ، تسحب يدي : وتضمّها وتنام كثر ماودّي اهرب من جحيم الذاكره لـ مدري ! |
. . يا انا ياهذا الشِّعر ياهذا السكوت إمّا اسكنيني أو خذيني وارجعي ازدحمْوا الغيّاب في صدري بـموت وأنتِ معي في وحدتي؟ ما انتي معي! والريح تشهق في شبابيك البيوت وتنهيدة ٍ تَعوي ورَى حـْدب أضلعي حبيبتي والحلم قدّامي يفوت إمّا اسكني قلب الحنين أو اطلعي هذا قصيدي في يدينك غصن توت وكل المطر، كل المطر تحت أصبعي! |
. . تمرّني : مثل الاماني و ( اغنّيك ) . . . . . . . . . نبضٍ يسولف لـ العتيم : انكسـاري ! |
. . اصدق الشوق ( شوقٍ مرتبك ) يشرح الصدر .. ويعقد اللسان ! يمنحك فرح : لكن .. يسلبـك [ شي ودّك تقوله من زماان ] ! |
. . والفقـد يتعـرج علـى طيـن وسمـا .............. تتلحف القهـوة مـن البـرد اليديـن رميت صوتـي لانـي اشعـر بالظمـا ............. غنيت ليـن المغفـرة "لـو تسمعيـن" الذاكــرة : ظــل الزمــان../ وكلـمـا ............. لفحنــي البــعــد اتفـيــا بـالحنــيــن سويت لي عصفور بـال مـن الومـا ............. "ياطير ياطايـر" كـذا شكلـك حزيـن الحزن وجه البـرد.. والبـرد العمـى .............. والدرب عتمـة وآخـرة قنديــل تيـن والقرية بيوت الحجـر "لـوز الحمـى" .............. ياغنايـة الطيـش وبيـــاض الغافليـن جيتـك معـا الغيـم وتراتيـل الدمـا .............. واحتجت وجد أكثر من الوجـد اللعيـن الغفله اللي خلـف هالساعـات .. مـا ............. و الساعه اللي خلفها الأبـواب طيـن والليل ماهو جفنـي اللـي ماهمـا..!! .............. سجـادة الحبـر وصـــلاة الغايبـيـن طفل الخشوع اللي على اوراقـي نمـا .............. ملامحـه أكبـر كثيـر مـن السنيـن و"ياطيـر ياطايـر" إذا مالـك سـمـا .............. "مافيـك تحكـي" والحبايـب راحليـن "لو فيك تحكـي للحبايـب" كـان مـا .............."غنيت ع اطراف الدني"(( لو تسمعين)) |
. . || .. الليل صمت وخاطر البوح مرتاب ............. كنّ الكـلام يخاف يلمس جروحي من كثر مـا غنيت لليـل غيّاب ............. احتجت ألاقي في المواويل روحي |
. . سما .. خوف الكلام اللي جرح هذا الحديث أنفـاس ......................... بقايا الصوت من ضيقة عتـاب و غيبة أحبابي سؤالٍ كـل مـا يطري يطير من الجفون نـعـاس ......................... من اللي قبل ما يرحل ترك فقده على بـابي ؟! |
. . صحى صبح الفراق \.. ولا تريّقته : ...... سوى نبض ٍ.. تجمّل في شراييني تسلل ..وسط شبّاكي..\ وسابقته ......ارّتب غربتي.. \.. ووجيه غاليني كأنه حلم ..\ ماطقته ..ولا فقته! ...... ولا كسّر نعاس الدرب ...في عيني ولو إنه ..إذا مد النوى.. طقته ..... يغنّي العشب .. ل اسراب التعب فيني ! ولكنّ البلد ...من يوم.. فارقته ......يخبّي .. ريحة الغالين .. ب ايديني ! يذر الجرح ..نسناسه..\ واروقته : ...... ترش الحُب .\. .وتشرّ المحبيني ../ لمست الخوف \طمّنته \.وصادقته ......على حفنة جسد .... ماعاد يعنيني عرفته.. ساكن ٍ فيني ..وعلقته .....يشاورني.. على ماخلّت ..سنيني تقول أمي ..محد يرضا على وقته .....وانا ب وقتي رضيت..\ولارضى فيني ! تدلّى من زمن ..للحين ماذقته : ......سوى منفى شعور ...ودمع غاليني |
. . وحدي ... وحدي .. وانا ! مايبقى للشارع مكان , غيري ويابس خطوتي تحت المطر , تبقى الرياح .. ونور المصابيح الحزين. وهذي الليالي تمرّنا ! ما كنّنا .. رفقة تشاركنا الحياة ! ما كنّنا , أوقات نحضن همّنا ما كنّنا ! يا ظلّي الواقف .. تعال مابه تعب .. مات الكلام ! وحدي .. وانا ! يبقى المكان / الإنتظار / اسراب ليل الأرصفة جفّت زوايا الشارع المُمطر .. وبردت قهوتي حتّى المسافة بين ظلّي , والوقوف صارت خصام !! جفّ العمر .. وبقيت وحدي في المكان .. |
من يجمع الغيـم بيدينـه ويسقينـي ............ واصب عيني لعينه واحطـب اهدابـي من ياخذ النوم من جفني ويسرينـي ........... ويعلق الصبح قبل اصحى على بابي!! تعبت اوطّن بقلبي شخـص ينفينـي ........... تعبت اهجّر حمامِ حـب محرابـي !! تعبت اقطّف حروفي مـن بساتينـي ............ والناس تعجب وانا مانلت اعجابي !! يا اول الحـب وينـك او انـا وينـي ........... تغيب عني كأنـك تعلـن اغيابـي !! اعد عمري الحقيقي واحسب سنينـي ............ لقيت عمري معك ما جاوز اتعابي !! طلبت قلبي وقلت ابشر ومن عينـي ............. واعطيتك اللي تبيه وقلت بسبابـي : يبذربي الحب من صغـره ويجنينـي ............... الين شفتك زرعت الموت بترابـي !! حريتي معك ! لكن عطنـي ايدينـي .............. اخفي بها حزن متسلطن بهدابـي !! محتاج انـام ودخيلـك لا تصحينـي ............... الا على انفاسك اللي تشبـه اطيابـي |
. . الصمت تنهيدة المجروح قبل الكلام بعضه رضا ! واغلبه تفكير ما له مدى من يتقنه يستريح من العتب والملام مادام نصف الكلام اللي نقوله سدى |
. . وينك؟ معاك ايامي البيض.. وينك؟ ما صرت اميَّز خطوتيني من الخوف! يا دلني.. وامسك يدي في يدينك... أو كرّم عيوني بشوفك.. اباشوف! |
. . الكتابة حـلـم و الواقع صعب .............. ودي أكتب شي في صدري و أنام من زمان الغصن يملاني العتب .............. لين ما باقي غصون و لا حمـام يا عروق الريح حنجرتي قصب ............... نـاي الأيام و مواويل الظـلام ودي أكتب بعض حزني ما انكتب ................. إن لقيت الحزن ضيّعت الكلام |
.
. صاحبك : مكسورةٍ " درفة " مُخيّلته ! . . . . . . ويطير من شرفته مليون [ خاطر حزين ] |
هالليل : لمّة عاشقين ، وأغاني ............. وآمآل ... ترقى للسما ... في سكينه ووجه الطريق إيذمّ سُمر المباني ............. تاهت مع الظلمه ... خُطى عابرينه ؟ قلت أعبر حدود الشقا / للأماني ............. وأقطف لها من بهجتي ... ياسمينه ! كنت الفقير .. المغتني بالمعاني ............. طفلٍ غرس في روض شكّه | يقينه ! هذا البلد : نورس حزين ومواني ............. فيه الغلابى ... يحتسون ... الغبينه ! ماقسى من إنك لجل عينه | تعاني ............. غير الغرق وأقصى طموحك ( سفينه ) يابن الغياب إللي يدكّ .. المحاني ............. كم قلت : برد الشوق ... ديني ودينه عطني من سنين المحبه .. ثواني ............. البعد جوع ... وقوت صبري عجينه ! شفني حديث الناس قاصي وداني ............. شاعر : نسى يطفي ... سجاير حنينه ! قلبه دلو واضلاع صدره | سواني ............. وجروحه الما ... والنخل رمش عينه ! لو قيل جاني قول : من صار جاني ............. هي : سطوة الدنيا / رحيلك / سنينه ؟ بعدك وحيد وغصن بلواي .. داني ............. ضميان عطف ... وصدّة الغيم شينه ! طل الشتا ولاجيتني ... وطل ثاني ............. وانا اخفي اوراق الأمل في [ خزينه ] ! لا الصبح قادر ياخذك لي عشاني ............. ولا الدرب لك : بستان من قمح وطينه قلي : إذا مني [ برودك ] خذاني .. ............. كيف الدفى يطرق ... بيوت المدينه ؟ * |
قبل ترحل عن أيامي بقلبٍ عظيم .................. لحّف العمر يَ عمري دفا معطفك وطفّ نور الدروب اللي تشّب العتيم .................. وأقتل الدمع ! بعيونٍ رضت تذرفك سامح الله ! خفّاقي وذنبٍ قديم .................... قبل أمنّي عيوني بالفرح وأقطفك ما ذخرتك لْـ صوتٍ بالأماني عقيم ..................... ولاَعتقتك لْـ صدرٍ للتعَب يجرفك نظرتي قبل أفجّ الشوف وأكبر وأهيم .................. كبّرتني ب عين الناس قبل أسرفك ونظرتي يوم ملّ الصبر، صبر الحليم .................. علّمتني وش ايامي بدون أحرفك أنت جرحٍ يعرّي للضلوع النسيم .................... كل ماهبّ طاري بالعمر يعرفك مبطي العمر يلمحني بنظرة يتيم .................. ومبطي الصبر يغري بالحزن مُرهفك |
|
اشتقت لك : ماهي مثل كل مره ..
______ هالمره اكبر من سهر ليل / وجروح |
طلبت نفس القهوه اللي تحبين
ورشفة ذكرى احلامنا والاماني وعشان احس انك معي لين هالحين حطيت باقصى الطاوله كوب ثاني |
. . يساورني يقينك للوله واتسللك من عين وأنا اللي : من كتب نزف الغياب وْ ما عرف يقرا تلمّين التعب بين الوجيه وْ زفرة التدخين تذرّين الغضب نظرة حنين بسمةٍ صفرا تضمّين السهر تحت الجفون وْ يشرق النسرين يغرّد ورْد خدينك عطور آهاتها نثرا يبللك الملل , ويجففك هـ اليأس تحت الطين وينبتك الأمل صبّار عاف رْمال هـ الصحرا تسّيرك الشكوك وْ تخْذلك سلهامة التخمين ويلْبسك الغياب / يْـطل بين عيونك الخدرا تعدّتك الشوارع , والمطر يبكي معاكِ بـْ لين اخذ دور الدموع , وساب لك هـ النظرة الحسرا هدوئك ما رضا يرضخ , ولو فكّ الألم بابين تمرّ الآه بين أسوار صدرك موقده / حمرا شموخك يقسم الحيرة , مثل ما يقسمك شطرين : سواد القهوة بـْ كوب السكون وْ رهبة المسرى ويعسفك الشعور بْـ رغبة التدخين والكافين وتُسْجن فـ المدى نظرة تقود أحلامك العذرا تمدين الخطاوي للضياع وْ تنثني الرجلين و ياخذك التردد بْـ ارتباك / وْ حالتك تزرا وترمين القهر للكرسي المخمل ولا تحيين وتتلعثم عيونك بين سقف وْ ولهفة القمرا تعالي من وجيه العابرين وْ فكري تغفين كراسي هـ الـ [ cafe ] خرسا وفي آذانها وقرا ومرّي بين أطراف الحياة بْـ عطرك المسكين برد مع فركة يْدينك وصار انقاض للذكرى يذكّرني انطفائك : بالشموع وْ عتمة الخدّين وشاعر يسبر اغوار الحيارى وْ ياخذ البشرى كتبك فـْ دفتره لحظة لمحك تحاولي تنسين تغلغل في زوايا مخيّلتك وحرر الأسرى وساوره اليقين انه تسلل داخلك من عين وأثاري كل ما شافه سكن في عينه الأخرى !! |
غيبي اكثر
إرسمي ظلي على أرض الغياب وارجع اسهر لين يجمعنا غروب مثل مااخمد صوتنا , وجه الفجر مثل ما رحتي قبل أنطق : سحاب مثل ما اوصل لك : سما مثل ما اسقي الأرض : ما . ما تركتيني , كذا طيش وغياب أو جروح لـ وقت يكسيه الغروب كنتِ ابعد من تفاصيل الكتاب من سطور الحلم وانفاس الهروب كنتِ اخفت من طعم قطن السحاب لو ترفّل وسط حضنك , للهبوب ما بي اسأل ليه ؟ واوصد كل باب واحتوائي لك , على ظلك يجوب . واصرخ اكثر : كان ودي أكسبك , نوم وحمام أمنية , تحضن ملامح صوتي الذابل مدى وامطر امطر في (( حلاوتها )) وقصر الضحك / جوّاه الصدى مثل ما ازهر صوتك الدافي القفر مثل ما جيتي وانا انطق : يباب مثل ما أحبك , قناديل وسما ومثل ما أرضي تبي خطوتْك : ما |
وجهي نذرته للعطش غربة اولاد
كانوا بصدري لين فزوا تناهيد أشتاقني ؟ يمكن ويمكن للاعياد في داخلي حلوى وبسمة مواعيد * اللعنه : أحتاج اعيّد بـ الديره ! |
http://www.youtube.com/watch?v=o0eBY...eature=related
قاسم : يامجرم ، ياجنّة الكلام ، يافضة الاشياء . |
شف حالة الغصن ، من طارت عصافيره
وحيد | والجرح والاحلام " تتشمّت " ! ياللي خذاك الغياب : وقلت لي خيره .. صح كنت فرحة حياتي ( بس ماتمّت ) |
كانت هنا .. تكسر الفرقى بكفّ الحضور ............. غابت ولا علّمتني .. وش سبب .. هالغياب ! طلّ الفجر .. والسما باتت .. بليّا طيور ! ............. و انا : جروحي عرايا .. وإن لبست / الثياب !* |
دمعة عيوني : صنتهـا عدّة ايام
____ واليوم تفضح دمعتي ( رجفة ايديّ ) ! |
.
. يوم التقيتك .. / قبل اعوام الجفاف عرفت ( وش يعني المطر للذابلين ) . . |
.
. غبت بـ لحالك ؟ أبد مَنت بـ لحالك .. ............. خاوتك ( فرحة خفوقي و ابتساماتي ) |
تعال : باب الحزن تلعب به الريح
والهم يطرق هَـ الخفوق ويهـبَّهْ !! يا معلّق بـ صدر المكابر مراجيح صدر المكابر : كل جرحٍ لعب بَهْ . |
خلّيتني لـ الزمان ورحتْ متعنّـي
ما قلتلي ذكرياتك ( وين اودّيها ) . |
تنانتبنيكمنتوؤمنتهكةشتبتانمتةلابؤءؤلانت
|
|
. . أنا . أنا : كاتبٍ وقتـي ( يكافحني ) .. ________ عرفتْ كيف أرتكب من حرفي : جناية ! . . |
هيه !
. |
كم لي أدور عن ( هويّة لـ ذاتي )
وانا ورا ذاتي / مسافات وازعاج الاحتياج : اصعب شعور بحياتي عادي اعاني بس مو عادي أحتاج |
عزالله انّه ( لعبّ بي ) لين غوّاني=وانا بعد ( لاعبٍ به ) لين غوّيته ! لي صاحبٍ عن جميع الناس سلّاني=وانا بعد عن جميع الناس ( سلّيته ) أبيات عابرة : كان يهيجن بها ( أحد شيبان الحاره ) ! |
أٌقراك : واكتب ( نحيب اللال )=والفقد يرسم : بجدراني إلا بعد يا / وسيع البال=ماشفت .. لي حلم : بكّاني ؟ حلمٍ على قارعة .. فنجال=شربته بصحة ( اشجاني ) ! ميّلت كتفه عليّ و مال=راسي على : كتفي الثاني واشوفه يقول : كيف الحال !=وراسي على صدره الحاني واقوله : والله ان الحال=ماسرّني كثر / عدواني [ وأنا و عزّة جلال الوال=ما هزهز الشوق : جنحاني ] أشوفني طفل : كبر انجال=و ابهام الايام : باسناني |
خلّوله الباب فاتح / لا تصكّونه=يمكن يسيّر ليا منه تباطاني . لاشاف بالصدر حاجه دوني و دونه=( أخذ من ايديني الدلّه وقهواني ) |
ضحك : وجه المدينة للمسافر والوجيه ( أغراب )=و أنا عابر سبيل وضحكتي مابيّنت / نابي حبيبي والغلا جرحٍ ذكرته . وانفتح له باب=وانا لو ماذكرتك وانت ناسي ( ويش يبقابي ) صحى هم الفراق اللي فتح للذكريات : أبواب=وغفيت وماصحيت الا وطيفك / يطرق ابوابي ذكرت أول لقا . فيه اجتمعنا بالغرام احباب=الين اخر لقا منه افترقنا .. وآخر اتعابي ( فداك الجرح ) يا وجهٍ تركني للملام و غاب=بقاله في حياتي : طعنتين و جرح ماطابي حبيبي : يوم شفت ان الزمان برجعتك كذاب=تركتك / للتجافي والغرور بزحمة اصحابي .. حبيبي وأنت ماتسوى ملام ولا أنت قد عتاب=( تعدّاك الملامه . والعتاب . و شرهة ذيابي ) المطر : عادل الذيابي . |
| الساعة الآن +4: 06:00 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
