ياهاجسي صخر جزيل القاف والمسرى طويل=لاتلتفت يم الوعول الي تهز قرونها
يالراشد الراشد ليا مالت بك الطرقه تميل=اقول لك ياصعبها وتقول لي يهونها

ياهاجسي واليوم مالك لا شبيه ولا مثيل=صخر جزيل القاف للي ماتشوف عيونها
ان كنت تجهل ياسنام بعرف مرويت الصقيل=ياجيب على الي يشري ضحيه يفر سنونها

لا والله الا فوق راسك حن رعاد المخيل=واهل السلوم الوافيه مابعدها مادونها
اليا نختنا بالمواقيف الكبار ام الجديل=والله فينا يابن راشد ماتخيب ضنونها

الله يبيض وجه راع الجود والمد الجزيل=ماهوب جاهل بالحياه ولا جهل قانونها
مايرتكي للحمل غير الي يسمونه شعيل=ليتك تعرف الكلمه الي واصلك مضنونها

لا بارك الله بالشحاح الي يمدون القليل=امن العطايا الي على العربان مايعطونها
ان قلت لي انته حليل ارد اقول انته حليل=وحده بوحده والمعاني ماجهلنا فنونها