تعال ياغازي ابيك بسالفه
 

عطنا اللي عندك والمخرج ملي

اللي عنده مبدا يجيبه

سلام الله عليكم وانا طرقي ومرار = واخيل البرق في مدلهمات المخايل
سمعت الذيب يقنب علي المرقاب ياجار = وغريبه عويت الذيب الاشهب بالقوايل

سلام عليكم

الي يامرحبا من هجوسن تشعم النار = لونك منت ابو زيد محمود الفعايل
اكيد الذيب معروف يلفت كل الانظار = وتال الليل غير الظهر والشك زايل

يابناخي ثنيان لو انك مانت مختار = تبي تقصد وتسري ماحصلت الدلايل
الا يابني عمي وش الي بينكم صار = علام اموركم كلها غل وغلايل

انا بناخي ثنيان بيح كل الاسرار = يابو بشتن حساوي على المتن متمايل
سلايل عبس وقت اللقا وافين الاشبار= ماتجهلم ليا ولعت روس الفتايل

السلام عليكم

اسعد الله صباحكم جميعاً

انا صقار والطير يكفخ بس ما طار = ولا ادري شاف له خرب والا شاف فايل
انا خابر بني عبس لامن الدخن ثار = ولكن تالي الجيل متنزه عوايل هههه

عليكم السلام يامرحبا بالاعلامي المميز بندر بن عايش حياك الله

وعليك السلام اسعد الله صباحك يابن عايش

هلا بك يالغالي

الله يسعد أيامك...

أنت ابو غريب ما غيره؟؟؟؟؟؟؟

صباح الخير

الله الله مايحتاج متشوف الصوره

صباح النور

كبير اسمك مابين العرب وعلومك صغار=الا ياحيف ياعيد ياوفى الخصايل
طويل العمر تنصب عليه قصار الأعمار=بشت الطرق تنصب وفي كل الوسايل

تبي تقنب قنيب الذيابه وانت جوار = وانا اضنك يابوحسين ماعندك صمايل
الا ياكثر الاقزام تنقز تحت الاشجار= ولكن مابهم واحدن للتمر طايل

عاشو الشعار مميزين فتل ونقض وحبك للابيات

أرحب يابدر

الليله غير عاديه تجمع فيها الاحبه

كلكم لكم قدر ومقام وعلى راسكم ابو غريب !!

تعيش يالحر النداوي

ابقاك الله ياعنتر زمانه

مادام المعرفه بينك ومن بينها ستار = مانسمح لك تقدم بنا بين القبايل
ماتلقى لاكسرنا العضم للعضم جبار = ياشين السرج فوق الكديش مع الاصايل

الحر النداوي ...
عنتر زمانه ...
اسعد الله مساكم بكل خير..
متابعتكم شرف لنا ..

لون العرف يعرض علي طقاقت الطار = لقيت القرد بكره يكلم فالمبايل هههههه
تلزم بالعشي وانت قدرك حول مافار = وحالك حال منهو شكا نقص السوايل

لقيتك يالغناوي ماعندك غير دينار = وحنا لاجل دينار مانشد الرحايل
انا اعشيكم بعير و اغديكم احوار=ولكن ياعربنا لاتنسون الجمايل

انا طبيت بالسوق ماحصلت تجار = ولا عينت ياغير حلاب العدايل
تعشا عيشتك بالهنا يواف الاشبار= صدق من قال دنياك يالطيب هوايل

مسلسل طاش ماطاش مثل كل الادوار = وترتيبه ماظنه يصير من الاوايل

توقع قبل لكتب عليك الليله انذار = لو انك تعتزي بالظفر وام الجدايل

الليل الليل

ترا الي راح عمره وهو يشر علي القار = ماني راجي منه لاحفر قبره فعايل
نصيحه ياهل الجدر تحت اجداركم فار = قبل جدر العماره عليكم لا يتهايل

مادامك تملك امن الذهب ياعيد قنطار = علام تجارتك ماتعدا حدود حايل
غياب الذاكره هو سبب تشتيت الافكار = اسوقك سوق للخير وركابك هزايل

اشوف ابعيركم قبل شلفا ذياب ماثار = وهالحينه علينا يابو زهره تحايل
طويل الساق احده علي النازي وينهار = ويحب الارض ويقول يالله ياعقايل

لقيت اسمك مسجل مع الضباط الاحرار = ولكن مشيك اقشر مع الدرب متعايل
على غبن الزمن شاب راسك ونت صبار = ولا ولا قلة المعرفه مالك مثايل

انا غبني بسبت ردي الحظ منخار = ازنقه الغنايم ويرضي بالقلايل
اكزك بالرسايل ولا انت بجايب اخبار = ومن البارح نجاملك من شان الرسايل

صح السانكومع السلامه

ردا حضك وحولت في نار ابن عمار = وعلوم الخير واجد ونا ماني بقايل

تكزك نيت السو عن درب الوفا ايسار = وفصيلة دمك اقبح ماشفت امن الفصايل

ابو غريب تشرفت باللعب معك بيض الله وجهك تحياتي وتقديري لك

ابو غريب مايكسر البيت .. ولايجوز لاحد انه يتلاعب في تاريخه


يابناخي ثنيان لو انك مانت مختار ..

يابناخي ثنيان لونك مأنت مختار

يامصفي المرح عاد كلش ولأبو غريب

لو أنك الألف تكتب ولاتنطق بلهجة ابو غريب ولايوجد على هذا الشطر خلاف

على العموم المحاورة فيها من الفتل والنقض والشد والجذب وتارة يتفوق المرقاب وتارة ابو غريب

ولكن تفوق المرقاب في أغلب فترات المحاورة

من مميزات المحاورة

عيد
سمعت الذيب يقنب علي المرقاب ياجار = وغريبه عويت الذيب الاشهب بالقوايل

عيد جابها على الجرح
الا يابني عمي وش الي بينكم صار = علام اموركم كلها غل وغلايل



هنا المرقاب يتهم الشاعر بأنتحال الشخصية
ماتلقى لاكسرنا العضم للعضم جبار = ياشين السرج فوق الكديش مع الاصايل


المرقاب ينعت خصمه بعدم الشاعرية وهذا البيت به حبك استفزاز من الدرجة الأولى
لقيتك يالغناوي ماعندك غير دينار = وحنا لاجل دينار مانشد الرحايل

وهنا عيد يرد بثقة الشاعر ويتهم !
انا طبيت بالسوق ماحصلت تجار = ولا عينت ياغير حلاب العدايل

حتى جاء الرد من المرقاب بهذا البيت

لقيت اسمك مسجل مع الضباط الاحرار = ولكن مشيك اقشر مع الدرب متعايل

وهذا عيد يقول اعطيناكم الفرصة ولأحد وصل القمة!!
اكزك بالرسايل ولا انت بجايب اخبار = ومن البارح نجاملك من شان الرسايل

مأقول إلا صحت السنتكم المرقاب وابو غريب

امتعتونا بهذا المحاورة الطيبة

وانتم شعار ماعليكم كلام