|
الطير ابو ريشن اسود طار مع بومه
الطير ابو ريشن اسود طار مع بومه = والكل منهم يشابه واحد الثاني هو محتمي فالجبل لا كبرت اهمومه = والا الجبل يرفعه للمنزل الهاني |
اصلح النية الله يصلحك يالغالي
|
هلا والله ابو شرق
ما يعلم بالنيات غير رب العالمين ،، لا تشيل في ذمتك شي |
إقتباس:
انت صاج مالنا الا الظاهر واللي نشوفه حكمنا عليه والعلم عند الله مع السلامة ابا اروح اصلي |
وانت صاج طال عمرك ،، والله يتقبل منا ومنك صالح الاعمال
|
مالك ومال الغراب وبومت الدومه .... عساك مانته من الغربان جفلاني
انا رشيدي واحب الطيب واسومه .... وانته من ايا عرب ياطير حوراني |
البوم طيرن يجيب الشؤم في يومه = اليا دخلت المدينه غير الحاني انا سعودي واعرف الدار واسلومه = والذيب يعرف علوم الذيب سرحاني |
الناس ماهي من الغطات معصومه .... والا انت مافيك ياصعلوك نقصاني
ماودي ادخل مابين الرجل واهدومه ..... مير الحميا عليك اتشب نيراني ههههه |
اشعيل لا شال حمله يلزمه قومه = والا يهون عن حموله ولا يعاني عز الله ان الرجل تطربني اعلومه = لا شب ناره يجي للنار دخاني |
ماقول لك غير ياصغلوك مقسومه .... وكم حذفتن وقعت في عين شيطاني هههه
لا تخلي اعيونك اليا اسرعت محزومه ...... ولا تجينا بنية شر يافلاني |
خذ الرساله من الصعلوك مختومه = يد الكريمي تصافح كف سلطاني الخطه اللي على الاهداف مرسومه =ما تقبل الزور يالاعشى يا قوماني والختام عندك ،، ويشرفني ان العب معك |
صح السانك وصح ابدنك والشرف لي طال عمرك وبيني وبينك الجايات اكثر انشاء الله
|
الله يعطيكم العافيه
|
| الساعة الآن +4: 07:46 PM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
